James 2:14 - Bible Ni Thothup

¹⁴ Pi walageg ni girdi’en Kristus! Mang e ra fel’ rogon be’ riy nra ga’ar, “Mmich Got u wun’ug”, ni fa’anra der m’ug ko ngongol rok ni aram rogon? Gur rayag e re mich rok nem ni nge thapeg fa’anem ngak Got?

James 2:14 Iomraidhean Croise

Jeremiah 7:8

“Mu sap gad, ke pagan’med ko thin nde riyul’.

Matthew 5:20

Ere gu be yog ngomed nrayag ni ngam marod ko gagiyeg nu tharmiy ni kemus ni fa’anra kab gel e yul’yul’ romed, rok e pi’in tamchib ko Motochiyel nge pi Farise u rogon ni gimed be rin’ e tin nib m’agan’ Got ngay ni nge rin’ e girdi’.

Luke 3:11

Me fulweg ni ga’ar, “Cha’ ni l’agruw kenggin e mad rok e thangri pi’ ba kaen ngak e cha’ ndariy kenggin e mad rok, ma cha’ ni bay e ggan rok e thangri pi’ boch ngak e en ndariy rok.”

Luke 6:49

Machane en ni rung’ag e thin rog ma de fol riy e bod be’ ni toy ba naun nga daken e but’ nde ngongliy e def riy; ma fa’ani sugubur e lul’ nge yib e ran nga daken e binaw nge yib ko fare naun me buthug ni ka chingiyal’ nem — me puth nrib ga’ lingan!”

Acts 15:9

De taydad ni gadad ba thil rorad; ya n’ag fan e denen rorad ni fan e mich Jesus u wun’rad.

Acts 8:13

Mi Simon e ku errogon ni mich Jesus u wan’; ma fa’an nni mu’ i tawfenag me m’ag ir ngak Filip, ma fa’ani guy e pin’en nike ngongliy gelngin Got nge pi maang’ang ni be ngongliy Got u pa’ Filip, me ngat ngay.

Acts 8:21

Dariy mat’wum nge f’oth rom ko maruwel romow ni bochan e leam rom e de mat’aw u mit Got.

Roma 2:25

Maad’ad ni kan tay ngom e ra yib fan ni fa’anra um fol ko re Motochiyel nem; machane fa’anra dab mu fol riy, ma dariyfan ni kan maad’ad ngom.

1 Korinth 15:2

Fare thin ni gu fek i yib ngomed ni ir e gu machibnag ngomed e ireram fare Thin Ni Bfel’. Fa’anra mpired ni kari mich u wun’med, ma aram e kam thapgad ma fa’anra danga’ me ere bochan e ri de mich u wun’med.

1 Korinth 16:22

Cha’ nde t’uf Somol rok e nge buch wa’athan! Maranatha— Somol romad, moy!

Galatia 5:13

Machane gimed, pi walageg ni girdi’en Kristus gimed, e ke piningmed Kristus ni ngam chuwgad u tan fare Motochiyel. Machane ren’em ni kam chuwgad u tan fare Motochiyel e ngam guyed rogon ni dabi mang ba tawey ngomed ngam paged e ar’ar u fithik’ i dowmed nge mang ir e i gagiyeg nagmed. Machane rogon nib t’uf romed Kristus nge girdi’ e ir e nge gagiyeg nagmed nge bigimed mi i pigpig ngak bigimed.

Galatia 5:6

Ya fa’anra kad ta’ab girdi’gad Kristus Jesus, ma dariyfan ko kan maad’adnagdad fa dawor; n’en ni ir e ba ga’ fan e michan’ rodad ngak Kristus ni be maruwel u fithik’ e t’ufeg.

1 Thessalonika 1:3

Ya der m’ay u wun’mad u p’eowchen e Got rodad ni ir e Chitamangidad u rogon ni kam maruwelgad ko michan’ romed, nge rogon nike ngongliymed rogon nib t’uf Got romed nge girdi’ kam maruwelgad nrib gel, nge rogon ni kari l’agan’med ngak e Somol rodad i Jesus Kristus.

1 Timothy 1:5

Fan e re bugithin ney ni kugog ngom e bochan e nge yagnag e t’ufeg nma yib ko gum’ircha’ nib machalbog, ma ma yib u lanin’uy ni der yog ngom gur be’ ni kam rin’ ban’en nib kireb, ma ma yib ko bin nib riyul’ i rogon nib mich Kristus u wun’uy.

1 Timothy 4:8

Dowef ni yima gelnag u fithik’ urngin mit e gosgos e bay fan, machane gel ni yima tay ko bin nib be’ech e pangiy nike pi’ Got e ri ba ga’ fan u gubin ban’en, ya ba ga’ fan ko biney e tamilang nge binem e tamilang.

Titus 1:16

Yad be yog ni yad manang Got, machane be m’ug u pangirad ndar nanged Got. Ma dabuy pangirad ma darir folgad, ma dabiyag ni ngar ngongliyed ban’en ni bfel’.

Titus 3:8

Re thin ney e ba riyul’. Gub adag ni ngar mu tamilangnag e girdi’ ko yu bugithin ney, ni fan e pi’in nib mich Got u wun’rad e ngar tiyan’rad ngar ngongliyed e ngongol ni bfel’. Ya tiney e bfel’ ma ba ga’ fan ngak e girdi’.

Hebrews 11:17

Michan’ rok Abraham ngak Got e ir e pow’iy Abraham nge pi’ Isak ni maligach ngak Got ko fa ngiyal’nem ni fa’ani sikengnag Got gelngin e michan’ rok Abraham ngak. Ya Abraham e ir e cha’ ni yog Got ngak ni bayi pi’ bbitir ngak, machane i duwgiliy u wan’ ni nge pi’ fak ni kari maagirag rok ngak Got ni nge mang maligach.

Hebrews 13:9

Ere dab mpaged e pi machib nib thil ko biney nge fekmed nga wuru’ e wo’. Ya bfel’ ni gelngin lanin’dad ni nge gel e ngi i yib rok Got ngodad nib tow’ath, ma gathi bochan e gadad be fol u bogi motochiyel ni murung’agen e ggan; ya pi’in ni ur folgad ko pi motochiyel ney e de fel’ rogorad riy.

James 1:16

Gimed e pi walageg ni girdi’en Kristus ni gimed ba t’uf rog, mu guyed rogon ya rin ban nagmed!

James 2:16

Ere mang e ra fel’ riy ngorad ni fa’anra lungum ngorad, “Nge ayuwegmed Got! Mpired ni dabi yib e ulum ngomed ma bfel’ rogomed ko abich!” — ni fa’anra da mpi’ ngorad e tin ni nge yog ngorad?

James 2:18

Machane bayi ga’ar be’, “I gur e bmich Got u wun’um me gag e gu be rin’ e ngongol riy.” Machane fulweg rog ngom e, “Mu dag ngog rogon nrayog ni nge mich Got u wun’um nde cheag e ngongol rom ngay, mu gu dag ngom e michan’ rog ngak Got ko ngongol rog.”

James 2:26

Ni bod rogon e dowef nra dariy e pogofan riy ma ba yam’, ere ku errogon e michan’ ngak Got nra de cheag e ngongol ngay ma ba yam’ fare michan’.

2 Peter 1:5

Ireray fan ni ngam athamgiliyed ngam puthuyed pangimed ni bfel’ ngarogon nike michan’med ngak Kristus; mi gimed puthuy e gonop nga pangimed ni bfel’;