James 2:19 - Bible Ni Thothup

¹⁹ Mog, mmich u wun’um nri ta’reb e Got ni bay? Bfel’! Ku errogon e pi mo’onyan’ nib mich u wun’rad — ma yad ma da’da’ ko marus.

James 2:19 Iomraidhean Croise

Isaiah 43:10

“Gimed e girdi’ nu Israel, gimed e mich rog; kug duwgiliymed ni ngam manged ba nam ni tapigpig rog, ni fan e ngam nanged gag mu gu mich u wun’med, me tamilangan’med riy ni kemus ni Gag e Got. Dakuriy yu gu reb e got nga bang; immoy ndariy, ma ku dariy ni bayib.

Isaiah 44:6

I SOMOL nma gagiyegnag yu Israel mma yoror rorad, ni SOMOL ni Gubin ma Rayag Rok e ba’aray e thin ni nge yog: “I Gag e tabolngin me Gag e tungun, kemus ni Gag e Got; dakuriy yugu reb e Got nga bang ya kemus ni Gag.

Isaiah 44:8

Gimed e girdi’ rog, dab mu rusgad! Gimed manang ni kakrom ke mada’ ko chiney e u gu yi’iynag urngin e pin’en ni bayib, ma gimed e mich rog! Gur bay yugu reb e got ngabang? Gur bay yugu reb e got ngabang nib gel ndawor gu rung’ag murung’agen?”

Isaiah 45:6

Nggu rin’ ni fan e nge urngin e girdi’ u baraba’ e fayleng nge yan i mada’ nga baraba’ e ngar nanged ni Gag e SOMOL, ma dakuriy yugu reb e got ngabang.

Isaiah 46:9

Mu leam niged e n’en ni gu rin’ kakrom; mu nanged ni kemus ni Gag e Got, ma dariy be’ ni bod gag.

Jonah 4:4

Me fulweg SOMOL ni ga’ar, “Mang mat’wum ni ngam damumuw?”

Jonah 4:9

Machane me ga’ar Got ngak, “Mang mat’wum ni ngam damumuw u murung’agen fare ke gek’iy?” Me fulweg Jonah ni ga’ar, “Ri bay mat’wug ni nggu damumuw nggu finey ni kabfel’ ni nggum’!”

Zekariah 14:9

Ma aram e bayi mang SOMOL e pilung u fayleng ni ga’ngin; gubin e girdi’ e bay ra liyor gad ngak ni ir Got miyad nang ni ku ireram fithingan.

Matthew 8:29

Ka chingiyal’ nem miyow tolul ni be lungurow, “Fak Got, mang e kam finey ni ngam rin’ ngomow? Ka mub ni ngam gechig nagmow u m’on ko ngiyal’ ni bay ni gechig nagmow riy?”

Mark 1:24

“I gur Jesus nu Nazareth, mang e ngam rin’ ngomad? Kamub ngaray ni ngam thang owchemad? Gu manang ko gur mini’ — i gur e mol’og rok Got ni gab thothup!”

Mark 12:29

Me ga’ar Jesus, “Ba’aray e bin th’abi ga’ fan: Mmotoyilgad yu Israel ngay! Somol ni Got rodad e krimus ni ir e Somol nri ta’reb.

Mark 5:7

me tolul ni ba ga’ laman ni be ga’ar, “Jesus, ni Fak Got ni Th’abi Tolang! Mang e ga be finey ni ngam rin’ ngog? Gu be wenig ngom u mit Got ndab mu gechig nigeg!”

Mark 7:9

Me ul ul Jesus ngay nge ga’ar ngorad, “Rib soromed ni msasalpiyed ngam n’iged e motochiyel rok Got ni bochan e ngam ayuweged yalmed!

Luke 4:34

“Mang e ngam rin’ ngomad, i gur Jesus nu Nazareth? Ka mub ngaray ni ngam thang owchemad? Gu manang ko gur mini’: i gur e mol’og rok Got ni gab thothup!”

John 17:3

Ba’aray ara’ e yafos ndariy n’umngin nap’an: ni aram e nge nangem e girdi’ ni kari mmus ni gur e bin riyul’ e Got, miyad nang ko mini’ Jesus Kristus, ni ir e kam l’oeg ke yib.

Acts 16:17

ni be lek tomuren Paul nge gamad, ni be tolul ni be ga’ar, “Pi cha’ney e tapigpig rok Got Nth’abi Tolang, ni yad be weliy ngomed rogon mi gimed thap ngak Got!”

Acts 19:15

Machane me ga’ar fare mo’onyan’ ngorad, “Gu manang Jesus ma gu manang murung’agen Paul, ma gimed e gimed chon mini’?”

Acts 24:25

Machane nap’an ni ul ul Paul ngay nge weliy murung’agen rogon ni ngan par ni yi ba mat’aw, nge rogon ni ngan t’ar lanin’uy ko tin nde mat’aw, nge murung’agen e Chirofen ni ba’aram ni bayi pufthinnag Got e girdi’ riy, me yib e marus ngak Felix me ga’ar, “Mman e chiney, ma bay puf rogog bangiyal’ mu kugog nga mub.”

Roma 3:30

Ya Got e ri ta’reb ni bay, mra mat’awnag piyu Israel ngak u daken e michan’ rorad ngak Jesus, ma ku errogon e pi’in gathi yad piyu Israel nu daken e michan’ rorad ngak Jesus e ra mat’awnagrad Got riy ngak.

1 Korinth 8:4

Ere nggog murung’agen e ggan nni pi’ ngak e liyos nma meybil boch e girdi’ ngay ni nge lungug: gadad manang ni ba liyos e pow u ban’en ni gathi riyul’ ni bay; ya gadad manang nri ta’reb e Got ni bay.

1 Korinth 8:6

machane gadad e ri ta’reb e Got rodad ni bay, ni ir e Chitamangiy, me ir e sunumiy urngin ban’en, me ir e gadad be par ni fan ngak; ma ta’reb e Somol ni bay, ni aram Jesus Kristus, ni pa’ e sunumiy Got urngin ban’en ngay, me ir e be ta’dad ni gadad ba fos.

Galatia 3:20

Machane maaf e daki t’uf ni fa’anra kemus ni ta’abe’; ma Got e ta’abe’.

Deuteronomy 6:4

“Gimed e girdi’ nu Israel, mmotoyilgad! Fare SOMOL ni Got rodad e kemus e ta’are Got nib riyul’.

1 Timothy 2:5

Ya ri ta’reb e Got ni bay, ma ri ta’abe’ e bay ni ir e ma chagiy Got nge girdi’ nga ta’bang, ni aram fare girdi’ ni Kristus Jesus,

James 2:8

Ra um rin’ed e tin nib mat’aw ni fa’anra um folgad ko fare motochiyel ko gagiyeg nu tharmiy ni fa’ani bay u lan e babyor nib thothup ni be ga’ar, “Gin’en ni ga bay riy e nge t’uf rom e en nib migid ngom ni gowe gur.”

Jude 1:4

Ya boch e girdi’ ndariyfan Got u wun’rad e karbad ra maathukgad nga fithik’dad ndad nanged, kar pingeged e thin rok Got ngabang, ni murung’agen e runguy rok, ya nge yib e tawey rorad ko ngonglen e darngal ni yad be rin’, ma kar n’iged Jesus Kristus, nike mus ni ir e Masta nge Somol rodad. Kab kakrom me weliy e babyor nib thothup murung’agen e re gechig ney ni kar girngiyed nga dakenrad.

Jude 1:6

Mu tafinay niged fapi engel nra thum’gad nga wuru’ i mat’wunrad ni pi’ Got ngorad, miyad pag e gin ni yad ma par riy: ke tayrad Got u fithik’ e llumor u ar nike m’agrad ko chen ni dabi m’ay bi’id yad be sonnag fare Rran ni ba ga’ ni ir e bay ni gechig nagrad riy.

Revelation 20:10

Ma fare Mo’onyan’ ni ban nagrad e nin’ ngalan fare lipath i nifiy nge sulfur, ni ir e ka nin’ fare gamanman ngay nge fare profet ni yugu ban’en; ma aram e bay ni gafgow nagrad ni rran nge neap’ ndariy n’umngin nap’an.