James 2:6 - Bible Ni Thothup

⁶ Machane gimed be n’ag fan e pi’in ni gafgow! Mi mini’ e ma gafgow nagmed nge girngiymed nga p’eowchen e pi tapuf oloboch? Pi’in ni pire’ ban’en rorad!

James 2:6 Iomraidhean Croise

BABYOR NI JOB 20:19

ni bochan e i gafgownag e pi’in gafgow ma i fek owchen u dakenrad. ma i leag e pi naun ni gathi ir e toy.

Psalms 10:10

Fapicha’ ni ka ni kolrad e kar masengseng gad u but’; mirin gelngin e yargel e ke li’ rad.

Psalms 10:14

Machane ga be guy; ga be yaliy e oloboch nge gafgow ma urngin ngiyal’ ni ka mu fal’eg rogom ni ngam pi’ e ayuw. Pi’in dabyag rorad ni ngar ayuwegedyad e ka ra pi’edyad nga pa’am; gubin ngiyal ni ga ma ayweg e pi’in ni ba t’uf e ayuw rorad.

Psalms 10:2

Pi’in kireb e yad ba tolangan’ ma yad be gafgownag e pi’in gafgow; mpagrad ngar awgad ko fapi wup ni kar ngongliyed.

Psalms 10:8

Yad ma mith u lan e binaw i yan, ni yad ma son ni ngar thanged e fan rok e pi’in dariy ban’en ni kar bucheged. Yad ma mith ngu’ur damit naged e pi’in dabiyag ni ngar ayuwegedyad;

Psalms 12:5

Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

Psalms 14:6

Girdi’ ni kireb e yad ma gathay e puruy’ rok e pi’in gafgow, machane SOMOL e ir e yoror rorad.

Proverbs 14:31

Fa’an ga ra gafgownag e girdi’ ni dariy ban’en rok, ma ga be togopluw ngak fare Got ni sunmegrad, machane ga ra gol ngak e pi’in ndariy ban’en rorad ma aram ngonglen e liyor.

Proverbs 17:5

Fa’anra um dariyfannag e girdi’ ni gafgow, ma ga be darifannag Got ni ir e sunmiyrad. Yira gechig nagem ni fa’anra i felfelan’um ko gafgow nike aw ngak be’.

Proverbs 18:23

Nap’an nra non be’ nib gafgow, ma thangri non nib munguy, machane fulweg rok be’ nib yo’or ban’en rok e ba taf.

Proverbs 22:16

Fa’anra u mu fal’eg e tow’ath rok e girdi’ nib yo’or ban’en rorad ara mu gafgownag e pi’in gafgow ya nge yo’or ban’en rom, me gur e ra m’ay ban’en rom.

Proverbs 22:7

Girdi’ ni gafgow e yad e sib ko en ni bfel’ rogon. Ga ra man salpiy ni malfith ma ga ra mang sib ko en ni kam malfith ngak.

Eklesiastes 5:8

Dab mu gin ngay u nap’an ni ga ra guy ni am e be gafgownag e pi’in gafgow ma be siyeg ni nge rin’ e tin nib mat’aw ngorad nge tin mat’awrad. Gubin e pi ga’ ma bay u tan e gagiyeg rok be’ nib tolang ngak, ma yow bay u tan e gagiyeg rok e pi’in kab ga’ ngorow.

Isaiah 53:3

Kad darifan niged, ma kad dabuyed; i athamgil u fithik’ e gafgow nge amith. Ma dariy be’ ni adag ni nge changar ngak, da feked yathin ni gowa be’ nib m’ay fan.

Amos 4:1

Mu telmed ko pi thin ni ba’aray, gimed e pi’in ni ppin nu Samaria, ni kam sugsug gad ni bod e pi garbaw nu Bashan ni bfel’ e dorwo’ ngorad, ma ba kireb e ngongol romed ngak e pi’in nib me’waer, ma gimed be gafgownag e pi’in gafgow, ma gimed ma gelfen ngak pi figirngimed ni ngar pi’ed e rrum ngam unumed.

Amos 5:11

Gimed be gafgownag e pi’in gafgow gimed be fek e grain rorad u yargal. Ere bay dab kum pired u lan e pi naun ni bfel’ ni malang e mu ngongliyed ngay, ara mu unumed e wayin ko yungi milay’ ko grapes ni bfel’ ya’an nim yunged.

Habakkuk 3:14

Pi gan e gat’ing rom e aw ngak e en tagafaliy e salthaw rok ko fa ngiyal’nem nrabad ni bod ba yoko’ ni ngar wereged gamad, ni yad be migrig ni bod e pi’in yad ma chuchuy nga but’ e pi’in gafgow ni yad be rin’ nib mith.

Zekariah 7:10

Dab mu gafgow niged e pi’in ke yim’ figirngirad, nge pi’in kanim’ rorad, fa girdi’ nu bang ni yad be par u fithik’med, ara be’ nike t’uf e ayuw rok. Ma dab umu t’ared liben ni ngam gafgow niged bigmed.’

John 8:49

Me fulweg Jesus ni ga’ar, “Dawori ying ba mo’onyan’ ngog. I gag e gu be tayfan e Chitamag, machane gimed e gimed be n’ag fag.

Acts 13:50

Machane me pingeg piyu Israel laniyan’ e pumo’on ni be tay murung’agen e re binaw nem nge pi’in ni ppin ni tolang ni gathi yad piyu Israel ma yad ma meybil ngak Got, ngar tababgad i gafgownag Paul nge Barnabas, miyad therbegrow ko nug rorad.

Acts 17:6

Ma nap’an ndar pir’eged yow, miyad girengiy Jason nge ku boch i walagey ni girdi’en Kristus i yan ngak e pi’in yad be yog e thin u lan binaw, miyad non ni ba ga’ lungurad ni be lungurad, “Pi girdi’ ney e kar k’aringed e wagey u gubin yang! Ma chiney e karbad ko binaw rodad,

Acts 18:12

Ma nap’an nturguy Gallio ni nge governor nu Roma u Greece, me mu’ulung piyu Israel ngar koled Paul ngar feked i yan ngalan tafen e pufthin.

Acts 8:3

Machane me guy Saul rogon ni nge thang mit fare galesiya, ni be yan u reb e naun nga reb ni be girengiy e pi’in ke mich Jesus u wun’rad nga waen, ni pumo’on nge ppin, ngi i yin’rad nga kalbus.

1 Korinth 11:22

Gur ra bigimed ma dariy e tabinaw rok nra kay ban’en riy me garbod riy? Fa gimed ba’adag ni ngam darifan niged e galesiya rok Got mi gimed tamra’nag e pi’in ndariy ban’en rorad? Mang e gimed be finey ni bay gog ngomed u murung’agen e re bugithin ney? Gur nggog e fel’ ngomed riy? Bmuduwgil ndab gog e fel’ ngomed riy!

James 2:3

Ma fa’an gimed ra tayfan fare mo’on nike yin’ e mad ni bfel’ nge lungumed ngak, “Mpar ko bin ba’aray e chiya nib manigil”, me lungumed ngak fare mo’on nib gafgow, “Mu sak’iy ara mpar ara’ nga but’ nga daken e faraf nga to’oben e chiya rog”,

James 5:4

Ma dawor mpi’ed puluwon e pi’in yad be maruwel u milay’ romed. Ere mu telmed ko tin yad be yog nib togopluw ngomed! Ma laman e mayor ko pi’in yad be kunuy womngin e woldug romed e ke taw nga yil Got, ni ir Somol ni Gubin ma Rayag Rok!

James 5:6

Kam turguyed e gechig ko pi’in ndawor ra bucheged ban’en ma kam thanged e pogofan rorad, ma dar togopluwgad ngomed.