Jeremiah 11:21 - Bible Ni Thothup

²¹ Girdi’ nu Anathoth e yad ba’adag ni nggum’, karoged ngog ni yad ra thang e fan rog ni fa’anra ku gu be wereg e thin rok SOMOL i yan.

Jeremiah 11:21 Iomraidhean Croise

Isaiah 30:10

Krogned ngak e pi profet ni ngar th’abed gulungrad. Ke lungurad ngorad, “Dab ku mu weliyed ngomad murung’agen e tin nib mat’aw. Mu weliyed ngomad e n’en ni gamad ba’adag ni ngug rung’aged. Dab mu weliyed ngomad e tin riyul’.

Jeremiah 1:1

Re ke babyor ney e be weliy murung’agen e tin ni yog Jeremiah nge tin i rin’. I ir be’ nib mo’on ni fak Hilkiah, mi Hilkiah e ir reb fapi prist ko binaw nu Anathoth ni tafen Benjamin.

Jeremiah 20:10

Gu ma rung’ag laman e girdi’ ni pire’ ni yad ma kathkath, ni be lungurad, “Gafgow nib gel e bay u gubin yang! Ere ngad eg niged e cha’nir ko pilung!” Mus ngak e pi’in nri gamad ba pach ni yad be sonnag ni yiggu thor. Be lungurad, “Sana rayag ni ngan bannag, me yag nda koled ngad fulweged taban ngak e tin ni be yog.”

Jeremiah 26:8

Ma nap’an ni yug gu mu’ i weliy urngin ban’en nike yog SOMOL ngog, ma aram me yib e pi prist, nge pi profet, nge girdi’ ra koledgag ni yad be tolul ni be lungurad, “Thingar ni li’em ngamum’ ni bochan e pi thin ney ni kamog!

Jeremiah 32:7

ni Hanamel, ni fak Shallum ni walagen e chitmag, e bayib ngog ni nge yib i yog ni nggu chuw’iy bang e flang rok u Anathoth u daken tafen e Benjamin, ni bochan e gag e girdi’ rok nrib chugur ma bay mat’wug ni nggu chuw’iy nge milfan ngog.

Jeremiah 34:20

Bay gu pi’rad nga pa’ e pi to’ogor rorad, ni pi’in yad be finey ni ngar thanged e fan rorad, ma ldow rorad e bayi longuy e arche’ nge gamanman ni malboch.

Amos 2:12

Machane gimed e mu suryed e pi nazirite ngar unumed e wayin, mi gimed gelnag e thin ngak e pi profet ni nge dab kur weliyed e thin rog.

Mikah 7:6

Ngiyal’ney e pi pumo’on e yad be darifan nag e chitamangirad, ma pi’in ni ppin e yad be togopluw ngak pi chitiningirad, ma pi’in nrugod e yad be tugthin ngak pi chitiningin pi figirngirad; ere ke par ni girdi’en e tabinaw rok be’ e ke mang to’ogor rok.

Matthew 10:21

“Ma girdi’ e bay ra pi’ed pi walagrad ni pumo’on ni ngan li’rad ngarm’ad, ma pi matam e ku ireram e n’en ni bay rrin’ed ngak pifakrad; ma bitir e bay ra togopluwgad ko matam nge matin rorad ngar pi’ed yad ngan li’rad ngarm’ad.

Matthew 21:35

Me kol fa pi’in kar ninged fa gi woldug fapi sib rok facha’, ngar pirdi’iyed bagayad, miyad li’ bagayad ngem’, miyad malangnag bagayad.

Matthew 22:6

ma boch i yad e ra koled fapi tapigpig ngar pirdi’iyed, miyad li’rad ngarm’ad.

Luke 4:24

Miki ul ul Jesus ngay nge ga’ar, “Ba’aray bbugithin ni nggog ngomed, be’ nib profet e ri danir tayfan u lan e binaw rok.