Jeremiah 14:3 - Bible Ni Thothup

³ Pi’in nib yo’or ban’en rorad e yad be l’oeg e pi tapigpig rorad ni ngar feked e ran; yad be yan ko luwed, ma darir piri’egged e ran; ma ra fulweged e rume’ rorad i yib nib mlik’ langgin. Ka ra mithged owcharad ya ke math e liyab ngorad ma ke wagagay lanin’rad.

Jeremiah 14:3 Iomraidhean Croise

2 Samuel 15:30

Me forthog David i yan ko Burey nu Olives ni be yor, ndariy e sus u ay ma ke upunguy lolugen ni bochan e kari kireban’. Ma urngin e girdi’ ni yad be un ngak e ra upunguyed lolugrad ni ku yad be yor.

2 Samuel 19:4

Me upunguy David ni Pilung owchen nge yor ni ba ga’ laman ni be ga’ar, “Absalom ni fakag! Absalom ni fakag!”

1 Kings 17:7

Me munmun me m’ay e ran ko fare lul’ ni bochan e dakir aw e n’uw.

2 Kings 18:31

Dab mu telmed ngak Hezekiah. Emperor nu Assyria e be yog ngomed ni ngam chuwgad u lan e binaw romed ngam pi’ed gimed nga pa’ ni aram e kam weniggad, ya yira pagmed ngam unumed wom’ngin e grape ko grape ni fi’imed, nge wom’ngin e fig ni fi’imed, nge ran u luwed romed

Ester 6:12

Aram me sul Mordekai nga langan e garog u tafen pilung me gurnag Haman ir nge yan nga tabnaw rok, nike upunguy owchen ya ke tamra’.

BABYOR NI JOB 6:20

e ri ma math e liyab ngorad u to’oben yoch pa’ i lul’ nib mlik.

Psalms 109:29

Mang e yigi mathrow e pi to’ogor rog ko tamra’; mang e yug ro’ned e tamra’ nga dakenrad ni bod ba wuru’ e mad nib n’uw.

Psalms 40:14

Mang e yigi par e pi’in yad be guy rogon ni ngar thanged e fan rog ni ka ra waergad ma ke wagagey lanin’rad! Mang e yigi par e pi’in ni kar felan’gad ni bochan e pi oloboch nike yib ngog ngar sulod nike m’ayfarad!

Jeremiah 14:4

Bochan e dakir aw e n’uw ke fengfeng e but’, ma pi girdi’en e woldug e ka ra m’ar gad nga lanin’rad; ka ra mitheged owcharad.

Jeremiah 15:18

Mangfan ni ngu’ug par ngu’ug gafgow? Mangfan ndabi gol e maad’ad u dowag? Mangfan nder fos? Mog, ka mu leamnag ni ngam t’ar lanin’ug ni bod rogon ba lul’ ni mlik’ ko ngiyal’ nike taw nga nap’an e gowel?”

Jeremiah 2:13

girdi’ rog e ke ngongliy l’agruw i denen: ka ra pi’ed keru’rad ngog, ni gag fare alublub nib machalbog e ran riy; ma ka ra kired boch e low, ni low nike yaba’al yu yang riy ndabiyag ni nge mit e ran riy.”

Jeremiah 2:37

Bay kum pi’ keru’um ngak piyu Egypt, ni ka mup’ owchem nga but’ ni fan e kam tamra’. I Gag, SOMOL e kug n’ag e pi’in ke pagan’um ngorad; ere dariy ban’en nra fel’ rogom riy u puluwrad.”

Jeremiah 20:11

Machane gur SOMOL e ga bay u ba’ rog ni gab gel ma gubin mrayag rom, ma pi’in yad be gafgow nigeg e bay ra parawgad. Bay ra pir’ed nike m’ayfarad ni manemus, ya dabiyag ni nge yan i aw nga rogon e tin yad be leamnag. Tamra’ ni yad ra tay e dariy n’umngin nap’an ma dab ni pag talin.

Jeremiah 3:3

Arfan nike tal e n’uw ko nap’an e n’uw. Ka mu bod ya’an be’ nma chuway’ ngak ni damur tamra’.

Lamentations 4:4

Yad ma digey pifakrad ni kab madway nge math e pogofan rorad ko blig nge balel; pi’in bitir e yad be yor nag e ggan ma dariy be’ nra pi’ ngorad.

Hosea 2:3

Ma fa’anra dabi tal, ma bay gu chuweg e mad u daken nge yan i par ni bod e rofen nni gargeleg ndariy e mad u daken. Bay gu gagiyegnag nge yan i par ni bod bbinaw ndariy e ran riy ma der tugul ban’en riy, ma aram e bay yim’ nriyul’ ko balel.

Joel 1:20

Mus ko gamanman ni malboch ma yad be yor ngom, ya yu pa’ i lul’ ma ke mlik’.

Amos 4:7

Gu tel e n’uw ko ngiyal’ ni kri t’uf ko pi woldug romed. Ug pi’ e n’uw nge aw nga daken reb e binaw, ma de aw nga reb. Ma bang e flang e i aw e n’uw ngay, ma bang e danga’.

Amos 4:8

Ma girdi’ u in i binaw e rm’ad ko belel miyad yan nga bbinaw ni yad be athapeg ni ngar pir’eged e ran, machane ran ni ba’ riy e dab ra gamangad riy. Ni yug aram rogon ma dam sulod ngog.

Zekariah 14:17

Fa’anra siyeg reb e nam ni nge yan nge liyor ngak SOMOL ni Gubin ma Rayag Rok ni ir e pilung, ma aram e dabki aw e n’uw nga daken e nam rorad.