James 5:10 - Bible Ni Thothup

¹⁰ Pi walageg ni girdi’en Kristus, mu tafinay niged fapi profet ni yad owchen Somol ni ur weliyed e thin rok. Mu filed rorad rogon e gumaen’ nge kadan’ ni ur ted u tan e gafgow ni un tay ngorad.

James 5:10 Iomraidhean Croise

2 Kronicles 36:16

Machane ur moning niged e pi tamol’og rok Got, ngu’ur feked yathin e pi thin rok ma yad be minmin ko pi profet rok, me munmun ma kari gel e damumuw rok SOMOL ko girdi’ rok ni dakiyag nrathaygad ko damumuw rok.

Isaiah 39:8

Me Hezekiah ni Pilung e leamnag ni fan e ran’ey e gapas nge dariy ban’en nra buch u n’umngin nap’an e yafos rok, aram me fulweg ni ga’ar, “Fare thin ni kamog ngog ni yib rok SOMOL e ba manigil.”

Jeremiah 2:30

Ggechig nagmed, ma da mu lowgad; ya dabumed ni ngam pagedgag nggu yal’uwegmed. Ni gimed bod e gamanman ni layon nike damumuw be burtel, ngu’um thanged e pogofan rok e pi profet romed.

Jeremiah 23:22

Fa’an mang e yad manang lanin’ug, me ere rayag rorad ni ngar weliyed e thin rog ngak e girdi’ rog ngar paged pangirad ni kireb nge pi kireb ni yad be rin’.

Jeremiah 26:16

Pi’in yad be yog e thin nge girdi’ e lungurad ngak e pi prist nge pi profet, “Re mo’on ney e dab ni duwgiliy ni ngan li’ ngem’, ni bochan e ke welthin ngodad u fithingan SOMOL ni ir e Got rodad.”

Luke 13:34

“Jerusalem, Jerusalem! Kam thang e pogofan rok e pi profet, ma kam malangnag e pi’in ni l’oegrad Got ngar feked e thin rok i yib ngom! Nge gaman e in yay ni kug guy rogon ni nggu kunuy urngin e girdi’ rom, ni bod ba alabal ni chugumiy pifak nga tan pon, machane da mpageg nggu rin’!

Luke 6:23

Ra ni yodoro’ nagmed, ma ngari mu felfelan’gad, ngam oggad ngalang ko felfelan’, ya bay labgen ni ba ga’ ni fanmed ni kan tay u tharmiy. Ya pi chitamangirad e ku er e n’en ni ur rin’ed ngak e pi profet.

Acts 3:21

Thangri par u lan e tharmiy nge yan i mada’ ko ngiyal’ ni nge thiliyeg Got urngin ban’en riy nge be’echnag, ni bod rogon nike weliy Got kakrom u l’ugun e pi profet rok nib thothup.

Acts 7:52

Gur immoy ta’reb e profet ni pag pi chitamangimed ndar gafgow niged? Ra thanged e pogofan rok e pi’in nra feked e thin rok Got i yib ngorad ni Got e l’oegrad, ni kab kakrom me weliy Got ngorad murung’agen e wub ni bayi tay e Tapigpig rok ni be’ nib mat’aw. Me ere chiney e kam thanged e pogofan rok ni bochan e gimed e kam pi’ed kan li’.

Hebrews 13:7

Um tafinay niged fa pi’inem ni yad e urogned e thin romed, ma yad e rogned e thin rok Got ngomed. Mu tafinay niged rogon ni ur pired nge rogon e yam’ nra ted, mi gimed fol u rogon ni ur pired nib michan’rad ngak Got.

James 4:11

Pi walageg ni girdi’en Kristus, dab um weliyed ban’en nib togopluw ngak bigimed. En nra weliy ban’en nib togopluw ngak be’ ni walagen ni girdi’en Kristus ara thibthibnag e aram e ke welthin nib togopluw ko fare Motochiyel ma ke thibthibnag e re Motochiyel nem. Fa’anra mu thibthibnag e re Motochiyel nem, ma aram e gathi ka gur be’ ni ga be fol ko re Motochiyel nem, machane gur be’ ni ga be thibthibnag.

James 5:13

Bay bigimed nike gafgow e chiney? Ere nge meybil. Bay bigimed nike felfelan’? Ere susun e nge yin’ e tang ni be pining e sorok ngak Got riy.

James 5:7

Pi walageg ni girdi’en Kristus, mpired ni gimed ba gumaen’ nge mada’ ko ngiyal’ ni bayi sul Somol riy. Mu guyed feni gumaen’ e en nma woldug nga rogon nma sonnag e woldug rok ni nge yib limngun ara wom’ngin nri ba ga’ fan ngak. Ma sonnag e ngiyal’ ni som’on ko n’uw nge ngiyal’ ni tomuren e n’uw u fithik’ e gumaen’.

James 5:9

Pi walageg ni girdi’en Kristus, dab um gun’gun’gad nib togopluw ngak bigimed, nge dabi turguy Got e gechig romed. Ya en nma puf oloboch e ke sak’iy nga langan e mab nike fal’eg rogon ni nge yib!