Jeremiah 1:10 - Bible Ni Thothup

¹⁰ Daba’ e ku gu pi’ gelngim ni ngam gel ko pi nam nge yungi ban’en nra reb e pilung ma be gagyegnag bang, ni ngam pug ngalang ma ga buthug, ma ga kirebnag ma ga chuweg, ma ga ubung ma ga yung.”

Jeremiah 1:10 Iomraidhean Croise

1 Kings 17:1

Elijah ni fare profet ni be’ u Tishbe u lan yu Gilead e ga’ar ngak Ahab ni Pilung nu Israel, “U fithingan SOMOL ni fare Got nu Israel ni be par nib fos, ni gag e tapigpig rok, e nggog ngom ni bayi par ndakuriy e wa’angachal nge n’uw u lan l’agruw fa dalip e duw, nge mada’ ko ngiyal’ ni bay fin gog.”

1 Kings 19:17

En nra thay rok Hazael e bayi thang Jehu e pogofan rok, ma en nra thay rok Jehu e bayi thang Elisa e pogofan rok.

Eklesiastes 3:3

nge ngal’an ni ngan thang e pogofan nge ngal’an ni ngan gol nigey; nge ngal’an ni ngan buthug nge ngal’an ni ngan toy.

Jeremiah 1:5

“Gu mel’egem u m’on ndawor mu sum nga mayal, mu m’on ni ngan gargelegem mu gu duwgiliy ni ngam mang profet ngak e pi nam.”

Jeremiah 24:6

Bay ug guyrad ma bay gu fulwegrad ko re but’ ney. Bay gu ubungirad ngalang ma dab gu buthugrad nga but’; gu ra yungrad ma dab gu pugrad.

Jeremiah 25:13

Bay gu gechignag piyu Babylon u urngin fapi riya’ ni u gog u l’ugun Jeremiah ni nggu fek nga daken e pi nam — gubin e riya’ ni kan yoloy ngalan e re ke babyor ney.

Jeremiah 31:28

Ma rogon ni gu tayan’ug i pug ngalang, mu gu buthug, mu gu thirifrad u but’, mu gu kirebnag, mu ggiliwnag, e aram rogon ni bay gu yung mu gu sul nggu fal’eg rogon.

Jeremiah 31:40

Ma fare loway ni ga’ngin ni yima yin’ e yam’ ngay nge dow, nge urngin yang e ted ni bay nga talang ko lul’ ni Kidron nge yan i mada’ ko fare garog ni Garog ko Os fithingan ko ngek e bayi par nib thothup ni fan ngog. Ma re binaw nem e gathi bay kun buthug e naun riy ara ni kirebnag bayay.”

Jeremiah 36:2

“Mu fek e babyor ngam yoloy ngay urngin e pin’en ni kug weliy ngom ni murung’agen yu Israel nge yu Judah, nge urngin e pi nam. Mu yoloy urngin e pin’en ni kug weliy ngom ko th’abi som’on ni gu welthin ngom, nap’an ni Josiah e pilung, nge yib nge mada’ ko chiney.

Jeremiah 44:27

Bay gguy ni nge par ni dab kum man’ogad, ma bay ni thirifmed u but’. Gimed gubin ni bay m’ad, ni de muduwgil ko ngam m’ad u fithik’ e mael ara liliy, nge taw ko ngiyal ni dakriy bigmed nike magach.

Jeremiah 45:4

“Machane I Gag SOMOL e ngu buthug nga but’ e n’en ni kug toy mug pug ngalang e n’en ni kug yung. Arogon ni bay gu rin’ nga ga’ngin e fayleng.

Ezekiel 21:19

ni ga’ar, “Fak e girdi’, mu tay e pow nga daken l’agruw i kanawo’ ni nge yib e pilung nu Babylon riy ni bay e saydon rok. Lagruw pa’ i kanawo’ nem e nge tabab u lan ta’ab binaw. Mu suweg ban’en ngalang ni pow ko gin ni dar e gal pa’ i kanawo’ nem riy.

Ezekiel 23:36

Ga’ar SOMOL ngog, “Fak e girdi’, kam fal’eg rogom ni ngam pufthinnag Oholah nge Oholibah? Mog ngorow e pin’en nib sonogor ni kar rin’ew.

Ezekiel 32:18

“Fak e girdi’, mu dololoy’nag urngin e girdi’ nu Egypt. Mon’rad nga’ar nib cheag fapi nam ngay nib gel gelngirad ngranod ko fayleng ko yam’.

Ezekiel 36:36

Ma aram e pi nam ni yad bay u to’oben i yan ni ka yad bfos e bay ra nanged ni Gag SOMOL e kug ngongliy e pi binaw nni kirebnag nga ni pag ma kug wolduguy tagil’ e woldug ni i par ndariy e woldug riy. I Gag SOMOL e kugog ni bay gu rin’ e pin’ey ma i bay gu rin’.”

Ezekiel 43:3

Re ya’an ney e bod fa bin ni gguy ko fa ngiyal’ ni yib Got ni nge gathey yu Jerusalem, nge fa bin ni gguy u charen e l’ul ni Kebar. Ma aram mug palpal nga daken e but’.

Hosea 6:5

Ere kug l’oeg e pi profet rog ngomed ni ngrogned ngomed murung’agen e pufthin nge gechig. N’en ni gu ba’adag ni ngam nanged e mmom ma ba tamilang:

Amos 3:7

I SOMOL ni Th’abi Tolang e dariy ban’en nma rin’ nder ma dag ngak e pi profet, ni aram e pi tapigpig rok.

Amos 9:11

Be ga’ar SOMOL, “Girdi’en e tabinaw rok David ni yad be par ni bod ba naun nike puth e bay gu fulwegrad nga rogorad e rofen nem. Bay gu fal’eg rogon e rungrung riy, mu gu fulweg nga rogon. Bay gu toy bayay nge yan i par ni bod kakrom.

Zekariah 1:6

U daken e pi tapigpig rog nge fapi profet e gu pi’ e motochiyel nge tin ngan kol ayuw riy ngak e pi chitamangimed kakrom, machane miyad fek yathin miyad gafgow u wenegen. Ma aram miyad cheal ngar pi’ed keru’rad ko kireb rorad miyad yog ni Gag fare SOMOL ni Gubin ma Rayag Rok, e kug gechig nagrad ni bay tapgin ni nge aw ngorad ni bod rogon ni kug turguy ni nggu rin’.’”