James 3:7 - Bible Ni Thothup

⁷ Girdi’ e rayag ni llowan’nag, ma ke llowan’nag urngin ban’en ni bay e pogofan rok, ni gamanman ni malboch nge arche’, nge gamanman nma gararaw ma ma sirgig u but’ i yan, nge nig.

James 3:7 Iomraidhean Croise

Mark 5:4

Ke yo’or yay ni ka ni m’ag e chen nga ay nge nga pa’, machane gubin yay nni yodoromnag me t’ar e chen u pa’ me pirdi’iy e wasey u ay nge t’ar. Ma kayigi pag feni yargel ndakuriy be’ nrayag ni nge tapngiy;

Acts 10:12

Ma urngin mit e gamanman u daken e binaw ni bay u lan, nge gamanman nma sirgig u but’ i yan, nge arche’ ni malboch.

James 3:6

Ma bolowthey e bod ba nifiy. Ya ba fayleng nib sug ko kireb, ni be par ko gin ntagil’ u dowdad ma be wereg e kireb nga fithik’ i dowdad ni polo’! Me ir e ke tay e nifiy nga urngin i pangidad u roy u fayleng nike urfiy ko nifiy ni yib ngak ko fare nifiy ni dabi math bi’id.

James 3:8

Machane dariy be’ ni ka’a yag rok ni nge llowan’nag bolowthey. Ya ban’en nib kireb ndabiyag ni ngu’un gagiyegnag, ma ba sug ko yub ni yira yim’ ngay!