James 1:10 - Bible Ni Thothup

¹⁰ ma en ni walagdad ni girdi’en Kristus ni be’ ni pire’ ban’en rok e thingari felan’, ya ke sobut’nag Got laniyan’. Ya cha’ ni pire’ ban’en rok e bay yim’ nge yan ni bod ba floras ni puf u ba ke floras ni bay u fithik’ e pan.

James 1:10 Iomraidhean Croise

BABYOR NI JOB 14:2

Gadad ma ilal ngad mororaygad ni bod feni pay nma mororay e flores; gadad ma ling ni bod e taglul’.

Psalms 102:11

Yafos rog e bod e taglul’ ni ganowrug; Gu bod e pan nike mroroy.

Psalms 103:15

Gadad e girdi’ nge n’umngin nap’an e yafos rodad e bod e pan, gadad ma ilal nge yan i mus nga fel’ngidad ni bod ba floras u fithik’ e pan.

Psalms 37:2

ya bayi math owcherad ni bod e pan ni mororoy; bay ram’ad ni bod rogon e woldug ni mororoy.

Psalms 39:6

ni bod fon ban’en ni pel u owchey. Gubin e n’en ni yima rin’ ma dariyfan; gadad be kunuy e machaf, machane dad nanged ko mini’ e ra fla’ab riy.

Isaiah 40:6

Be ga’ar ba lam ni ba ga’ gaman, “Mu wereg murung’agen!” Mu gu fith ni lungug, “Mang e nggu wereg murung’agen?” “Ngamog ni urngin e girdi’ e yad bod e pan; nder ma n’uw nap’rad ko floras nu daken e ted.

Isaiah 40:7

Pan e ma mororoy, ma floras e ma kireb ra’en ko ngiyal’ nra pi’ SOMOL e nifeng nge yib ngay. Ma girdi’ e ta’reb rogorad ko pan!

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Isaiah 66:2

I gag e gu sunumiy e fayleng nge lanelang ni ga’ngin! Bfel’ u wun’ug e pi’in nib sobut’an’rad ma kar pi’ed keru’rad ko kireb, ma yad be par ni bay madgug u wun’rad ma yad be fol rog.

Matthew 5:3

“Nge felan’ e pi’in kar pir’eged u lanin’rad ni kar gafgowgad ndabisiy ni nge yag Got ngorad, ya gagiyeg nu tharmiy e ke thap ngorad!

Matthew 6:30

I Got e ir e be pi’ e mad ko pan — ni pan ni bay u roy e daba’, me gabul ma dakuriy, ya kan urfiy u lan e stof. Ere gathi bmuduwgil nra pi’ Got e mad ngomed? Rib achig e pagan’ romed ngak Got!

1 Korinth 7:31

pi’in yad be ngongliy e tin nu fayleng ban’en e ngar pired ni dabi mang ir e nge m’on u wun’rad. Ya re fayleng ney ni bod rogon e chiney ni bay e dabi par, ya bayi chuw.

Filippi 3:8

Ni gathi kemus ni pin’em; ya urngin ban’en ma kug matha’eg ngay ni kari yan i aw ni lus ni bochan e bin ni kab ga’ fan e nggu nang Kristus Jesus ni ir e Somol rog. Bochan Kristus ma aram fan ni kug n’ag urngin ban’en; ya kug finey ni go’ chabung, ni fan e nge yag Kristus ngog,

1 Timothy 6:17

Mog ngak e pi’in bo’or ban’en rorad ko biney e tamilang ndab ra ufanthin gad, ma dabi l’agan’rad ko pin’em nde muduwgil, ni aram e pin’en nma fel’ rogoy riy ko biney e tamilang, machane nge l’agan’rad ngak Got ni ir e ba gol ni be pi’ urngin ban’en ngodad ni be fel’ rogorad riy.

James 4:14

Ma mus ko n’en ni bay yib ngomed gabul ma da mu nanged! Ya gimed bod bochi yang i ath ni sum ko garbeb, ni yib i m’ug ma de n’uw nap’an me m’ay nga bayang.

1 Peter 1:24

ni bod rogon ni be yog e babyor nib thothup ni be ga’ar: “Girdi’ ni gubin e yad bod e pan, ma urngin fel’ngirad e bod rogon e floras ko pan. Bay yim’ e pan, me mul e floras riy,

1 John 2:17

Re fayleng ney nge urngin ban’en ni bay riy ni be yim’ e girdi’ ni bochan e bayi m’ay; machane en nra rin’ e tin nib m’agan’ Got ngay e ra par nib fos ndariy n’umngin nap’an.