James 5:11 - Bible Ni Thothup

¹¹ Gadad be yog ni kar felan’gad ni bochan e ra k’adedan’rad. Kam rung’aged murung’agen e gumaen’ ni tay Job, ma gimed manang e tin ni pi’ Somol ngak Job ko tomur. Ya Somol e ri ma runguy ma ma taganan’ ngak e girdi’.

James 5:11 Iomraidhean Croise

1 Kronicles 21:13

Me fulweg David lungun Gad ni ga’ar, “Kug aw nga bang nrib gel e gafgow riy! Machane dabug ni girdi’ e nge gechig nigeg. Mu pag nge mang SOMOL e gechig nigeg, ya ir e bmurunguy.”

2 Kronicles 30:9

Fa’an gimed ra sul ngak SOMOL, ma aram e pi’in ni ka ra feked e girdi’ romed ngabang ni bogi kalbus e yad ra runguy ya’arad ngar pagedrad ngar sulod nga taferad. I SOMOL ni Got romed e ba gol ma ba murunguy, ma fa’an gimed ra sul ngak, ma gimed ra fel’ u wan’.”

Nehemiah 9:17

Ra siyegned ni ngar folgad rom, ma kar paged talin urngin e pin’en ni um rin’; ra paged talin fapi maang’ang ni um ngongliy. Miyad duwgiliy be’ u fithik’ e ufanthin ni nge yog e thin rorad me fulwegrad nga Egypt ngar pired ni yad e sib. Machane gur ba Got ni ga ma n’ag fan u wun’um e kireb; gab gol ma ba t’uf e girdi’ rom, ma ba sowath ni gama damumuw. Runguy rom e ba ga’, aram fan nda mu n’agrad.

Nehemiah 9:31

Machane bochan e runguy rom ni ba ga’ ma da mu n’agrad ara mu thang owcherad. I gur ba Got ni gab gol ma ga ma runguy e girdi’!

BABYOR NI JOB 1:1

Immoy be’ nib mo’on ni Job fithingan, ni i par ko nam nu Uz. I par ni be liyor ngak Got ma ba yul’yul’ ngak. I par ni ir be’ nib manigil ma be ayuw ni nge dabi rin’ ban’en nib kireb.

BABYOR NI JOB 1:2

Medlip e pagel ma dalip e ppin ni fak,

BABYOR NI JOB 2:10

Me ga’ar Job ngak, “Ga be yog e thin ko balyang! Fa’anra pi’ Got ban’en ni bfel’ nge yib ngodad ma gadad fek u fithik’ e felfelan’. Ere fa’anra pi’ e gafgow nge yib ngodad ma mang ni ngad gun’gun’gad?” Yug aram rogon urngin e gafgow ni yib ngak Job ma de yog ban’en nib togopluw ngak Got.

BABYOR NI JOB 23:10

Yug aram rogon ma Got e manang gubin yay ni gu be yif’ eg; ra sikeng nigeg, ma ra pir’eg ni gu ba machalbog.

Psalms 103:13

Rogon feni gol ba matam ngak pifak, e aram rogon feni gol SOMOL ngak e pi’in bay madgun u wun’rad.

Psalms 103:8

I SOMOL e rib marnguy ma ba ga’ e t’ufeg rok, ba sowath nma yib e damumuw ngak, ma ba sug ko t’ufeg ni dabimus.

Psalms 116:5

I SOMOL e ba wurngan’ ma bfel’; Got rodad e rib marnguy.

Psalms 119:132

Mu sap ngog ngam runguyeg ni bod ni ga be rin’ ngak e pi’in ga ba t’uf rorad.

Psalms 145:8

I SOMOL e ba t’uf e girdi’ rok mma runguyrad, ba sowath ni nge damumuw ma ba sug ko t’ufeg ni dabimus.

Psalms 37:37

Mu tay fanamyan ko en dariy thibngin, ma ga yaliy e en nib yal’uw; be’ ni ba gapas e ra yib e pi’in owchen.

Psalms 51:1

A Got, nge wurengan’um ngog, ni bochan e t’ufeg rom ni dabimus; mu chuweg e denen rog, ya ba ga’ e runguy rom!

Psalms 78:38

Machane Got e ma runguy e girdi’ rok. I n’agfan u wan’ e denen rorad made thang owcharad. Ba yo’or yay ni i k’adan’ ko damumuw ngi i par nga daken gelngin e damumuw rok.

Psalms 86:15

Machane gur Somol e ga ba Got nri gama runguy ma bt’uf e girdi’ rom, gubin ngiyal’ ni ga ba gumaen’, gubin ngiyal’ ni ga ba gol ma ga ba yul’yul’.

Psalms 86:5

Gur e gab gol ngomad ma ga ma n’agfan u wun’um e kireb romad, ma gubin e pi’in yad ma meybil ngom e yad ba sug ko fare t’ufeg rom ni dabimus.

Psalms 94:12

SOMOL, ba felan’ e pi’in ga ma pow’iyrad, cha’ ni ga be machibnag ko motochiyel rom!

Exodus 34:6

Me th’ab SOMOL p’eowchen Moses me non ni ba ga’ laman ni ga’ar, “I Gag SOMOL, i gag ba Got ni gub sug ko murnguy mma kirban’ug, ma ba sowath ni gu ma damumuw ma gu ma dag e t’ufeg rog nib ga’ ma gub yul’yul’.

Eklesiastes 7:8

Ra nmu’nag ban’en ma kabfel’ nga ban’en ni kafinni tababnag. Ku bfel’ e gumaen’ ko tolngan’.

Isaiah 63:7

Bay gu weliy rogon SOMOL ko runguy rok ni dabimus; kug pining e sorok ngak nga urngin e tin ke rin’ ngodad. Ya kari fal’eg wa’athan e girdi’ nu Israel, ni bochan e ba gel e runguy rok ma t’ufeg rok e dabimus.

Isaiah 63:9

u gubin e gafgow rorad. Gathi ba engel ya SOMOL ni ir e ayuwegrad. I ayuwegrad ni bochan e ri yad ba t’uf rok ma be runguyrad. Kab kakrom i yib ni i ayuwegrad ni gubin ngiyal’,

Lamentations 3:22

Fare t’ufeg rok SOMOL ni dabi m’ay nge marunguy rok e ku be ul ul i yan,

Daniel 9:9

I gur e ga ma runguy e girdi’ ma ga ma n’ag fan u wun’um e kireb rok e girdi’, yug aram rogon ni u gu togopluwgad ngom.

Joel 2:13

Mu paged lanin’med nike m’ing nge gagyal u dakenmed; ma gathi kemus ni ngam guchthuyed e mad romed.’ Mu sulod ngak SOMOL ni ir e Got romed. Ya ba gol ma ba sug ko runguy’; ya ba gumaen’ mma tay u gil’ e tin ni micheg; ma gubin ngiyal’ ma ke fal’eg rogon ni nge n’ag fan u wan’ e kireb ma gathi nge gechig.

Jonah 4:2

Ma aram me meybil ni ga’ar, “SOMOL, gu be fithem, gathi gog faram u m’on ndawor gu pag e tabinaw rog, ni irera’ e n’en ni ga ra rin’? Aram fan ni gu athamgil nggu mil nga Tarshish! Ya gu manang ni gur ba Got ni gab sumunguy ma ri ga ma runguy e girdi’; ma gubin ngiyal’ ni gab gumaen’, ma gubin ngiyal’ ni gab gol, ma gubin ngiyal’ ni kam fal’eg rogom kam par nrayag ni ngam thiliyeg lanin’um nge dab kum pi’ e gechig.

Mikah 7:18

SOMOL, dakuriy yugu reb e got nga bang ni bod gur; kam n’ag fan e denen rok e tin ke magey ko girdi’ rom. Damur par ni gab damumuw ni dariy n’umngin nap’an, ga ba felan’ ngay ni ga ma dag ngomad fare t’ufeg rom ni dabimus.

Numbers 14:18

‘I Gag SOMOL e ba sowath e damumuw nma yib ngog, ma gu ma dag nrib t’uf e girdi’ rog ma gub yul’yul’, ma gu ma n’ag fan e denen nge togopluw ni yima tay ngog. Machane dariy e n’en rarin’ mug pag ni dabgu gechignag e btir nge pifakrad nge pifak pifakrad nge mada’ ko bin dalip nge aningeg e mfen ni bochan e kireb ni i ngongliy e gallibthir.’

Matthew 10:22

Ma gubin e girdi’ ni bay ra fanenikayed gimed ni bochag. Machane en nra athamgil nge par nge mada’ ko tomur e ra fos.

Luke 1:50

ma runguy urngin e pi’in bay madgun u wun’rad u reb e mfen nga reb.

Luke 11:10

Ya gubin e girdi’ ni yad ra ning ban’en e ra yag ngorad, ma en nra gayiy ban’en e ra pir’eg, ma mab e yira bing ngak e en nra tugtuguy.

Luke 6:36

Ere um runguyed e girdi’, ni bod rogon e Chitamangimed nma runguy e girdi’.”

Roma 2:4

Sana dariyfan u wun’um feni gol Got, nge feni k’adan’, nge feni gumaen’. Bmuduwgil ni ga manang ni Got e ba gol yabe guy rogon ni nge pow’iyem ngam kolngan’um ko kireb ni ga be rin’ ma ga turguy u wun’um ni ngam pi’ keru’um ngay.

Efesus 1:6

Ngad pininged e sorok ngak Got nga gelngin e runguy rok ngodad, ni bochan fare tow’ath nike pi’ ngodad u daken Fak nrib t’uf rok!

Efesus 2:4

Machane runguy rok Got ngodad e ri ba ga’, ma rogon ni gadad ba t’uf rok e ri ba ga’,

Hebrews 10:39

Gathi gadad e pi’in ni kar pi’ed keru’rad ngak Got kar maloggad; ya gadad e ke michan’dad ngak Kristus kad thapgad ngak Got.

Hebrews 3:14

Ya gadad gubin ni gadad Jesus ngabang ni fa’anra da pired nike pagan’dad ngak Got nge yan i mada’ ko tomur ni bod rogon ni ud pired ko som’on.

Hebrews 3:6

Machane Kristus e ba yul’yul’ nrogon Fak Got, ni ir e bmil fan e naun rok Got ngak. Ma gadad e naun rok, ni fa’an gadad ra par nge mada’ ko tomur ni gadad be athamgil ma ba pagan’dad ko n’en ni ir e ke l’agan’dad ngay.

James 1:12

Ba felan’ e en nra par nib yul’yul’ ngak Got ko ngiyal’ ni be yib e tin nib mo’maw’ riy ngak, ni aram e yibe sikengnag; ya ra athamgil ni dabi mul ko re sikeng nem ma yira pi’ e yafos ngak, ni ireram fare puluwon nike yog Got nra pi’ ngak e pi’in nib t’uf Got rorad.

James 1:2

Pi walageg ni girdi’en Kristus! Mu leam niged gimed ni bfel’ wa’athmed ko ngiyal’ nra yib urngin mit e sikeng riy ngomed,

1 Peter 1:13

Mu fal’eged rogon lanin’med ni ngam ngongolgad. Mi gimed tiyan’med ngari l’agan’med ko tow’ath ni yira pi’ ngomed ko ngiyal’ nra yib i m’ug Jesus Kristus.

1 Peter 3:14

Machane fa’anra ngam gafgowgad ni fan e gimed be rin’ e tin nib mat’aw, ma ri gimed ra felfelan’! Dab mu tamdaggad ngak e girdi’, ma dabi magafan’med.

2 Peter 2:9

Ere Somol e manang rogon ni nge ayuweg e pi’in yad ma fol rok ko gafgow nma yib ngorad, nge rogon ni nge tay e pi’in kireb u tan e gechig rok nge yan i mada’ ko Chirofen ni bayi pufthin nagrad Got,