James 4:3 - Bible Ni Thothup

³ Ma fa’an gimed ra ning ngak ma der pi’ ngomed ni bochan e ba kireb e tin ni gimed be finey ngay; ma gimed be ning bogi n’en ngak ni ngam fanayed ko tin nib kireb ni ir e gimed be yim’ ni bochan.

James 4:3 Iomraidhean Croise

1 Kings 3:11

me ga’ar ngak, “Bochan e kam wenig ngog ni nggu pi’ e gonop ngom nge yag ni mu gagiyeg nib yal’uw, ma da mu wenignag ni nge n’uw nap’am ara yo’or ban’en rom, ara nge yim’ e pi to’ogor rom,

BABYOR NI JOB 35:12

U ra yor niged e ayuw, ma de fulweg Got taban, ni bochan e yad ba tolngan’ ma ba kireb e leam rorad.

Psalms 18:41

Yad be yornag e ayuw, machane dariy be’ nra ayuwegrad; yad be pining SOMOL, machane dar fulweg lungurad.

Proverbs 1:28

Ma aram e bay mu pininged e gonop, ma dab gu fulweg lungumed. Ra mu gayed gag u gubin yang, ma dab mu pir’eged gag.

Proverbs 15:8

Ma felan’ SOMOL ko ngiyal’ nra meybil e girdi’ ni bfel’, mma fanenikay e pi maligach nma pi’ e pi’in kireb ngak.

Proverbs 21:13

Fa’anra dab mu mmotoyil ko meyor ko pi’in gafgow, ma birom e meyor ni man ayuw e dab ni rung’ag.

Proverbs 21:27

I SOMOL e ba fanenikay e ngiyal’ nma pi’ e pi’in kireb e maligach ngak, nri ngiyal’ yad ma pi’ nib kireb fan u wan’rad.

Jeremiah 11:11

Ere chiney, e Gag SOMOL e gu be ginangrad ni nggu wan gu girengiy e riya’ nga dakenrad, ni dabiyag ni ngar thaygad riy. Ma nap’an e yad ra yornag e ayuw ngog, ma dab gu motoyil ngorad.

Jeremiah 11:14

Jeremiah, dab meybil ngog ara mu wenig ngog ni fan ko pi girdi’ ney. Ya nap’an nra yib e magawon ngorad miyad ning e ayuw ngog, ma dab gu motoyil ngorad.”

Jeremiah 14:12

I mus ni yad ra pag e abich ma dab gu telig nga lamrad ni yad be wenig ngog ni nggu ayuwegrad; ma dab ra fel’gad u wun’ug, ni mus ni yad ra pi’ ngog e gamanman ni ka ni urfiy nge grain. Ma aram e bay gu li’rad ko mael nge uyongol nge liliy.”

Mikah 3:4

Bay ba ngiyal’ ni be yib ni bay mu pininged SOMOL ni ba ga’ lammed, machane dabi fulweg lammed. Ma dabi motoyil ko meybil romed, ya kam ngongliyed e kireb.

Zekariah 7:13

Bochan e gu non ma dar motoyilgad, aramfan ni dagu fulweg taban e meybil rorad.

Matthew 20:22

Me fulweg Jesus ngorow ni ga’ar, “Da mu nangew e n’en ni gimew be wenignag. Rayag romew ni ngam unumew e n’en ni bay ko fare kap nike chugur ni nggu unum?” Miyow fulweg ni lungurow, “Rayag romew.”

Mark 10:38

Machane me ga’ar Jesus ngorow, “Da mu nangew e n’en ni gimew be wenignag. Rayag romew ni ngam unumew e n’en ni bay ko fare kap nthingar gu unum? Fa ntawfe nagmew ni bod rogon nthingar ntawfe nigeg?”

Luke 11:10

Ya gubin e girdi’ ni yad ra ning ban’en e ra yag ngorad, ma en nra gayiy ban’en e ra pir’eg, ma mab e yira bing ngak e en nra tugtuguy.

Luke 15:13

Ma in e rran nga tomuren me pi’ e cha’ nib bitir rok fa gal i nem ni fak e birok’ e f’oth nchuway’, me fek e salpiy riy me pag e tabinaw rorad nge yan. Me yan ngabangi nam nib mal’af, me par u rom ngi i adbey e salpiy rok ko ngongol nib kireb.

Luke 15:30

Machane re pagel ni fakam nem e ke adbey urngin e tin ni immoy rom ban’en ngak e pi’in ni ppin ni yad ma chuway’ ngorad, ma fa’ani sul nga tabinaw, ma ga li’ e bin th’abi fel’ e pifak e garbaw ni bochan!’

James 4:1

U uw e ma yib urngin e cham nge tugthin u fithik’med riy? Ra bad ko tin ni be ar’arnag fithik’ i dowmed ni gubin ngiyal’ ma be cham ko tin ni manang lanin’med ni ir e bfel’.

1 John 3:22

Demturug e n’en ni gadad ra ning ngak mma pi’ ngodad, ni bochan e gadad be fol ko tin keyog ngodad ma gadad be rin’ e tin nib m’agan’ ngay.

1 John 5:14

Aram fan nib pagan’dad u p’eowchen Got; bmuduwgil u wun’dad nra rung’ag e tin ni gadad be yog ni fa’an gadad ra ning ban’en ngak ni ban’en nib m’agan’ ngay.