James 2:1 - Bible Ni Thothup

¹ Pi walageg ni girdi’en Kristus, ngongol ni ngu’um ted nrogon e ngongol rok e pi’in ke michan’rad ngak e Somol rodad i Jesus Kristus ni ir e Somol ko fla’ab, e thingari dabi thil rogon e changar romed ngak e girdi’ nib thilthil rarogorad ni be m’ug, ni bochan ya’arad nge rogon e mad ni ka ron’ed.

James 2:1 Iomraidhean Croise

2 Kronicles 19:7

Ere ngi i par madgun SOMOL u lanin’med mi gimed tiyan’med ko tin gimed be rin’, ya SOMOL ni Got rodad e dar ma kadan’ ko n’en nib sasaliyab ma darma lanyan’ ara fanay pulwon e kireb.”

Proverbs 24:23

Pi’in gonop e ku u rogned e pin’ey: Ba kireb ni ngi i lanyan’ e pi’in ma puf oloboch.

Proverbs 28:21

Ba kireb ni ngu’un lanyan’. Machane boch e pi tapuf oloboch e rayag ni ngan l’egrad nga bochiyang i taban e flowa.

Levitikus 19:15

“Ra mpithiged e oloboch rok e girdi’ ma dab mu sasalapgad; dab mu folgad ngak be’ ni bochan e ba gafgow ara mu rusgad ngak e girdi’ ni pire’ ban’en rorad.

Matthew 22:16

Ma aram miyad l’oeg boch pi gachalprad nge boch e girdi’ ko ba’ rok Herod e girdi’ ngranod ngak Jesus. Me lungurad ngak, “Tamchib, gamad manang ni gur reb e girdi’ nib riyul’ e tin ni ga ma yog nge tin ni ga ma rin’, ma ga be fil ngak e girdi’ e tin nib riyul’ ni murung’agen e tin nib m’agan’ Got ngay ni nge rin’ e girdi’, nder magafan’um ko tin ni be leamnag e girdi’, ya ta’reb rogon e girdi’ u wun’um.

Acts 10:34

Me tabab Peter ko welthin ni ga’ar, “Ka fin gu nang e chiney nriyul’ ni gubin e girdi’ ma ta’reb rogorad u wan’ Got.

Acts 20:21

Ma ri ta’reb rogon piyu Israel nge pi’in gathi yad piyu Israel nri gu ta’chiylen ngorad ni ngar pi’ed keru’rad ko denen ni yad be ngongliy ngar sapgad ngak Got, me mich e Somol rodad ni Jesus u wun’rad.

Acts 24:24

Me in e rran nga tomuren me yib Felix ni yow e bpin rok ni Drusilla, ni be’ u Israel. Me l’oeg e thin ni nge yib Paul ngak me motoyil ngak Paul ni be weliy murung’agen rogon ni nge mich Kristus Jesus u wun’uy.

Acts 7:2

Me fulweg Stefen ni ga’ar, “Pi walageg nge pi chitamag! Mmotoyilgad ngog! I Got ni ir e ba th’abi fla’ab e yib i m’ug ngak e chitamangidad i Abraham ko ngiyal’ ni be par u lan yu Mesopotamia u m’on ndawori yan i par ngalan yu Haran,

Roma 1:11

Ri gub adag ni nggub gguymed nggu pi’ e thin rok Got ngomed nge gelnagmed.

1 Korinth 2:8

Dariy reb e pilung u roy u fayleng ni manang murung’agen e re gonop ney. Ya fa’an mang e yad manang, ma dabiyag ni ngar richibiyed ko kuruth e Somol ko fla’ab.

Deuteronomy 1:17

Dab um laniyan’gad ngak boch e girdi’ ko tin gimed be turguy; mu turguyed e kireb rok e girdi’ ni ta’reb rogon, ni demturug ko ir mini’. Dab mu rusgad ngak be’, ya rogon ni gimed ra turguy ban’en e ke yib rok Got. Ma fa’anra bay reb e yu pa’ i oloboch ney ni kay gi momaw’ ngomed mi gimed fek i yib ngog, mug turguy e n’en ni ngan rin’ ngay.’

Deuteronomy 16:19

Dab ur puf olobochgad nde mat’aw rogon, fa ur folgad ngak boch e girdi’. Ma dab ur feked puluwon e sasalap, ya mus ngak e pi’in yad ba gonop ma yad ba yul’yul’ ni maning e tow’ath owcherad, nma k’aringrad ngar turguyed bogi ban’en nde mat’aw rogon.

Kolose 1:4

Ya kug rung’aged rogon fene rib mich Kristus Jesus u wun’med, nge rogon fene rib t’uf romed urngin e girdi’ rok Got.

1 Timothy 1:19

mu um par nib mich Kristus u wun’um ma dariy ban’en ni be yog lanin’um ngom ni kam rin’ nib kireb. Boch e girdi’ e darir folgad ko tin be puguran lanin’rad ngorad kar kireb niged rogon nib mich Kristus u wun’rad;

1 Timothy 5:21

Ri gu be non ngom u p’eowchen Got, nge Kristus Jesus, nge pi engel nib thothup ni ngam fol ko pi thin ney, ma urngin ban’en ni ga ra ngongliy ma dab mu dabuy daken be’ ara mu fol ngak be’.

Titus 1:1

Re babyor ney e yib rok Paul, ni tapigpig rok Got, me ir reb e apostel rok Jesus Kristus. Ni turguyeg nga nol’igeg ni nggu ayuweg e pi’in ke mel’egrad Got ni ngar manged girdi’en nge mich Kristus u wun’rad, mu gu pow’iyrad ko tin nib riyul’ ni be fil e ba’ rodad e taliw,

Titus 2:13

ma gadad be sonnag fare Rran ni bfel’ ni ir e ke l’agan’dad ngay, ni aram e Rofen ni bay yib i m’ug e fla’ab rok e Got rodad riy ni ir e th’abi tolang ni er Jesus Kristus ni ir e ma thapegdad ngak Got.

Hebrews 1:3

Ir e be galgal ram’en Got rok nrib galgal; i ir e ri ta’reb rogorow Got, me ir e be dunubiy e gin’en ni bay urngin ban’en u lanelang riy nib mu’un e fayleng ngay, ni be dunubiy ko thin rok nib gel gelngin. Tomuren nike be’echnag e girdi’ ko denen rorad me yan i par nga but’ u tharmiy u ba’ ni mat’aw rok Got, ni ir e Th’abi Tolang.

Hebrews 12:2

Ma gad par ni kad l’eged owchedad ngak Jesus, yi ir e be toer e michan’ rodad ngak ko tabolngin nge yan i mada’ ko tungun. Ya de pag ir ni bochan fare kuruth! Machane bochan e felfelan’ ni be sonnag ma daki tafinaynag e tamra’ nra tay ko yam’ ni nge tay u daken e kuruth, me ere chiney e ke par nga but’ u ba’ ni mat’aw rok Got u tagil’ Got.

James 1:16

Gimed e pi walageg ni girdi’en Kristus ni gimed ba t’uf rog, mu guyed rogon ya rin ban nagmed!

James 1:19

Gimed e pi walageg ni girdi’en Kristus ni gimed ba t’uf rog, dab mpaged talin ni gubin e girdi’ ma thingar ra gurgad ko motoyil, machane dab ra gurgad ngar welthingad, ma dab ra gurgad ngar damumuwgad.

James 2:3

Ma fa’an gimed ra tayfan fare mo’on nike yin’ e mad ni bfel’ nge lungumed ngak, “Mpar ko bin ba’aray e chiya nib manigil”, me lungumed ngak fare mo’on nib gafgow, “Mu sak’iy ara mpar ara’ nga but’ nga daken e faraf nga to’oben e chiya rog”,

James 2:9

Ma fa’anra dab um ta’reb rogonniged e girdi’ ni gubin u lanin’med ni bochan ya’arad nge rogon e mad ni ka ron’ed, ma ba kireb e romed, ni aram e kam denengad, ma aram e ke turguy fare Motochiyel e gechig romed nrogon be’ nike th’ab e motochiyel.

James 3:17

Machane bin som’on e fare gonop ni yib u tharmiy e bmachalbog; ma ku errogon nma fal’eg thiliy nge aw e gapas riy, ma ma sumunguynigey, ma ma fal’eg owchey nge thin ngak e girdi’, ma ba sug ko runguy ma ma k’uf ni ngongol ni bfel’; ma ma ta’reb rogonnag e girdi’ u wun’uy ma der ma dake modingnigey.

2 Peter 1:1

Re babyor ney e yib rok Simon Peter, ni ir reb e tapigpig me ir reb e apostel rok Jesus Kristus — Ngak e pi’in nu daken e mat’aw rok Got rodad nge Jesus Kristus ni ir e ma thapeg e girdi’ ngak Got e ke yag riy ngorad e michan’ nta’reb rogon feni ga’ fan ko biromad e michan’:

Jude 1:16

Pi girdi’ nem e gubin ngiyal’ ni yad ma gun’gun’ ma yad be yin’ e kireb nga daken boch e girdi’; ma tin nib kireb ni be ar’arnag dowrad e yad ma fol riy; ma yad ma weliy murung’agrad ni yad e sororad; ma yad be pi’ boch e girdi’ ngalang ko thin ni fan e nge yag ngorad e tin yad be finey.

Revelation 14:12

Bochan e ren’ey ma aram fan ni nge k’adan’ e girdi’ rok Got, ni pi’in yad be fol ko tin keyog Got ma yad ba yul’yul’ ngak Jesus.