James 1:24 - Bible Ni Thothup

²⁴ Me yaliy ir nge mu’ me yan, ma ka chingiyal’ nem me pag talin rogon ya’an.

James 1:24 Iomraidhean Croise

Matthew 8:27

Mi yigo’o gin fa pi’inem ngak me lungurad, “Ba mang girdi’ e cha’ney? Ya mus ko nifeng nge n’ew ma be fol rok!”

Luke 1:66

Ma urngin e girdi’ ni rung’ag e ra tafinay niged miyad fith ni lungurad, “Ra ilal e re tir ney ma be’ ni bu uw rogon?” Ya kari m’ug ni bay gelngin Somol rok.

Luke 7:39

Ma fare Farise ni ir e pining Jesus nge yib, e fa’ani guy e ren’em, me ga’ar u wan’, “Fa’anra riyul’ nre mo’on ney e ba profet, ma kenang ko mini’ e re pin ney ni be math ngak, ma kenang e re mit i ngongol nib kireb nma ngongliy!”

1 Thessalonika 1:5

Ya gu feked i yib ngomed fare Thin Ni Bfel’, ni gathi kemus ni ug weliyed, ya ku errogon gelngin Got nge fare Kan Nthothup nib chagil ngay, ma ku errogon nib mich u wun’mad nib riyul’. Gimed manang rogon pangimad ko fa ngiyal’nem ni ug moyed romed; ren’em e fan ngomed ni nge fel’ rogomed riy.

James 1:23

Ya en nra motoyil ko thin rok Got ma dabi maruwel ngay e bod be’ ni changar ngalan mit e thirek nge guy rogon ya’an.

James 1:25

Machane en nra fal’eg i yaliy ir nga fithik’ fare motochiyel nrib yal’uw ni ir e ma pithig e girdi’ ko kireb, me tiyan’ ngay ma gathi kemus ni motoyil ngay me pag talin, ya be maruwel ngay — cha’nem ni aram rogon e Got e ra ayuweg ko tin ni be rin’.

2 Peter 3:11

Fa’anra urngin ban’en ma bay ni kirebnag ni aray rogon, me ere mit i mang girdi’ e susun e ngam boded? Pangimed e nge par nib thothup ma kam pi’ed gimed nga pa’ Got,

Judges 8:18

Me fith ngak Zebah nge Zalmunna ni ga’ar, “Uw rogon ya’an fapi pumo’on ni kam li’ew u Tabor karm’ad?” Miyow fulweg ni lungurow, “Yad bod ya’am. Yad gubin ni yad bod ya’an pifak e pilung.”