James 3:9 - Bible Ni Thothup

⁹ Gadad ma maruwel ngay ngad pininged e magaer ngak e Somol rodad ni ir e Chitamangiy, ma ka gadad ma yibilay e girdi’ ngay ni nge buch ban’en rorad, ni girdi’ nsunumegrad ni yad bod ya’an Got!

James 3:9 Iomraidhean Croise

Genesis 5:1

Irera’ fithingan e pi’in owchen Adam nni yoloy. (Nap’an ni sunmeg Got e girdi’, me ngongliyrad ni bod ya’an.

Genesis 9:6

En nra thang e pogofan rok reb e girdi’ e ku bayi cheal be’ nge thang e pogofan rok. Ya girdi’ e ni ngongliy ni bod ya’an Got.

2 Samuel 16:5

Fa’ani taw David ni Pilung nga Bahurim, me yib be’ nib mo’on ni be’ rok Saul ngak ni Shimei fithingan, ni Gera e chitamngin, nike yib ni ngar mada’gow; nap’an ni be yib ma be yog e thin nib kireb ngak David.

2 Samuel 19:21

Abishai, ni Zeruyah e chitiningin e non ni ga’ar, “Shimei e susun e ngan li’ ngem’, ya yog e thin nib kireb ngak e en ni SOMOL e turguy ni nge mang pilung.”

1 Kronicles 29:10

U rom u p’eowchen fare ulung ni ga’ngin me pining David ni Pilung e sorok ngak SOMOL. I ga’ar, “SOMOL ni Got rok e chitamngimad i Jakob, ngu’un pining e sorok ngom ni manechibog ko pichibod!

1 Kronicles 29:20

Ma aram me yog David ngak fapi girdi’ ni ga’ar, “Ngu’um pininged e sorok ngak SOMOL ni Got romed!” Ma fa ulung i girdi’ ni gubin e ra pininged e sorok ngak SOMOL, ni Got rok e pi chitamngirad, miyad siro ni yad be liyor ngak SOMOL nge fare pilung.

Psalms 10:7

Welthin rorad e ba sug ko yaba’, nge ban, nge thin ni yargal; ma ba papey ni yad ma yog e thin nra kirebnag lanyan’ be’, nge thin ni kireb.

Psalms 108:1

A Got, ka ri pagan’ug; Bay gu tang nggu pining e sorok ngom! Lanin’ug, mu od!

Psalms 145:1

Got rog ma pilung rog, bay ug weliy rogon feni sorom ngan nang; bay ug pining e magaer ngom ndariy n’umngin nap’an.

Psalms 145:21

Bay ug pining e sorok ngak SOMOL ni gubin ngiyal’; urngin e tin ke sunumeg e ngu’ur pininged e sorok nga fithingan nib thothup ndariy n’umngin nap’an!

Psalms 16:9

Ere gu be par ni gu ba felan’ ma bfel’ lanin’ug, ni gubin ngiyal’ nib pagan’ug;

Psalms 30:12

Ere dab gu th’ab gulungag; bay gu tangnag e sorok ngom. SOMOL, I gur e Got rog; Bay gu pining e magaer ngom ni manemus.

Psalms 34:1

Gubin ngiyal’ ni bay ug pining e magaer ngak SOMOL; ma bay ug pining e sorok ngak ndab gu tal.

Psalms 35:28

Ma aram e bay gu weliy murung’agen feni ri gab mat’aw, ma bay ug pining e sorok ngom ni n’umngin e rran.

Psalms 51:14

Got, ni gur e ta’ayuw rog, mu ayuweg e pogofan rog, mu gu weliy ngak e girdi’ fanam mat’aw.

Psalms 57:8

Lanin’ug mu od! Talin e musik rog ni harp nge lyre mu odgow! Bay gu pug e yal’ nge od.

Psalms 59:12

Denen e bay u dap’il’ugunrad, urngin e tin yad ma yog e ba sug ko denen; mang e yugu ra awgad ko pi tolngan’ rorad! Ni bochan e yad ma yibil ni nge buch wa’athan be’ ma yad ma ban,

Psalms 62:4

Kemus ni gimed ba’adag ni ngam girngiyed nga but’ u tagil’ nib gil; ma bfel’ u wan’med e sasalap. Gimed ma yog e thin ni fel’faen, machane lanin’med e be gernagey.

Psalms 63:4

Bay ug pining e magaer ngom u n’umngin nap’an e yafos rog; bay gu pug pa’ag ngalang nggu meybil ngom.

Psalms 71:24

Bay ug weliy fanam yul’yul’ ni polo’ e rran, ni bochan e pi’in ur guyed rogon ni ngar maad’adgad ngog e ka ra mo’waergad nike ma’farad.

Eklesiastes 7:22

ma ka gur ma gamanang rom nib yo’or yay ni ka ga ma yog boch e girdi’ nga dalip.

Isaiah 29:13

Ke ga’ar SOMOL, “Pi girdi’ ney e yad be yog ni yad be liyor ngog, machane thin rorad e bm’ay fan, ya lanin’rad e basap ngabang. Pigpig ni yad be tay ko raba’ i taliw rorad ney e dariy rogon ya kemus ni motochiyel ko girdi’ nge yalen rorad, ni aram e tin ke mit ngorad yakar filed ke mit ngorad ni churu’.

Matthew 26:74

Me ga’ar Peter, “I Got e nge gechig nigeg ni fa’anra dagur yog e tin riyul’! Ya da gu nang e re mo’on nem!” Kachingiyal’ nem me chochol ba nimen,

Matthew 5:44

Machane chiney e nggog ngomed ni nge lungug, Nge t’uf romed e pi to’ogor romed, mpi’ed e meybil rok e pi’in yad be ngongliy e kireb ngomed,

Acts 2:26

Aram fan ni kug felan’, ma ke sug e thin rog ko felfelan’; mi gag ni yugu aray rogon nra gum’, e bay ug par nike pagan’ug u fithik’ e l’agan’,

Roma 3:14

l’ugunrad e ba sug ko meybil ni nge buch ban’en rok be’.

1 Korinth 11:7

Ma be’ nib mo’on e dariyfan ni nge upunguy lolugen, ya be m’ug rok rarogon Got nge fel’ngin Got nike af ngak. Machane ppin e be m’ug rok fel’ngin e pumo’on nike af ngak;

Efesus 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya ke tow’ath nagdad u daken e ta’ab girdi’ ni kad ted Kristus, ni fan e ke pi’ ngodad urngin mit e tow’ath nu tharmiy.

James 1:27

Ba’aray e n’en ni be finey Got ni Chitamangiy ni ir e bin nib machalbog ma ba riyul’ e liyor ngak, ni aram e ngan ayuweg e bitir ndariy e gallibthir rorad nge pi’in ni ppin nike yim’ e pumo’on rorad ma yad be gafgow, mu’un ayuwegey nge dabi kirebnigey e kireb nu fayleng.

James 3:10

Taab l’ugunef e ir e gadad be pining e magaer riy ngak Got ma ku ir e gadad ma yibilay e girdi’ ngay ni nge buch ban’en rorad. Pi walageg ni girdi’en Kristus! Dab mu yodoroygad!

1 Peter 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya bochan e ri be runguydad me pi’ e yafos nib be’ech ngodad ni fan e faseg Jesus Kristus ko yam’. Ireray fan ni kad nanged ni tin ke l’agan’dad ngay e bay yib i m’ug nib riyul’,

Judges 9:27

Mranod nga ted ngar kunuyed e grape, ngar ngongliyed e wayin riy, miyad tay ba madnom. Ranod ngalan e tempel ko got rorad, ngu’ur abichgad ma yad be garbod ma yad be makak’arnag Abimelek.