Jeremiah 11:10 - Bible Ni Thothup

¹⁰ Ka ra sulod ko fapi denen ni i rin’ e pi chitamangirad, ni fa’anra siyeged ni ngar rin’ed e n’en ni gog; ngu’ur ted fan yug boch e got. Judah nge yu Israel e yow lag’ruw ni ka ra th’abew fare m’ag ni gu ngongliy u thilmad e pi chitamangirad.

Jeremiah 11:10 Iomraidhean Croise

Psalms 78:57

ya ur togopluwgad ma kuyad bod e pi chitamangirad kakrom nde ryul’yul’gad, ni gowa ba gan e gat’ing nib bugbug ni dabyag i pagan’uy ngay.

Isaiah 24:5

Girdi’ e ka ra alit niged e fayleng ni bochan e yad be th’ab e motochiyel rok Got miyad be kirebnag fare m’ag ni ngongliy ni nge par ni manemus.

Jeremiah 13:10

Pi girdi’ ni kireb ney e dubrad ni ngar folgad rog. Ri ta’reb farad gelan’ nge farad kireb, ma yad be tay fan ma yad be pigpig nga yug boch e got. Are ara’fan, ni bay ra boded fa yu lay i zubong ni dabki fel’.

Jeremiah 17:23

Pi chitamangirad e da ur motoyilgad ngog fa ra tiyan’rad ko tin gog. Ya ra pig gad nge gel lanin’rad; ni da kur folgad rog ara rafiled ban’en rog.

Jeremiah 22:9

Ma aram e bay rogned nike yodrom ni bochan e ka mu n’iged fare m’ag u thildad, ni gag e Got romed, ke mang yug boch e got e gimed be meybil ngak ma gimed be pigpig ngak.”

Jeremiah 31:32

Dabi bod fare m’ag ni gu ngongliy u thilmad pi chitamangirad ko fa ngiyal’nem ni gu kol pa’rad nggu fekrad nga wuru’ yu Egypt. Ni yug aram rogon ni bod ni gag figirngirad, ma dar ted fare m’ag u gil’.

Jeremiah 44:16

“Gu siyegned ni nggu motoyilgad ko n’en ni mog ngomad u daken fithingan SOMOL.

Jeremiah 44:5

Machane da um motoyilgad ara mu folgad riy. Dariy e ngam paged e ngongol romed ni kireb ko maligach ni gimed be pi’ ngak yug boch e got.

Jeremiah 7:28

Mu weliy ngorad ni girdi’ ko nam rorad e darir folgad rog i gag SOMOL ni Got rorad, ara fel’ u wun’rad ni ngan fonow nagrad. Yul’yul’ e ke yim’. Dakurir weliyed murung’agen e yul’yul’.”

Ezekiel 16:59

I SOMOL ni Th’abi Tolang e be ga’ar, “Rogon e n’en ni bay gu rin’ ngom e ba m’ag nga rogon ni nge aw ngom, ni bochan e mu furuy e tin gu michmicheg mag th’ab fare m’ag.

Ezekiel 44:7

Kar dariyfan niged e Tempel rog ko girdi’ nu bang ni dawor ni maad’ad nagrad ni bod nike yog e motochiyel rok Moses ni bogi girdi’ ni darir folgad rog, ni karbad ngalan fare Tempel ko ngiyal’ ni yibe pi’ ngog e mam nge racha’. Girdi’ rog e kar th’abed e m’ag romad ko urungin e pin’en nib sunsonogor ni kar rin’ed.

Ezekiel 5:6

Machane yu Jerusalem e i tagopluw ko tin gog ni ngan rin’, ngi i gagiyel nib gel e kireb rok ngak boch e nam, ni da i fol ni ba thil ko tin ba’aram e nam u to’oben i yan. Jerusalem e siyeg e tin u gog me digey e motochiyel rog nde tay u gil’.

Hosea 6:4

Be ga’ar SOMOL, “Israel nge Judah, be mang e nggu rin’ ngomew? Rogon ni gub t’uf romew e kem’ay ni bod e ath ni sum ko garbeb ni kadbul me m’ay ngabang nib machreg; bod e wa’angachal ni kab kadbul me m’ay ngabang.

Hosea 6:7

“Machane bod Adam yug nap’an e rabad ngalan fare nam, miyad th’ab fare m’ag u thilmad.

Hosea 7:16

Dakrir sulod ngog yad be lek ba got ni dariy gelngin. Dar muduwgil gad ni gowa ba gat’ing nib bug. Ni bochan e pi’in nma gagiyeg nagrad e ba tolang e thin rorad, yad ra yim’ nib ma’abwoch, ma ra minmin piyu Egypt.”

Levitikus 26:15

Fa’anra mu siyeged ni dab mu folgad ko motochiyel rog nge tin kug ta’chiylen ngam th’abed fare m’ag ni kug ngongliy u thildad,

Zefaniah 1:6

Bay gu thang mit e pi’in kar pi’ed keru’rad ngog nda kurir lekedgag, ni pi’in nda kurirbad ngog ara ra ninged e ayuw ngog ni nggu pow’iyrad.”

Zekariah 1:4

Dab mboded e pi chitamangimed kakrom. Kab kakrom me pi’ e pi profet e thin rog ngorad, ni yibe yog ngorad ni dab kur pired u fithik’ e kireb, nge denen. Machane dar motoyilgad ngog ara rfolgad rog.

Zekariah 7:11

“Machane pi girdi’eg e ra gel niged lanin’rad ndar motoyilgad, ra ninged lanin’rad

Zekariah 7:13

Bochan e gu non ma dar motoyilgad, aramfan ni dagu fulweg taban e meybil rorad.

Deuteronomy 31:16

Me ga’ar SOMOL ngak Moses, “Dabki n’uw nap’an ma gam’, ma nga tomuren ni kamum’ e bay dabki yul’yul’ fapi girdi’ ngog miyad th’ab fare m’ag ni gu ngongliy u thilmad. Bay ra n’igedgag ngar tedfan yugu boch e got ko re nam ni ba’aram ni bay ranod ngay.

Deuteronomy 9:7

“Dab mpaged talin rogon ni mu k’aringed e damumuw ngak SOMOL ni Got romed u lan e ted ni desert. Ka fa rofen ni mu chuwgad u Egypt nge yib i mada’ ko rofen ni mu tawgad ngaray, ni go’ togopluw e um ted ngak.

Hebrews 8:9

Gathi bayi bod rogon e bin ba’aram e m’ag ni gu ngongliy u thilig nge pi chitamangirad ko fa rofen ni gu kol pa’rad nggu pow’iyrad nga wuru’ e nam nu Egypt. Dar pired ni yad ba yul’yul’ ko fare m’ag ni gu pi’ ngorad, ma aram e da kug tiyan’ug ngorad.

Judges 2:11

Ma aram me denen e girdi’ nu Israel nib togopluw ngak SOMOL miyad cheal ngu’ur pigpiggad ngak Baal.

Judges 2:17

Machane da ur folgad rok fapi tayugang’ rorad. Yu Israel e da ur yul’yul’gad ngak SOMOL, ma yugu boch e got e ur tedfan. Ma pi chitamangirad e ur folgad ko tin keyog SOMOL ni ngan rin’, machane biney e mfen nib be’ech e de n’uw nap’an ma da kur folgad.

Judges 2:19

Ma yug nap’an nra yim’ e en i gafaliyrad, me sul fa pi girdi’ nga panginrad ngar ngongolgad nib gel e kireb riy ko bin ke thumur e mfen. Miyad pigpig ma yad be tayfan yug boch e got, miyad pi’ nga daken ngu’ur rin’ed e kireb.

1 Samuel 15:11

“Kug kolngan’ug ni gu turguy Saul ni nge mang pilung; ya ke pi’ keru’ ngog daki fol ko tin gog ngak ni nge rin’.” Me par Samuel ni kari kireban’ ma ke damumuw, me par e re nep’ i n’em ni polo’ ni be wenig ngak SOMOL.