Jeremiah 12:16 - Bible Ni Thothup

¹⁶ Fa’anra m’ag u lanin’rad e taliw ko tirog e girdi’ ma yad ra micheg nga fithingag ni ngar ga’argad, ‘Bod rogon SOMOL ni be par nib fos’ — ni bod ni ka’ar filed ngak e girdi’ rog ni ngu’ur mowgad nga fithingan Baal — ma aram e bay ku ra manged boch e girdi’ rog nge fel’ rograd.

Jeremiah 12:16 Iomraidhean Croise

Tang Ko Pitang 1:8

Th’abi pidorang u fithik’ e ppin, mog damnang ko uw? Mman ngam lek fa ran’ i gamanman; ngam pir’eg e gin nge abich e kaming rom riy u charen fapi tent ko pi tagafal gamanman.

Isaiah 2:3

ma girdi’ ko pi nam nem e bayi lungurad, “Ngdarod ko fare burey rok SOMOL, ko Tempel rok fare Got nu Israel. Ya ngad filed e n’en ni ba’adag ni ngad rin’ed; mu u darod ko yu pa’ i kanawo’ nike turguy. Ya thin rok SOMOL e yib u Jerusalem; u Zion e non riy ko girdi’ rok.”

Isaiah 42:6

“I Gag SOMOL e kug piningem ku gu pi’ gelngim ni ngam guy rogon ngam rin’ e tin nib yal’uw u fayleng. Ngug ngongliy bm’ag u thilmad urngin e girdi’ ni nggu rin’ u dakenam; bay gu pi’ e tamilang ngak e pi nam u dakenam.

Isaiah 45:23

Tin gu be yog e ba riyul’, ma dabi thil. Ri gu be micheg nga rarogog: Gubin e girdi’ ni bay rabad ngar ragbuggad u p’eowcheg miyad micheg ni bay ur yul’yul’gad ngog.

Isaiah 49:6

I SOMOL e ga’ar ngog, “Bay reb e maruwel ni ba ga’ ni ngam ngongliy i gur e tapigpig rog. Gathi kemus ni bay mfulweg e tin ke magey e girdi’ nu Israel nga rogorad, ya bay kug gagiyeg nigem ngam mang ba magal ngak e pi nam, ya ngan nang u fayleng ni ga’ngin kanawo’en mi ni thap ngog.”

Isaiah 65:16

Demutrug be’ u lan binaw ni ning e fal’eg wa’ath, ma nge yog ko fare Got nib yul’yul’ nge fel’eg wa’athan. En nra mow e nge mow nga fithingan Got nib yul’yul’. Ma tin kakrom e oloboch e ra chuw min pagtalin.

Jeremiah 16:19

SOMOL gur e cha’ ni gama yoror rog ma gama pi’ gelngig; gama aywegneg u fithik’ e gafgow. Pi nam e bay rabad ngom u gubin yang u fayleng ngar ga’ar gad, “Pi chitamangimad e dariy ban’en rorad machane got ni go’ bogi ban’en e bay, ni bogi liyos nib m’ay fan.

Jeremiah 18:8

ma fa’anra pi’ girdi’en e re nam nem keru’rad ko kireb rorad, ma aram dab ku gu rin’ e tin kugog ni nggu rin’ ngorad.

Jeremiah 3:17

Nap’an nra taw ko ngiyal’nem, ma bay nog ni yu Jerusalem e ‘Gil’ilungun SOMOL,’ ma urngin e nam e bayi mokun ngaram ni ngar liyorgad ngog. Ni bay dab ku ra ngongliyed e n’en ni be yog lanin’rad ni gelan’ nge gumircha’rad ni kireb ngorad.

Jeremiah 4:2

ma aram e rayag ni ngam mowgad u fithingag. Ma aram e gubin e nam e bay roged ngog ni nggu tow’ath nagrad, ma bay ra pininged e sorok ngog.”

Jeremiah 5:2

Yug aram rogon ni gimed ma yog ni gimed ma tay fan SOMOL, ma gathi aram rogon u wan’med.

Jeremiah 5:7

I SOMOL e fith ni ga’ar, “Gur mangfan ni nggu n’ag fan u wun’ug e denen rok e girdi’ rog? Yad e ka ra n’aged gag yad be tay fan boch e got nde riyul’. Ku gu durwi’iy e girdi’ rog karfos gad, machane yad be par e girdi’ ni gathi mabgol rorad ke ga’ forad ngak e ppin ni yad ma falchuway’ ngorad.

Jeremiah 6:16

I SOMOL e ga’ar ngak e girdi’ rok, “Mu sak’iygad ko mdardar ko kanawo’ ngam sapgad; ngam fithed fa yu pa’ i kanawo’ ni kakrom, mfithed e gin bay fare kanawo’ riy ni bfel’. Marod riy nge yag e gapas ngomed.” Machane ke lungurad, “Dab gu warod riy!”

Zefaniah 1:5

Bay gu thang mit e en ma yan ngalang nga daken e chigiy ko naun ngi i tayfan e y’al, pul, nge pi t’uf. Ma ku bay gu thang mit e pi’in yad ma meybil ngog miyad ma micheg ni yad ba yul’yul’ ngog, machane miyad cheal ngar pagedyad ngan yiblayrad u fithingan fare got ni Molek.

Zekariah 1:6

U daken e pi tapigpig rog nge fapi profet e gu pi’ e motochiyel nge tin ngan kol ayuw riy ngak e pi chitamangimed kakrom, machane miyad fek yathin miyad gafgow u wenegen. Ma aram miyad cheal ngar pi’ed keru’rad ko kireb rorad miyad yog ni Gag fare SOMOL ni Gubin ma Rayag Rok, e kug gechig nagrad ni bay tapgin ni nge aw ngorad ni bod rogon ni kug turguy ni nggu rin’.’”

Zekariah 2:11

Re ngiyal’ i n’em e ba yo’or e nam nra yib ngak SOMOL ngar manged girdi’en. Bayi par u fithik’med, mi gimed nang ni ir e ke l’oegeg kugub ngomed.

Roma 11:17

Boch i papa’ngin fare ke gek’iy ni olive nni yung e kan t’ar kan n’ag, ma kan fek pa’ngin ba kaen e gek’iy ni olive nda ni yung kan puthuy ngay. Ere gimed e pi’in gathi gimed piyu Israel e gimed bod e re ke gek’iy nem ni olive nda ni yung, chiney e kam gelngiyed gelngin piyu Israel nge tin ni bfel’ nike pi’ Got ngorad.

Roma 14:11

Ya babyor nib thothup e be ga’ar: “I ga’ar Somol: Rogon feni riyul’ ni gu be par ni gub fos, e gubin e girdi’ ma bay rragbuggad u p’eowcheg, ma urngin e girdi’ ni bay rogned ni gag e Got.”

1 Korinth 3:9

Ya gamow ngabang ni gamow be maruwel rok Got u ta’bang, ma gimed e gimed e milay’ rok Got. Ma ku errogon ni gimed e naun rok Got.

Joshua 23:7

ma aram e dab um ma’thukgad nga girdi’en e pi nam ney ni yad be par u fithik’med ara un fithingan e pi got rorad u l’ugunmed ara mu micheged ban’en u fithingan e pi got rorad ara mu ted farad ara mu siro’gad ngorad.

Ruth 3:13

Mu par u roy e nep’ ney, ma bayi kadbul ma gadow guy rogon ngad nangew ko ba’adag e re mo’on nem ni ir e nge ayuwegnem fa dangay, fa’anra ba’adag me ere bfel’; ma ra dabi rin’ me ere gu be yog u p’eowchen SOMOL ni be par nib fos ni bayi mang gag e gu ayuwegnem. Ere mu thig nga but’ ngam par nge kadbul.”