Isaiah 7:3 - Bible Ni Thothup

³ Me ga’ar SOMOL ngak Isaiah, “Mu fek fare pagel ni fakam i Shear Jashub ngam marow ngam mada’gad Ahaz ni Pilung. Bay mpiri’egew u daken e kanawo’ ko fa gin ma maruwel girdi’en e mulmad riy, u taban ba wol’ e ran nma yib ko fare yibu’ ni bay nga talang.

Isaiah 7:3 Iomraidhean Croise

2 Kings 16:1

U lan e duw ni ragag nge medlip ko gagiyeg ni i tay Pekah ni Pilung nu Israel ni be’ nib mo’on ni fak Remaliah, me mang Ahaz e pilung nu Judah, nib mo’on ni fak Jotham

2 Kings 18:17

Me l’oeg fare pilung nu Assyria barba’ i salthaw nib ga’ u Lakish ngranod nga Jerusalem ni ngar maelgad ngak Hezekiah, ni be gafaliyrad dalip i pilungen e salthaw nib tolang. Fa’anra tawgad nga Jerusalem, miyad par ko fare pa’ i kanawo’ u to’oben fa gin’en ni yima wechwechnag e mad riy ni yu mbul, nib chugur ko fare wol’ e lul’ ni yib ko fare lipath ni ba’ nga tolang.

2 Kings 20:20

Gubin e tin i rin’ Hezekiah ni Pilung, ni pi ngongolen e madangdang rok, nge rogon ni ngongliy bangi ran nge ker ba lul’ u tane but’ nge yib e ran ngalan fare binaw, e yi go’ kani yoloy ngalan e babyor ni Chepin e Pilung nu Judah.

Nehemiah 3:16

Nehemiah nib mo’on ni fak Azbuk, ni ir e ma gagiyegnag baley e binaw nu Bethzur, e ir e ubung e gin migid, ni yan nge mada ko malangen e yam’ rok David, nge fare lipath, nge fare naun ni tafen e salthaw.

Exodus 7:15

Mman mu guy Farao ni pilung kakadbul, ko ngiyal’ ni nge yan riy ko lul’ ni Nile. Mman mu sonnag nga to’oben e lul’. Ma ga fek fare ley i sog ni fa’ani ngal’ ni ba porchoyog.

Isaiah 10:21

Bochu’uw e girdi’ nu Israel nra sul ngak e Got rorad nib gel gelngin.

Isaiah 22:11

ma ga toy ba teng nga langgin fare binaw ni nge mit e ran riy ni be yib nga pe’ning ko fare lupath nike n’uw nap’an. Machane dam sap ngak Got, ni ir e tonamnag urngin e pin’ey nike n’uw nap’an, ma ir e gagiyegnag nge yodrom.

Isaiah 36:2

Ma aram me l’oeg e an tolang ko salthaw rok ni nge yan u Lakish nga Jerusalem nib mu’un barba’ i salthaw ngak nib ga’ ni ngrogned ngak Hezekiah ni Pilung ni nge wenig nge par nga tan pa’rad. Fare tolang ko salthaw e par u kanawo’ ko gin bay e pi’in ma wupmad riy, u charen ba meb nma yan e ran riy ni be yib u ba lipath ni bay nga talang.

Isaiah 55:7

Pi’in kireb e ngongol rorad e ngar paged, miyad thiliyeg rogon e leam ni yad be tay. Miyad sul ngak SOMOL, ni Got rodad; ya ri ma runguy e girdi’, ma ba gur ni ma n’ag fan ban’en u wan’.

Isaiah 6:13

Ni mus ni fa’anra ragag e girdi’ me magey ta’abe’ riy u daken e re nam ney, ma ku er rogon ir ni bay ni thang e pogofan rok; ra bod muchun ba ke gek’iy ni oak ni kan th’ab.” (Fare muchun e be yip’ fan ni bay ki sum e girdi’ rok Got bayay.)

Jeremiah 22:1

I SOMOL e yog ngog ni nggu wan nga tafen e pilung nu Judah, ni be’ ni owchen David, nu rom e nggog ko fare pilung riy, nge tolang ko salthaw rok, nge fapi girdi’ nu Jerusalem ni ngar motoyilgad komang e keyog SOMOL:

Roma 9:27

Mi Isaiah e yog murung’agen yu Israel ni ga’ar: “Yugu ra yo’or yu Israel ngar boded urngin e yan’ ni bay u charen e day, machane ri in i yad e ra thap ngak Got;