Jeremiah 1:7 - Bible Ni Thothup

⁷ Machane me ga’ar SOMOL ngog, “Dabmog ni kayigi gel fanam bitir, ya ngam man ngak e girdi’ ni bay gu pi’em ngam man ngorad, ma ga weliy ngorad urngin e tin bay gog ngom ni ngam weliy.

Jeremiah 1:7 Iomraidhean Croise

1 Kings 22:14

Me fulweg Mikayah ni ga’ar, “Rogon feni riyul’ ni be par SOMOL nib fos, e rogon nra yog ngog e aram rogon ni nggu weliy.”

1 Kings 3:7

SOMOL ni Got, kam gagiyeg nigeg kug wan nga luwan e chitamag kug pilung, ni yugu aram rogon ni ku gub pagel nda gu nang rogon e gagiyeg.

2 Kronicles 18:13

Machane me fulweg Mikayah ni ga’ar, “U fithingan SOMOL ni be par nib fos e gu ra yog e n’en ni be yog e Got rog ngog!”

Exodus 6:29

e ga’ar ngak, “I gag SOMOL. Mu weliy ngak e pilung nu Egypt urngin e tin kug weliy ngom.”

Jeremiah 26:2

me ga’ar SOMOL ngak Jeremiah, “Mman mu sak’iy ngalan e Tempel ngam weliy urngin e tin kugog ngom ngak e girdi’ nike yib ko pi binaw nu Judah ngaram ni ngar meybilgad. Dab mu pag ta’a ban’en riy ndab mu weliy.

Jeremiah 43:1

Kug mu’ i yog ko girdi’ gubin e tin ni l’oegeg SOMOL ni Got rorad ni nggog ngorad.

Jeremiah 7:27

“Ere gur Jeremiah, e ngam weliy urngin e pi thin ney ngorad, machane gathi bay ra motoyilgad ngom; bay mu piningrad, machane dab ra fulweged lungum.

Ezekiel 2:7

Ngamog ngorad e tin bay gu weliy ngom, ndemturug ko yad ra motoyil ngom fa dab ra motoyilgad. Ma dab mu pag talin ni yad bogi tatogopluw.

Ezekiel 3:27

Ma nap’an ni bay gu non ngom bayay mu gu sulweg gelngim nge yag ni mu non, ma bay mog ngorad e n’en ni gu be yog I Gag SOMOL ni Th’abi Tolang. Boch i yad e ra motoyil, machane bochi yad e bay ra sabalbalyang gad rom, ya yad ba nam i tatogopluw.”

Amos 7:15

Me fekeg SOMOL ko maruwel rog ni tagafal saf me yog ngog ni nggu wan ngu’ug weliy e thin rok ngak piyu Israel ni yad girdi’en.

Jonah 3:2

“Mu fal’eg rogom ngam man nga Nineveh, ni fare binaw nib ga’ ngamog lungug ko girdi’ riy.”

Numbers 22:20

Me nep’ me yib i ga’ar Got ngak Balaam, “Fa’anra ke yib e pi cha’nir ni ngam un ngorad, me ere mfal’eg rogom ngam un ngorad, machane kemus ni tin ni nggog ngom e ngam rin’.”

Numbers 22:38

Me ga’ar Balaam, “Ku gub, machane dariy gelngig ni nggog ban’en. Kemus ni thin ni bayi tay Got nga l’ugunag e ir e bay gog.”

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Acts 20:27

Ya da gu tal nda gog ngomed e tin ni kem’ay i leamnag rok Got ni fan ngomed.