Isaiah 26:6 - Bible Ni Thothup

⁶ Pi’in ni u ni yot’rad nga but’ ko gafgow e yad be yan u daken e chiney, yad be yot nga but’ u tan rifrifen ayrad.

Isaiah 26:6 Iomraidhean Croise

2 Kings 9:33

me ga’ar Jehu ngorad, “Mun’ed e re bpin nir nga but’!” Miyad yin’ fare pin nga but’, me wear e racha’ rok ngadow e rungrung nge nga daken e pi os. Me yannag Jehu e pi os nge chariot rok u daken fare ldow,

Isaiah 11:4

ra pithig e oloboch rok e pi’in gafgow nrogon nib mat’aw me n’ufeg mat’wun e pi’in dariy ban’en nrayag rorad. Yug ra pag lungun min gechignag e pi nam, me yim’ e pi’in kireb.

Isaiah 25:10

I SOMOL e bayi yororiy e Burey ni Zion, machane girdi’ nu Moab e bay notrad nga but’ ni bod rogon e pan ni kanot nga fithik’ i t’ay e gamanman.

Isaiah 28:3

Ma ufan e pi’in yad be yog e thin ni yad ma balyang ko rrum e bay u not’not’ nga but’.

Isaiah 29:19

Pi’in gafgow nge pi’in sobutan’ e yad ra pir’eg fare felfelan’ bayay nma pi’ SOMOL, ni fare Got nib thothup nu Israel.

Isaiah 3:14

I SOMOL e ke fek e pi’in pi’lal nge pi’in tayugang’ ko girdi’ rok ko pufthin. Me yog e tin ka ra bucheged ni ga’ar: “Kam giliw naged e pi milay’ ko grape, ma pi naun romed e ba sug ko pin’en ni ka mu feked ko pi’in gafgow.

Isaiah 3:15

Dariy mat’awmed ni ngam pirdi’iyed e girdi’ rog, ma ke mang i tay ngomed ni ngu’um gafgow niged e pi’in gafgow. I Gag, fare SOMOL ni Th’abi Tolang ma Gubin ma Rayag Rok, e kugog e pi thin ney.”

Isaiah 37:25

Kam th’um ngay ga be yog ni kam ker e pi luwed ma ga be unum e ran u lan e yug boch e nam, ma rifrifen ay e salthaw rom e ke yotyot e lul’ ni Nile ke mlik.

Isaiah 60:14

Pifak e pi’in ur gafgow niged gur e bay rabad Ra siro’gad ngom ngar ted fam. Urngin e pi’in ni ur darifan niged gur e bay ra parawgad u to’oben rifrifen em. Bay rogned fithingam ni fare ‘Binaw rok SOMOL,’ ‘Zion, ni fare Binaw rok fare Got nib Thothup nu Israel.’

Jeremiah 50:45

Are motoyilgad ko n’en ni kug tanomnag nib togopluw ko fare binaw nu Babylon nge n’en ni kug duwgiliy ni nggu rin’ ko girdi’ riy. Ni mus nga pifakrad ma bay ni chuweg u rom, ma gubin e girdi’ ni bayi rus.

Daniel 7:27

Gelngin nge buguwan nge gagiyeg rok e pi pilung nu fayleng e bay ni pi’ ngak e girdi’ rok fare Got ni Ir e Th’abi Tolang. Gelngirad ni kar manged pilung e dabimus, ma urngin e pi pilung nu fayleng e bay ur pigpiggad ngorad ma yad be fol ko thin rorad.”

Zefaniah 3:11

Gimed e girdi’ rog, re ngiyal’ i n’em e bayi dab kum tamra’gad ni um togopluwgad ngog. Bay gu chuweg e pi’in yad ba tolngan’ nge pi’in yab ba fenuwan’, ma gimed e dakriy e ngiyal’ ni gimed ra togopluw ngog u daken fare burey rog nib thothup.

Malaki 4:3

Bay mu gelgad ngak e pi’in nib kireb, ma bay ra boded e fiyath u tan e rifrif u aymed ko rofen ni ba’aram ni bay gu maruwel.

Luke 10:19

Mu telmed! Kug pi’ mat’awmed nge gelngimed, ni fan e nge yag ni umot’ed e porchoyog nge skorpion mi gimed gel nga gelngin fa’anem ni ir e To’ogor, ma dariy ban’en nra maad’ad ngomed.

Roma 16:20

Mi Got ni ir e ma pi’ e gapas ngodad e dabki n’uw nap’an me pirdi’iy Satan u tan e rifrif u aymed. Ngi i par e runguy rok Somol Jesus rodad romed.

1 Korinth 1:26

Pi walageg ni girdi’en Kristus, nge bigimed me leamnag rogon ni immoy ko ngiyal’ ni ba’aram ni piningmed Got riy. Ri in i gimed e immoy nib gonop, ara ma yog e thin, ara ba tolang u rogon e tafinay nma tay e girdi’.

James 2:5

Pi walageg ni girdi’en Kristus, mu telmed ngog! I Got e ke mel’eg e girdi’ ni gafgow u roy u fayleng ni ngari gel e michan’ rorad ngak Got ngu’ur pired nib pagan’rad ngak me yag ngorad e gin nsuwon Got ni yog nra pi’ ngak e pi’in nib t’uf Got rorad.

Joshua 10:24

min fekrad i yan ngak Joshua. Me’ere me pining Joshua urngin e pumo’on nu Israel ni ngarbad ngak, me yog ngak e pi ga’ ko salthaw rorad ni ngar uned ngak ngar ted rifrifen ayrad nga daken belel’gun fapi pilung. Miyad rin’ ni aram rogon.

Revelation 2:26

Ma pi’in yad ra gel ndar paged yad ko kireb, ni pi’in yad be ngongliy e tin nib m’agan’ug ngay nge yan i mada’ ko tomur e gu ra pi’ mat’awrad ni ta’reb rogon nga mat’wug ni yag ngog rok e Chitamag: Bay gu pi’ mat’awrad ni ngar gagiyeg niged e pi nam nga ba ley i wasey ngar t’et’ared girdi’en e pi nam ngay ni nochiyang ni bod bogi th’ib ni but’. Ma bay kug pi’ e fasuran ngorad.

Revelation 3:9

Mmotoyil! Fare ulung i girdi’ nib mil farad ku Satan, ni fapi cha’ ni yad be lifith l’ugunrad ma yad be yog ni yad piyu Israel machane gathi aram rogon e bay gu gagiyeg nagrad ngarbad ra parawgad nga but’ ngar siro’gad ko rifrif u em. Ma yad gubin ni bay ra nanged ni gab t’uf rog.