James 5:2 - Bible Ni Thothup

² Ya ban’en romed nib pire’ e ke wod, ma mad romed e ke longuy e ngal.

James 5:2 Iomraidhean Croise

BABYOR NI JOB 13:28

Aram fan ni ku gu puth nga but’ ni bod e gek’iy nike gaen, fa ba wuru’ e mad nike longuy e ngal.

Psalms 39:11

Ga ma gechig nagmad nib gel ni bochan e pi denen romad. Ga ma gathay e n’en nib t’uf romad ni bod e ngal. Rriyul’ ni girdi’ e bod ba wuchuth i nifeng!

Isaiah 50:9

SOMOL ni Th’abi Tolang e ir e be n’ufegeg, ere mini’ e rayag rok ni nge micheg nib kireb e rog? Urngin e pi’in yad be non nib togopluw ngog e bay ranod ngabang; bay ra m’aygad ngabang ni bod ba mad nike longuy e ngael!

Isaiah 51:8

ya bay ram’aygad ngabang ni bod e mad nike longuy e ngael! Machane nganpuf kodenen ni kug fek i yib e rapar ndariy n’umngin nap’an; gel ni nggu tay e ra par ni dabimus bi’id.”

Jeremiah 17:11

Be’ ni be fek e salpiy u fithik’ e sasalap e bod rogon ba arche ni bilig e tamango ni gathi ir e tay. Ra yan i taw nga falngin e yafos rok me mul e faab rok u pa’, ma tomuren e ir be’ ni dariy rogon kemus ni be’ nib balyang.

Hosea 5:12

Bay gu fek e riya’ nga daken yu Israel mug gafgownag e girdi’ nu Judah.

Luke 12:33

Ere mpi’ed ni chuway’ urngin e tin ni bay ban’en romed mi gimed pi’ e salpiy riy ngak e pi’in gafgow. Mu yagniged ngomed tafen e salpiy ndar ma kireb, mi gimed ayuweg e fla’ab romed nga tharmiy, ko gin ni dabi lich riy, ma dariy ba moro’ro’ nrayag ni nge ded pa’ ngay, ma dabi kirebnag e ngal.

James 2:2

Susun e errogon me yib be’ nib mo’on ngalan e mu’ulung romed, ni be’ ni bo’or ban’en rok ma bay e luwew nib gol u bugul i pa’ ma be yin’ e mad ni bfel’, miki yib be’ nib mo’on ngalan e mu’ulung romed, ni be’ nib gafgow nib mogchoth e mad rok.

1 Peter 1:4

ere gadad be son ni nge yag ngodad e fla’ab ni ba ga’ nike cha’riy Got ni fan ngak e tirok’ e girdi’, ni be cha’riy e pi tow’ath nem u tharmiy ni fan ngomed ko gin ndabiyag ni nge wod riy ara kireb fe kaday.