James 5:13 - Bible Ni Thothup

¹³ Bay bigimed nike gafgow e chiney? Ere nge meybil. Bay bigimed nike felfelan’? Ere susun e nge yin’ e tang ni be pining e sorok ngak Got riy.

James 5:13 Iomraidhean Croise

1 Kronicles 16:9

Ngan tangnag e sorok ngak SOMOL; min weliy feni fel’ e pin’en ke rin’.

BABYOR NI JOB 33:26

ma nap’an e ra meybil, me fulweg Got taban e meybil rok; bay i liyor ngak Got u fithik’ e felfelan’; me ayliy Got urngin ban’en u puluwon nge fel’ bayay.

Psalms 105:2

Mu tang niged e sorok ngak SOMOL; mu weliyed urngin e pin’en ni bfel’ nike rin’!

Psalms 118:5

U fithik’ e ngochngochan’ rog mu gu pining SOMOL, me fulweg lungug nge chuwegeg u fithik’.

Psalms 18:6

U fithik’ e mo’maw’ rog mu gu pining SOMOL; gu pining e Got rog ni nge ayuw. I rung’ag lamag ngalan e tempel rok; i motoyil ko meyor rog ni man ayuw.

Psalms 50:15

Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”

Psalms 91:15

Nap’an ni yad ra non ngog mu gu fulweg lungurad; mra yib e oloboch ngorad, ma gu bay rorad. Gu ra chuwegrad u fithik’ nggu tolang nagrad.

Psalms 95:2

Ngadbad nga p’eowchen ngad pininged e magaer ngak, ma gadad tangnag u fithik’ e felfelan’ ni gadad be pining e sorok ngak!

Isaiah 65:14

Bay ur tang niged e felfelan’, machane bay um yorgad ni kari mo’och’och lanin’med.

Daniel 5:4

Ra unumed e wayin miyad pining e sorok ko pi liyos ni aram e got rorad nni ngongliy ko gol, nge silber, nge bronze, nge yug wasey, nge ren, nge malang.

Hosea 6:1

Be ga’ar e girdi’, “Ngad sulod ngak SOMOL. Ke popofdad, machane ku bayi faseg e maad’ad rodad; ke maad’ad ngodad; machane bayi m’ag e mad ko yungi n’en nike maad’ad u dowdad.

Jonah 2:2

“U fithik’ e buchbuchan’ rog, a SOMOL, mu gu piningem ma ga fulweg lungug. U ar u lan e fayleng ko yam’ e gu yornag e ayuw, ma ga rung’ag lungug.

Jonah 2:7

Nap’an ni gu thamiy rog ni nggum’, ma aram mu gu meybil ngom SOMOL, ma ga rung’ag lamag ngalan e Tempel rom nib thothup.

Mikah 4:5

Ra reb e nam ma yad be meybil ma yad be fol rok e birorad e got, machane gadad e bay ud meybilgad ngak SOMOL ni Got rodad ma gadad be fol rok ndariy n’umngin nap’an.

Matthew 26:30

Miyad yin’ ba tang ni yad be pining e sorok ngak Got riy nge mu’ miyad yan ko burey nu Olive.

Luke 22:44

U fithik’ e re thamtham nem ni tay ni gowa kan chuchuy nga but’ e ri tay ir riy ko meybil; ma athuw u downgin e bod yu mey i racha’ ni be map’ nga but’.

Luke 23:42

Me ga’ar ngak Jesus, “Ri ga ra leam nigeg ko ngiyal’ ni ga ra yib ni gur e kam mang pilung!”

1 Korinth 14:15

Ere mang e nggu rin’? Bay gu rin’ ni l’agruw, bay gu meybil nthin nda nnang fan, machane bay kug meybil ni yira nang fan; bay gon’ e tang ko thin nda nnang fan, machane bay ku gon’ e tang nthin ni yira nang fan.

1 Korinth 14:26

Pi walageg ni girdi’en Kristus, mang e gu be yip’ fan? Gimed ra mu’ulung ni ngam rung’aged e thin rok Got mi gimed meybil mra be’ ma ke fal’eg rogon nrayag ni nge pi’ reb e tang ni machib, ma be’ e nge fil e thin rok Got ngak e girdi’, ma be’ e nge weliy e n’en nike pateg Got nga laniyan’, ma be’ e nge weliy e thin ndawor ni rung’ag ma da nnang fan, ma be’ e nge weliy murung’agen ngan nang fan e re thin nem. Ma urngin nthingari mang ba ayuw ngak girdi’en e galesiya.

Efesus 5:19

Ra bigimed ma ngi i welthin ngak bigimed u fithik’ e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Somol ni gimed be yin’ e tang ni machib, nge tang ni thin rok Got ni bay ko Psalm, ni gimed be pining e sorok ngak u fithik’ i lanin’med.

Hebrews 5:7

Nap’an ni immoy Jesus u roy u fayleng me meybil ni wenig ngak Got ni ba ga’ laman u fithik’ e lu’, ya ir e rayag rok ni nge tay Jesus ni dabi yim’. Ma bochan e ba sobut’ laniyan’ ma rib m’agan’ ngay ni ngi i fol rok Got, ma aram fan ni fulweg Got taban e meybil rok.

James 5:10

Pi walageg ni girdi’en Kristus, mu tafinay niged fapi profet ni yad owchen Somol ni ur weliyed e thin rok. Mu filed rorad rogon e gumaen’ nge kadan’ ni ur ted u tan e gafgow ni un tay ngorad.

Revelation 14:3

ni kar sak’iygad ni yad ba sap nga tagil’ Got nge ngak fa aningeg i n’em ni yad ba fos nge pi’in pi’ilal, miyad yin’ ba tang nib be’ech ndariy be’ nra mit ngak ya kemus ni fare ra’ay nge aningeg i ragag nge aningeg i biyu’ i girdi’ ni kan biyuliyrad u fayleng e ke mit ngorad.

Revelation 7:10

Miyad non ni ba ga’ lamrad ni be lungurad, “Kanawo’en ma gamad thap ngak Got e yib rok e Got romad ni ir e ke par nga tagil’, ma ki yib rok fare Fak e Saf!”