James 3:2 - Bible Ni Thothup

² Gadad gubin ni ba ga’ ni gadad ma oloboch. Cha’ nder ma oloboch ko tin ma yog e be’ nrib yal’uw, ni ku rayag rok ni nge gagiyegnag ir.

James 3:2 Iomraidhean Croise

1 Kings 8:46

“Ma fa’anra denen e tirom e girdi’ nib togopluw ngom ma dariy be’ ni der denen — ma ga damumuw ngorad ngam pag e pi to’ogor rorad ngar gelgad ngorad ko mael mi ni fekrad nga reb e nam ni yad ba kalbus, ma yugu demturug feni orel,

2 Kronicles 6:36

“Nap’an nra denen e girdi’ rom nib togopluw ngom — ya dariy be’ ndar ma denen — ma ga pagrad nge gel e pi to’ogor rorad ngorad ni bochan e damumuw rom mi ni fekrad ni kalbus nga yug reb e nam, ni yug aram rogon nib mal’af e re nam nem,

BABYOR NI JOB 15:13

Kam damumuw ngak Got ma kam togopluw ngak.

Psalms 34:13

Fa’anra gimed ba’adag me ere dab ku mogned e thin nib kireb, ma dab ku mu lifithed l’ugunmed.

Psalms 39:1

Mug ga’ar, “Bay gu kol’ayuw ko n’en ni gu be rin’ ma dab gu pag bolowtheg nge k’aring e denen ngog; Bay gu par ni dab gog ban’en, u charen e girdi’ nib kireb.”

Proverbs 10:19

Feni yo’or e welthin ni ga be tay, ma aram fini mom ni ngam denen. Ma fa’anra ga ba gonop, ma ga ra th’ab gulngam.

Proverbs 13:3

Ngam kol’ayuw ko thin ni ngamog ngam ayuweg e pogofan rom. Be’ nma non nder kol’ayuw e ir e yib e gafgow riy ngak.

Proverbs 20:9

Gur rayag rok be’ ni nge yog ni kari tamilang u lanyan’, ni kari machalbog ni dakuriy e denen rok?

Proverbs 21:23

Fa’anra ga ba’adag ni ngam par u orel ko oloboch, ma ngam sasag’al ko welthin rom.

Eklesiastes 7:20

Dariy be’ u fayleng ni go’ tin nib mat’aw e ngongliy ni gubin ngiyal’ ma der ma oloboch.

Isaiah 64:6

Gamad gubin ni gamad ba tadenen, ni mus ko tin th’abi fel’ e ngongol romad nrib alit. Bochan e denen romad, ma gamad bod yuwan e gek’iy nike mororoy ke yib e nifeng i changegnag.

Levitikus 13:39

ma fare prist e nge guy facha’, ma fa’anra fa pin’en u dow e ba yam’ ra’en e wech riy; ma kemus ni bogi n’en nike for u dow; ma facha’ e dawori ta’ay.

Matthew 12:34

Gimed e pi porchoyog nir — ra di’in mi gimed yog e tin ni bfel’ ban’en ni fa’anra gimed ba kireb? Ya l’uguney e ma weliy e n’en nike sugnag lanin’uy.

Matthew 12:37

Ya yu bugithin ni umog e ir e yira maruwel ngay nge mang ir e pufthin nigem, ni ir e bayi yog ni bfel’ e rom ara bayi yog nib kireb e rom.”

Roma 3:10

Ni bod rogon ni be yog e babyor nib thothup ni be ga’ar: “Dariy ta’abe’ nib mat’aw,

Roma 7:21

Ere kug pir’eg ni bay reb e motochiyel u fithik’ag ni be maruwel ni ba’aray rogon: fa’anra gub adag ni nggu rin’ e tin ni bfel’, ma kemus ntin nib kireb e rayag ni gu rin’.

1 Korinth 9:27

Kug gelnag dowag ko tug ni be aw ngay ke yan i par ni be fol rog, ni fan e nge dab nn’igeg u tomuren ni kug pining boch e girdi’ ni ngar uned ko re gosgos nem.

Galatia 3:22

Machane fare babyor nib thothup e keyog ni girdi’ ko re fayleng ney ni polo’ e yad bay u tan gelngin e denen, ni bochan e pi arorad nra michan’ ngak Jesus Kristus e rayag ngorad fare tow’ath ni ognag Got nra pi’ ngak e pi’in ke mich Jesus Kristus u wun’rad.

Galatia 5:17

Ya n’en nib kireb ni gadad be ar’arnag e be togopluw ko n’en ni ba’adag fare Kan Nthothup, ma n’en ni ba’adag fare Kan Nthothup e be togopluw ko n’en nib kireb ni gadad be ar’arnag, ni aram e yow ba tathil, ni fan e re bugithin ney e dabiyag ni ngam rin’ed e tin ni gimed ba’adag ni ngam rin’ed.

Kolose 1:28

Ere gamad be machibnag murung’agen Kristus ngak urngin e girdi’. Gamad be fonownag ma gamad be fil ngak urngin e girdi’ murung’agen nrogon ni gamad manang, ni fan e nge yag ni nge be’ min fek i yib nga p’eowchen Got nike yal’uw ko ta’ab girdi’ ni kar tew Kristus.

Kolose 4:12

I Epafras, ni gimed nga baraba’ me ir reb e tapigpig rok Kristus Jesus e be ga’ar e nge felan’ Got ngomed. Gubin ngiyal’ nri ma pi’ e meybil romed, nma wenig nagmed ngak Got ni nge ayuwegmed ngam pired ni gimed bmuduwgil me ilal e leam romed nrogon girdi’en Kristus, ma kari muduwgilan’med, ma gimed be rin’ e tin nib m’agan’ Got ngay.

Hebrews 13:21

I Got ni ir e Got ko gapas e nge pi’ ngomed urngin e tin ni bfel’ ni nge yag ngomed nge yag ni mu rin’ed e tin nib m’agan’ ngay, me rin’ u fithik’ i lanin’dad e tin ni ir e bm’agan’ ngay, ni nge rin’ u daken Jesus Kristus. Mi Kristus e ngad ted fan e chiney i yan ngam’on ndariy n’umngin nap’an! Amen.

James 1:26

Ra be finey be’ ni be liyor ngak Got ma fa’anra der yag rok ni nge gagiyegnag bolowthen nge siy ki yog e tin nib kireb, ma liyor ni be tay ngak Got e bm’ayfan, ma aram e ir e be bannag ir.

James 1:4

Machane ngam guyed rogon ngam k’adedan’med nge mada’ ko tomur ndab mmulgad, nge yag ni mmarod mu pired ni kam yal’uwgad, ni aram e ke yan i mus nga rogomed ndakuriy ban’en nda mu gamangad riy.

James 2:10

Ya en nra th’ab ta’reb e motochiyel ko fapi Motochiyel e ke kireb e rok, ni aram e ke th’ab fapi motochiyel ni gubin.

1 Peter 3:10

Ni bod ni be ga’ar e babyor nib thothup: “En ni ba’adag ni ngi i par nib felfelan’ ma be finey ni nge guy e pi rran nib manigil, e thingari dabki yog e thin nib kireb ma thingari tal ndab ki i lifith l’ugun.

1 Peter 5:10

Ya bay mu gafgowgad ni dabi n’uw nap’an mi Got ni ir e ke pi’ urngin ban’en ngodad, ni ir e ke piningmed ni ngam ta’ab girdi’gad Jesus Kristus ma ngam uned ko fla’ab rok ndariy n’umngin nap’an, e ir e bayi yal’uwegmed, me ta’med ni gimed bmuduwgil, me gel nagmed me ta’med nga daken e def nib muduwgil.