Jeremiah 10:10 - Bible Ni Thothup

¹⁰ Machane gur SOMOL, e gur e bin rriyul’ e Got, ni gur fare Got nib fos ni pilung ni manechibog ko pi chibog. Gur e nap’an ni ga ra damumuw, me rur e fayleng; ni dabiyag ni nge lubeg e pi nam e damumuw rom. (

Jeremiah 10:10 Iomraidhean Croise

Genesis 21:33

Me yung Abraham ba ke gek’iy ni tamarisk u lan yu Beersheba, ni aram e gin’en ni i meybil ngak SOMOL riy, ni fare Got ni manemus.

1 Kings 18:39

Fa’ani guy e girdi’ e ren’em miyad paraw nga but’ ma yad be non ni ba ga’ lamrad ni be lungurad, “I SOMOL e ir e Got; kemus ni SOMOL e ir e Got!”

1 Kings 8:60

Ya urngin e pi nam nu fayleng ni ngar nanged ni kemus ni SOMOL e ir e Got, ma dakuriy yugu reb nga bang.

1 Kronicles 29:11

Ba gil bugwam ma ga ba gel, mab sorom, ma dariy thibngim ma gil’ilungum e ba polo’ u fayleng. Gubin ban’en nu tharmiy ngu fayleng ni go’ tirom, me gur e pilung, tagagiyeg ni th’abi tolang u gubin e gagiyeg.

2 Kronicles 15:3

Ba n’uw nap’an ni i par yu Israel ndariy e bin riyul’ e Got rorad, mdariy e prist ni ngar filed ban’en ngorad, ma ku dariy ba motochiyel.

BABYOR NI JOB 9:6

I Got e ma pi’ e durru’ nge rurug e but’; ma rurug e yuley i duga’ nma dunubiy e fayleng.

Psalms 10:16

SOMOL e pilung ni manechibog ko pichibog. Pi’in yad ma tayfan yugu boch e got e bay ra chuwgad u daken e but’ rok.

Psalms 100:3

Dab mpaged talin i SOMOL ni ir Got! Ir e sunumegdad, ma bmil fadad ngak; gadad girdi’en, gadad fare ran’ i saf rok.

Psalms 100:5

I SOMOL e bfel’; t’ufeg rok e dariy n’umngin nap’an, ma feni yul’yul’ e bayi par ni kargon ni manemus.

Psalms 104:32

Ra sap ko fayleng, me durru’ e fayleng; ma ra math ko pi burey, me waer e ath riy.

Psalms 114:7

Fayleng mu durru’ ko wub ni ke tay Somol, u p’eowchen fare Got rok Jakob,

Psalms 145:13

Gagiyeg rom e bayi par ndariy n’umngin nap’an, ma bay um par ni gur e pilung ndariy n’umngin nap’an. I SOMOL e ba yul’yul’ ko tin keyog nra rin’, ma bfel’ urngin e tin ma rin’.

Psalms 146:6

ni ir e sunumiy lanelang, nge fayleng, nge day, nge urngin e tin bay riy. Gubin ngiyal’ nma tay e tin ke micheg nga tagil’;

Psalms 18:7

Ma aram me yib e durru’ nge rur e fayleng; ma enggin e pi burey e rur ma be dada’, ni bochan e ke damumuw Got.

Psalms 29:10

SOMOL e be gagiyegnag e pi regur; be gagiyeg nib pilung ni dariy n’umngin nap’an.

Psalms 31:5

Ku gu pagfag ngom. SOMOL, I gur e bay mu ayuwegneg; gur ba Got ni gab yul’yul’.

Psalms 42:2

Gur Got ni ga be par ni gabfos e ku gum’ ni bocham ni bod ni kug balel. wu’in e rayag ni gub gu liyor u p’eowchem?

Psalms 68:11

I Somol e yog e n’en ni ngan rin’, ma bo’or e ppin nra welyed i yan:

Psalms 68:8

me rur e fayleng, me map e n’uw u lang nga but’, ni bochan e wub rok Got nu Sinai, ni aram e wub ko fare Got nu Israel.

Psalms 74:12

A Got, ya gur e pilung romad ko tobolingin i yib; bo’or yay ni kam ayuwegmad.

Psalms 76:7

Machane gur SOMOL, e go’ yibe rus ngom. Dariy be’ nrayag ni nge sak’iy u p’eowchem nnap’an ni gab damumuw.

Psalms 76:8

Tiriggil rom e kamog u tharmiy kannang; me rus e fayleng me th’ab gulingan,

Psalms 77:18

Lingan e dirra’ rom e malay nga but’, ma ram’en e uluch ni be matmat e gal’ e fayleng; me t’on nge rur e fayleng.

Psalms 84:2

Kari gum’ ni bochan ni ngub ngaram! Kari gum’ ni bochan ni ngu’un ngalan e yoror rok SOMOL. Polo i gag ni gu be tangnag e felfelan’ ngak fare Got ni be par ni bafos.

Psalms 9:8

Be gagiyegnag e fayleng nib yal’uw rogon; ma pufthinnag e pi nam nrogon nib mat’aw.

Psalms 90:11

I mini’ e ke thamiy mirin e damumuw rom nike mus nga gelngin? Mini’ e manang gelngin e marus ni yira tay ni fa’an ga ra damumuw?

Psalms 90:2

U m’on ndawor mu sunumeg e yochi burey, u m’on ndawor mu sunumeg e fayleng, ni gur ba Got ni urun, ma gur e Got ni dariy n’umngin nap’an.

Psalms 93:2

SOMOL, tagil’im e be par nib mudugil ni ka nap’an ko tabolngin, ma nap’an ndariy ban’en nike sum ma ga bay.

Psalms 97:4

Uluch rok e be gal’ e fayleng; me guy e fayleng me t’on.

Isaiah 37:17

SOMOL chiney, e ngam motoyil ngomad ma ga yaliy e n’en ni yibe rin’ ngomad. Ma ga motoyil nga urngin e pin’en ni be yog Sennakerib ni be m’ay nagfam, gur fare Got ni ga be par ni gab fos.

Isaiah 37:4

Fare emperor nu Assyria e ke l’oeg pilungen e salthaw rok ni nge dariyfannag Got ni be par nib fos. I SOMOL ni Got rom e mang e yigi rung’ag e pi thin nem me gechignag e pi’in i yog. Ere mu meybil ngak Got ni fan ngak e girdi’ rodad nra magach nib fos.”

Isaiah 40:15

U p’eowchen SOMOL e pi nam e yad bod ba wa’angachal u lan ba pakit, ara bod ba tabyu’ u daken e thabthabel, ma pi donguch nib orel e bod feni ba’ud ba ab.

Isaiah 40:28

Da mu nang? Dawor mu rung’ag? I SOMOL e ir fare Got ni bay i par ndariy n’umngin nap’an; ir e sunumiy e fayleng ni ga’ngin. Dar ma yib e magaer ngak ma dar m’ay gelngin. Dariy be’ ni manang e leam rok.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Isaiah 65:16

Demutrug be’ u lan binaw ni ning e fal’eg wa’ath, ma nge yog ko fare Got nib yul’yul’ nge fel’eg wa’athan. En nra mow e nge mow nga fithingan Got nib yul’yul’. Ma tin kakrom e oloboch e ra chuw min pagtalin.

Jeremiah 23:36

Thangri dab roged e re thin nem ni ‘tomal rok SOMOL,’ ni bochan e fa’anra yog be’, ma bay gu gagiyegnag e thin rog ngari tomal ngak. Girdi’ e ka ra thilyegned fan e thin rok e Got rorad, nib Got nib fos, ni SOMOL ni Gubin ma Rayag Rok.

Jeremiah 4:2

ma aram e rayag ni ngam mowgad u fithingag. Ma aram e gubin e nam e bay roged ngog ni nggu tow’ath nagrad, ma bay ra pininged e sorok ngog.”

Jeremiah 4:24

Gu sap ko pi burey ma be rur, ma yochi burey e be thigthig.

Jeremiah 50:46

Nap’an nra thay pa’ yu Babylon, ma bay ba lingan riy nra rurug e fayleng, ma lungun e meyor e yira rung’ag ko tin ba’aram e nam.”

Jeremiah 51:29

Be duru’ e but’ ma be rur ni bochan SOMOL e ke rin’ e n’en nike tanomnag ni nge tay yu Babylon ni bang i daken e ted ni desert, ni dakriy be’ nra par riy.

Daniel 4:3

“Kad ngatgad ko pin’en ke dag Got ngodad! Pi maang’ang nma ngongliy e ri ba ga’! Bay i par Got ni ir e pilung ndariy n’umngin nap’an; ir e bay i gagiyeg ndariy n’umngin nap’an.

Daniel 4:34

“Fa’ani taw nga nap’an mu gu changar ngalang, i gag Nebukadnezzar, me sul lanin’ug ngog. Mu gu pining e sorok ngak Got ni Ir e Th’abi Tolang, ni bay i par nib fos ndariy n’umngin nap’an, mu gu tay fan, mu gog ni ir e ba gilbuguwan, me lungug, “I ir e bayi gagiyeg ni dariy n’umngin nap’an, ma gagiyeg rok e gubin ngiyal’ ni bay i par.

Daniel 6:26

Gu be yog ni ga’ngin e gin gu ma gagiyegnag e nge par gubin e girdi’ riy ni bay madgun fare Got rok Daniel u wun’rad ma ngu’ur liyorgad ngak: “I ir ba Got ni be par nib fos ma bayi gagiyeg ni dariy n’umngin nap’an. Ma gagiyeg rok e dariy e n’en nra rin’ me yag nni kirebnag, ma gelngin e dariy e n’en nra rin’ me mus.

Daniel 6:27

Ma ayuweg e pogofan mma chuwegey u fithik’ e riya’; ma ngongliy e tin yira ngat ngay nge pi maang’ang u tharmiy ngu but’. Ke ayuweg Daniel rok e layon.”

Daniel 7:14

Min pi’ mat’wun ko gagiyeg ni nge tay ma ngan tay fan, ma nge par ni ir e pilung, ya girdi’ u urngin e pi nam, nge pi racha’, nge pi thin e ngu’ur folgad rok. Ma mat’wun ko gagiyeg ni nge tay e bayi par ndariy n’umngin nap’an, ma gagiyeg rok e dabimus.

Joel 2:11

I SOMOL e bayi yog ngak e salthaw rok e tin ngar rin’ed ni bay yib laman ngorad ni bod lingan e dirra’. Ma pi’in yad be fol rok e yad bpire’ ma yad ba gel. Re rran rok SOMOL nem e rib gel feni kireb! Mini’ e ra magay riy ni kabfos?

Mikah 1:4

Ma bay i ranran e burey u tan e rifrif u ay ni bod e kindel u mit e nifiy; ni map’ ngalan e pi loway ni bod e ran ni be lul’ u daken e burey.

Nahum 1:5

Pi burey e durru’ u p’eowchen SOMOL; me ranran e yochi burey u p’eowchen. Fayleng e rur u nap’an ni m’ug SOMOL; fayleng nge girdi’ riy e ra t’on gad.

Nahum 1:6

Nap’an e ra damumuw, me mini’ e rayag ni fas? Mini e rayag ni fas u gelngin e damumuw rok? I pu’og e damumuw rok ni be daramram; me pilpil e war nge par ni bod e fiyath u p’eowchen.

Habakkuk 3:10

Fa’ani guyem e pi burey miyad durru’; me map’ e ran u lanelang nga but’. Me chub lingan e ran u tan e but’, me puw e n’ew rorad nge tolang.

Habakkuk 3:6

Ra tal, me rur e fayleng; ra sap, me t’on e pi nam. Fapi burey nike kakrom e ke puth; ma yochi burey nike kakrom e ke aw nga but’, ni fa yochi burey ni i yan u daken kakrom.

Malaki 3:2

Machane mini’ e rayag rok ni nge lubeg e re rran nem ni bay yib riy? Mini’ e rayag rok ni nge par nib fos ko ngiyal’ nra yib i m’ug? Ir e bod rogon ba soap nib gel, fa bod e nifiy nma ranran nag e wasey nge chuweg e chabung u fithik’.

Matthew 16:16

Me fulweg Simon Peter ngak ni ga’ar, “I gur fare Messiah, ni Fak Got gur, ni Got nib fos.”

Matthew 26:63

Machane me par Jesus nike th’ab gulungan. Miki non fare Prist ni Th’abi Ga’ ngak bayay ni ga’ar, “Chiney e nggog ngom u daken fithingan fare Got ni be par nib fos ni nggu tem nga p’eowchen ngamog e tin riyul’: mog ngomad ko gur fare Messiah ni Fak Got gur fa danga’.”

John 17:3

Ba’aray ara’ e yafos ndariy n’umngin nap’an: ni aram e nge nangem e girdi’ ni kari mmus ni gur e bin riyul’ e Got, miyad nang ko mini’ Jesus Kristus, ni ir e kam l’oeg ke yib.

Acts 14:15

“Pi cha’, mang ni ngam rin’ed e biney e pa’? Ya gamow l’agruw i girdi’ ni gamow bod gimed! Kug bow ngaray ni nggu weliyew ngak e girdi’ fare Thin Ni Bfel’ ni murung’agen Jesus, ma gamow pingegmed ngam pi’ed keru’med ko tin ndariyfan ngambad ngak fare Got ni be par nib fos, ni ir e ngongliy e tharmiy, nge fayleng, nge day, nge urngin ban’en ni bay u fithik’ e pin’ey.

Deuteronomy 32:4

“I SOMOL e ba gel ma bay i par ni manaf romed, ir e ba yal’uw ma bmat’aw urngin e tin ma rin’. Got romed e ba yul’yul’ ma der ma ban, ngongolen e bfel’ ma ba yal’uw.

Deuteronomy 5:26

Ya mini’ e re girdi’ ni ka a rung’ag laman Got ni be par nib fos ni non u fithik’ e nifiy, ni bod ni kad rung’aged ma ka gadad be par ni gadad bfos?

1 Thessalonika 1:9

Urngin e pi girdi’ ney ma yad be weliy rogon ni mt’ufeged gamad ko fa ngiyal’ ni gu bad ngomed, nge rogon ni mpi’ed keru’med ko liyos nma meybil boch e girdi’ ngay ngam sapgad ngak Got, mi gimed pigpig ko bin nib riyul’ e Got ni ir e be par nib fos,

1 Timothy 1:17

Fare Pilung ni bay i par ndariy n’umngin nap’an, ma dabi yim’ bi’id ma dab ni guy nga owchey, ma kemus ni ir e ta’are Got ni bay, e ir e ngi i liyor e girdi’ ngak me ir e nganog e sorok ngak ndariy n’umngin nap’an! Amen.

1 Timothy 6:17

Mog ngak e pi’in bo’or ban’en rorad ko biney e tamilang ndab ra ufanthin gad, ma dabi l’agan’rad ko pin’em nde muduwgil, ni aram e pin’en nma fel’ rogoy riy ko biney e tamilang, machane nge l’agan’rad ngak Got ni ir e ba gol ni be pi’ urngin ban’en ngodad ni be fel’ rogorad riy.

Hebrews 10:31

Rib gel e gafgow nra tay e pi’in nra gechig nagrad Got, ni Got ni be par nib fos!

Joshua 3:10

Daba’ e bay mu nanged ni fare Got ni be par nib fos e bay romed; nap’an ni bay mmarod i yan nga m’on ma ir e bayi tuluf piyu Kanaan ngar chuwgad, nge fapi girdi’ ni kanog e Hittite ngorad, nge Hivite, nge Perizzite, nge Girgashite, nge Amorite, nge Jebusite.

1 John 5:20

Gadad manang ni en ni Fak Got e ke yib ma ke tamilangnag an’dad ni ngad nanged fa bin riyul’ e Got. Gadad bay u fithik’ e bin riyul’ e Got — u fithik’ Fak ni Jesus Kristus. Ir e bin riyul’ e Got, ma ir e yafos ndariy n’umngin nap’an.

Revelation 20:11

Ma aram mu gguy ba tagil’ e pilung nib ga’ ma ba wechwech nge en nike par ngay. Me mil e fayleng nge tharmiy u p’eowchen nga bayang nge da ku ni guy.

Judges 5:4

SOMOL, fa’an mu chuw ko fapi burey nu Seir, fa’an mub u lan fa gi binaw nu Edom nga wuru’, me rur e but’, me aw e n’uw u lang. Arrogon, i map’ e ran ko manileng nga but’.

1 Samuel 17:26

Me fith David e pi salthaw ni yad ba chugur ngak ni ga’ar, “Fa’anra li’ be’ e re Filistine nem nge chuweg e tamra’ rok yu Israel ma mang e yira pi’ ngak? Ya mini’ e re Filistine nem ni be’ nde nang Got ni be darifannag e salthaw rok Got ni be par nib fos?”

1 Samuel 17:36

Kug li’ boch e layon nge bear, ma ku irera’ e n’en ni gu ra rin’ ko re Filistine nem ni be’ nde nang Got, ma be darifannag e salthaw rok Got ni be par nib fos.