Jeremiah 1:2 - Bible Ni Thothup

² U lan fare duw ni gaman e ragag nge dalip e duw ngay ni Josiah ni fak Amon e ir e pilung u Judah, me non SOMOL ngak Jeremiah.

Jeremiah 1:2 Iomraidhean Croise

1 Kings 13:2

Me non fare profet nib togopluw ko fare altar, ni nge fol ko tin keyog SOMOL ngak ni ga’ar “Altar, altar, ba’aray e n’en ni be yog SOMOL: Bay bbitir ni bay ni tunguy fithingan ni Josiah, ni bay ni gergeleg ngalan fare tabnaw rok David. Ir e bayi li’ nge yim’ u dakenam e pi prist ni yad be pigpig ko fapi altar rok e pi’in ndar nagned SOMOL ni yad ma pi’ e maligach u dakenam, ma bayi urfiy yilen e girdi’ u dakenam.”

1 Kings 13:20

Ma nap’an ni yow ba sabal ko tebel, me yib e thin rok SOMOL ngak fare profet ni pilbithir,

2 Kings 21:18

Me yim’ Manasseh min k’eyag u lan fare gi milay’ u charen e naun rok ni tafen e pilung, ni kanog e milay’ nu Uzza ngay, me Amon nib mo’on ni fak e yan nga luwan nge mang pilung.

2 Kings 21:24

Ma pi girdi’ nu Judah e ra thanged e fan rok e pi’in ra li’ed Amon miyad tay Josiah nib mo’on ni fak Amon nge mang pilung.

2 Kings 22:3

U lan e bin ragag nge meruk e duw ni Pilung Josiah, me l’oeg Josiah Shafan ni tayol rok, nib mo’on ni fak Azaliah nib mo’on ni fak Meshullam, nge yan nga tempel ni ga’ar ngak,

Jeremiah 1:11

Me fith SOMOL ngog ni ga’ar, “Jeremiah, mang e ga be guy?” Mu gu fulweg ni lungug, “Ba pa’ i gek’iy ni kel.”

Jeremiah 1:4

Me ga’ar SOMOL ngog,

Jeremiah 25:3

“Ke non SOMOL ni kanpan e bin ragag nge dalip e duw nike pilung Josiah ni fak Amon u Judah nge mada’ ko daba’ ni aray e ke gaman rliw’ nge dalip e duw, ma dawor gu pag ni da gog ngomed e tin ni i yog. Machane damur motoyilgad.

Jeremiah 28:12

Bochu’uw nga tomuren e ran’ey me ga’ar SOMOL ngog

Jeremiah 3:6

Nap’an nib pilung Josiah, me ga’ar SOMOL ngog, “Kam guy e n’en ke rin’ Israel ni fare pin ni de yul’yul’? Ke cheal rog nga orel, ma gubin pe’bugul e yochi burey nge gubin tanggin e yuke gek’iy nib galunglung ma be ngongol riy ni bod be’ nma chuway’ ngak.

Jeremiah 36:2

“Mu fek e babyor ngam yoloy ngay urngin e pin’en ni kug weliy ngom ni murung’agen yu Israel nge yu Judah, nge urngin e pi nam. Mu yoloy urngin e pin’en ni kug weliy ngom ko th’abi som’on ni gu welthin ngom, nap’an ni Josiah e pilung, nge yib nge mada’ ko chiney.

Hosea 1:1

Irera’ e thin ni pi’ SOMOL ngak Hosea, ni be’ nib mo’on ni Beeri e chitamngin, ko fa ngiyal’nem ni Uzziah, nge Jotham, nge Ahaz, nge Hezekiah e ur pilunggad u Judah, ni bayi chuw bagayad me yib bagayad nga luwan; mi Jeroboam ni bmo’on ni Joash e chitamngin e ir e pilung nu Israel.

Joel 1:1

Thin rok SOMOL ngak Joel, nib mo’on ni fak Pethuel.

Jonah 1:1

Reb e rran me non SOMOL ngak Jonah nib mo’on ni fak Amittai.

Mikah 1:1

Ba’aray e thin rok SOMOL ni yib ngak Mikah nu Moresheth ko ngiyal’ ni ba’aram ni i pilung Jotham, nge Ahaz, nge Hezekiah u Judah, nra chuw bagayad me yib bagayad nga luwan. Me dag SOMOL ngak Mikah e pin’en ni bay yib nga Samaria nge nga Jerusalem.

Zefaniah 1:1

Ba’aray e thin ni yog SOMOL ngak Zefaniah ni profet u nap’an ni Josiah ni fak Amon e Pilung nu Judah. (Zefaniah e yib rok fare pilung ni Hezekiah u daken Amariah, Gedaliah, nge Kushi.)