Isaiah 8:8 - Bible Ni Thothup

⁸ Bayi walguy daken yu Judah ni bod e lul’ ni bod tolngin lik’ipoy nike tharey urngin ban’en.” Got e bay rodad! Pon nike pithig e ke mang yoror ko nam.

Isaiah 8:8 Iomraidhean Croise

2 Kings 17:3

Me mael Shalmaneser ni Pilung nu Assyria ngak; me par Hoshea nga tan pa’ Shalmaneser ngi i pi’ e walbuw ni yu duw.

2 Kronicles 12:4

Me kol u fithik’ e mael fapi binaw nu Judah ni kan yororiy nib gel ni fan ko mael nge yan nge taw nga Jerusalem.

Isaiah 10:6

Gu l’oeg yu Assyria ni ngar maelgad ngak e nam ndarir liyorgad ngak Got, ni girdi’ ni yad ma k’aring e damumuw ngog. Gu l’oegrad ni ngar feked u yargel e chugom miyad mororo’ miyad yotyot e girdi’ nga but’ ni bod rogon e rungdu’ u lan e kanawo’.”

Isaiah 30:28

Ma pi’ nifngin nge m’on rok ni bod e sugbur nma fek gubin ban’en nge chuw. Me wolguy e pi nam nge thirifrad u but’ me museg e pi tanom rorad nib kireb.

Isaiah 43:2

Ga ra yan u fithik’ e ran nib to’ar ma gu bay rom; gafgow ni bay i yib ngom e dabiyag ni nge gel ngom. Ga ra yan u fithik’ e nifiy ma dab mu gak’; ma pin’en nib mo’maw’ ni bay i yib ngom e dariy ban’en nra rin’ ngom.

Isaiah 7:14

I SOMOL e bayi pi’ ba pow ngomed. Be’ ni bpin ni ka ba rugod nike diyen. Bayi gargel ni bochi pagel ma bayi tunguy fithingan ni Immanuel.

Isaiah 7:17

“I SOMOL e bayi girengiy nga dakenam nge nga daken e girdi’ ko nam rom nge nga daken girdi’en e tabinaw rom nib pilung, boch e rran ni kab gel e gafgow riy ko gafgow nike yib ni ka nap’an ni ki’ yu Israel rok yu Judah, ya bayi fek e pilung nu Assyria i yib!

Isaiah 8:10

Mu tanom niged rogon ni ngam gelgad, machane dabi fel’. Mu feked gubin e tin gimed ba’adag! Machane rib m’ayfan, ya Got e bay romad.

Jeremiah 47:2

I ga’ar: “Mu changargad! Ke puw ngalang u lane lel’och nib machrag ni bayi sugbur ni bod e lul’. Bayi tharay e binaw nge gubin ban’en u daken, nge pi binaw nge girdi’ nma par riy. Girdi’ e bay ra tolul niged e ayuw; me yor nib gel gubin e girdi’ u daken e fayleng.

Jeremiah 48:40

I SOMOL e micheg ni ba nam e bayi garpow u daken yu Moab ni bod ba eagle nike pithig pon,

Jeremiah 51:42

Pi to’ogor rok yu Babylon e bay ra puw gad ngarbad ni gawa n’ew ni nge tharay fare binaw.

Ezekiel 17:3

ngar nanged ko mang e gu be yog ngorad I Gag SOMOL ni Th’abi Tolang: Immoy ba arche ni eagle nib ga’ ni rib fel’ ya’an wulan ma gathi ba’achig pon, nma pithig nib ga’ radan. I changag nge yan ko burey nu Lebanon me t’ar tamaligin bake gek’iy ni cedar,

Ezekiel 26:19

I SOMOL ni Th’abi Tolang e be ga’ar: “Bay gu tem ni dakriy e fel’ rom ni bod e binaw nike mogothgoth ni dakriy be’ nma par riy. Bay gu thareyem ko day u t’ay e regur.

Daniel 11:10

“Ma pi pumo’on ni fak e pilung nu Syria e bay ra fal’eged rogorad ni fan ko mael miyad kunuy e salthaw ni pire’ ni pire’. Ma bay rabad ni bod e ran ni sugbur ni dabyag i taleg ngar chamgad i yan ngar tawgad ko yoror ko pi to’ogor rorad.

Mikah 1:9

Ya maad’ad nike tay yu Samaria e dabkiyag ni nge fos. Yu Judah e aram e nge yib e mit i maad’ad nem ngorad; ma mogothgoth e ke taw ko pi garog nu Jerusalem, ni aram e gin be par e girdi’ rog riy.”

Mikah 5:5

ma bayi fek e gapas i yib. Ra yib piyu Assyria ra m’aged e mael ko nam rodad miyad kuruf e yoror ni kad ted ni fan ko mael, ma gadad pi’ e pi’in nth’abi gel ni yad be yog e thin rodad ngar chamgad ngorad.

Matthew 1:23

“Fare pin ndawori nang e pumo’on e bayi diyen nge gargeleg bochi pagel, ma bay ni pining Immanuel ngak” (ni fan e re ngachal nem e, “Bay Got rodad”).