Jeremiah 19:1 - Bible Ni Thothup

¹ Me yog SOMOL ngog ni nggu wan nggu chuw’iy ba rume’ nni ngongliy ko but’. I yog ngog ni nggu fek boch e pi’lal u fithik’ e girdi’ nge boch e prist ni tin pi’lal,

Jeremiah 19:1 Iomraidhean Croise

2 Kings 19:2

Me l’oeg Eliakim ni ir e ma tay murung’agen e maruwel u tafen e en ni pilung, nge Shebna ni tayol u tafen e pilung, nge pi’in ni pi’ilal ko prist ni ku yad ma kar chuwgad ko mad ntutuw ngranod ngak Isaiah ni profet ni fak Amoz.

Isaiah 30:14

Bay mu weargad ni bod ba th’ib ni but’ ni pil nge wear ni nochiyang, nge par ni dariy bang riy ni ba ga’ boch nrayag ni ngan supunnag e kol ngay ni be gak’, ara nl’ing e ran u luwed ngay.”

Jeremiah 13:1

I SOMOL e yog ni nggu wan gu chuwi’iy ngog yu lay i zubong ni wech ni nggu chuw ngay; machane me yog ngog ni dab gu tay nga maraen.

Jeremiah 26:17

Tomuren e biney me sak’iy boch e pi’ilal ngalang nge lungurad ngak e girdi’ nike mu’ulung,

Jeremiah 32:14

“I SOMOL ni Gubin ma Rayag Rok, ni Got rok yu Israel, e keyog ni ngam fek e gal yang i babyor ney ni mich ko flang ni ku gu fek, ni gin kanpag e hung nga daken ni kug chuw’iy nge gin ndawor, ngam tay nga langgin e rume’, ya nge par ni dabi kireb ko tin ni ba’aray e duw ni bayib.

Lamentations 4:2

Pi fel’yangren nu Zion e ba t’uf rodad ni bod e gol, machane chiney e ngongol ni yibe rin’ ngorad e kar boded e th’ib ni but’.

Ezekiel 4:1

I Got e ga’ar, “Fak e girdi’, mu fek e rengnga ngam tay nga puluwom, mag yoloy ya’an yu Jerusalem nga daken.

Ezekiel 5:1

SOMOL e ga’ar, “Fak e girdi’, mu fek e saydon nib m’uth ngam puy robem nge urngin piyan lolugem. Ma ga thabthabelnag fapi piy mag ki’eg nge dalip ulung ni ta’reb oren.

Ezekiel 9:6

Mu thanged e pogofan rok e pumo’on nike pilibthir, pagel, rugod, matin, nge bitir. Machane dab mu bit’gad ko en ni bay e pow u peri’. Mu tababgad u roy ko Tempel rog.” Ma aram miyad tabab ngar li’ed e pi tayugang’ ni yad ba sak’iy u rom ko Tempel.

Numbers 11:16

Me ga’ar SOMOL ngak Moses, “Mu ulunguy medlip i ragag e pumo’on ni yad ma yog e thin rok yu Israel, mfekrad i yib ngog ko fare Tent u p’eowcheg, ma gog ngorad ni ngar sak’iygad u cherem.

Matthew 26:3

Ma aram me mu’ulung e pi tolang ko prist nge pi’in yad ba ilal rok piyu Israel ngalan e naun rok Kaifas, ni ir fare Prist ni Th’abi Ga’,

Matthew 27:1

Ma kab kadbul me puruy’nag e pi tolang ko prist nge pi’in pi’ilal rok piyu Israel e n’en ni ir e nge togopluw ngak Jesus nge yag nli’ ngem’.

Acts 21:11

Me yib ngomad, me fek e leed rok Paul, me m’ag ay nge pa’ ngay, me ga’ar, “N’en nike yog fare Kan Nthothup e ray nike ga’ar, ‘Cha’ ni fen e gi leed ney e ireray rogon ni piyu Israel e ngar m’aged u Jerusalem, miyad pi’ nga pa’ e pi’in gathi yad piyu Israel.’ ”

2 Korinth 4:7

Machane gamad e pi’in bay romad e ren’ey ni bfel’ ni pi’ fare Kan Nthothup e gamad bod e rume’ ni but’, ni nge m’ug ni re gelngin nem ni ir e ba th’abi gel e yib rok Got, ma gathi gamad e yib romad.