Isaiah 26:3 - Bible Ni Thothup

³ I gur, SOMOL, e ngam pi’ e gapas nib manigil ngak e pi’in nib muduwgil lanin’rad ma gur e ma lagan’rad ngom.

Isaiah 26:3 Iomraidhean Croise

1 Kronicles 5:20

Miyad tay e pagan’ rorad nga daken Got ngar meybilgad ngak ni nge ayuwegrad, me fulweg Got taban e pi meybil rorad nge gagiyeg nagrad ngar gelgad ngak e pi Hagrite nge pi’in yad ngabang.

2 Kronicles 13:18

Ma aram e girdi’ nu Judah e ka ra gelgad ngak piyu Israel, ni bochan e ra gifgad ngak SOMOL ni Got rok e pi chitamngirad.

2 Kronicles 16:8

Gathi piyu Sudan nge piyu Libya e immoy yu raba’ i salthaw nib ga’ ni bo’or e chariot rorad nge girdi’en e yan u os? Machane bochan e mu gif ngak SOMOL, me tem ngam gel ngorad.

Psalms 119:165

Pi’in nib t’uf e motochiyel rom rorad e yad bay u lan e yoror ni dabi buch ban’en rorad, ma dariy ban’en nrayag ni nge mulegrad.

Psalms 125:1

Pi’in ma pagan’rad ngak SOMOL e yad bod fare burey ni Zion, ndariy liyben me rur, ma dabi mithmith bi’id.

Psalms 9:10

SOMOL, pi’in yad manangem e ra pagan’rad ngom; cha’ nra yib ngom e ri dab mu n’ag.

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

Isaiah 26:12

SOMOL, bay mu pi’ e fla’ab ngomad, ya urngin e tin gamad ma thognag ma wom’ngin e n’en ni ga ma rin.

Isaiah 27:5

Machane fa’anra pi to’ogor ko girdi’ rog e yad ba’adag ni nggu aywegrad, ma yad e ngar aw niged e gapas u thilmad. Arrogon, yad e ngar aw niged e gapas u thilmad.

Isaiah 31:1

Pi’in yad ra yan ko man ayuw nga Egypt e kar riya’gad! Yad be toer nga gelngin yu Egypt, ni os, nge chariot nge salthaw. Ya darir toergad ngak SOMOL, ni fare Got nu Israel nib thothup, ara ra weniggad ngak ni nge ayuwegrad.

Isaiah 32:17

Ra be’ ma bay i rin’ e tin nib mat’aw, ma aram fan ni bay un par u fithik’ e gapas nge pagan’ ni gubin ngiyal’.

Isaiah 32:18

Pi naun rok e girdi’ rok Got e bay un par riy u fithik’ e gapas ma dabi buch ban’en rorad, ma kem’ay e magafan’ rorad.

Isaiah 42:19

Gur bay be’ ngabang ni kab gel e ma’ew rok ngak e tapigpig rog, kab gel e baling rok ngak e en ni gu l’oeg nge yib i yog e thin rog?

Isaiah 42:6

“I Gag SOMOL e kug piningem ku gu pi’ gelngim ni ngam guy rogon ngam rin’ e tin nib yal’uw u fayleng. Ngug ngongliy bm’ag u thilmad urngin e girdi’ ni nggu rin’ u dakenam; bay gu pi’ e tamilang ngak e pi nam u dakenam.

Isaiah 48:2

Ma kam ufgad ngay gimed be yog ni gimed girdi’en fare binaw nib thothup ni fare Got rok yu Israel e gimed be toer ngak, ni fithingan e SOMOL ni Gubin ma Rayag Rok.

Isaiah 49:8

SOMOL e be ga’ar ngak e girdi’ rok, “Ra taw ko ngiyal’ ni nggu ayuwegmed ma bay gu runguymed, mu gu fulweg lungmed ni gimed be wenig ngog ni nggu ayuwegmed. Bay gu matanagiymed mu gu yoror romed, mu dakenmed e ngu ngongliy ba m’ag riy ngak urngin e girdi’. Bay gu fulwegmed bayay ngalan e nam romed nike par e chiney ni kann’ag.

Isaiah 50:1

Be ga’ar SOMOL, “Mogned, gimed be finey ma gu n’agmed e girdi’ rog ni bod be’ ni n’ag le’engin? Ere bu uw babyoren e machuw? Gimed be finey ma gu pi’med nchuway’ ngam kalbusgad ni bod be’ nib mo’on ni pi’ pifak nchuway’ ngar manged sib? Danga’, ni fekmed nga reb e nam ngan kalbus nagmed ni bochan e denen romed; ni fekmed ngam marod ni bochan e kireb romed.

Isaiah 50:10

Gimed gubin e pi’in gimed ma liyor ngak SOMOL ma gimed ma fol ko pi tapigpig rok, e kanawo’ ni gimed ma yan riy e gomange ba lumor, machane SOMOL e nge pagan’med ngak, mi gimed toer ko Got romed.

Isaiah 66:12

Be ga’ar SOMOL, “Bay gu pi e fla’ab ngomed ni dariy n’umngin nap’an; fla’ab ko pi nam e bayi map’ ngomed ni bod ba lul’ ndar mlik. Bay mboded bbitir ni be tathuthnag e chitiningin, ni be dibey be ayweg u fithik’ e t’ufeg.

Jeremiah 39:18

Bay gu ayuweg e pogofan rom nge dab ni li’em ngamum’. Bay mu thay ni dab mum’ ni bochan e pagan’ rom ngog. I Gag SOMOL e kugog e pi thin ney.”

Daniel 3:17

Fa’anra bay reb e got nrayag rok ni nge ayuwegmad u lan fare tafen e nifiy ni be daramram ma ra yan i aw ni Got romad, ni ir e gamad ma fol ko thin rok, me ir e bayi ayuwegmad u pa’am.

Daniel 3:28

Me ga’ar e en ni pilung, “Ke sorok fare Got rok Shadrak nge Meshak nge Abednego. Ya ke l’oeg e engel rok ke ayuweg e pogofan rok e pi cha’ney ni yad ma fol ko thin rok ma yad ma par nib pagan’rad ngak. Darir folgad ko tin gog ngorad ni ngar rin’ed miyad dow ko pogofan rorad, ya kabfel’ u wan’rad ni yad ra yim’ ko bin ni ngar siro’gad ngar ted fan yugu reb e got.

Daniel 6:23

Mri felfelan’ fare pilung me yog ni nga ni girengiy Daniel u lan fare low ngalang. Ma aram miyad girengiy ngalang miyad guy ni dariy bochiyang nike maad’ad u downgin, ni bochan e pagan’ rok ngak Got.

Mikah 5:5

ma bayi fek e gapas i yib. Ra yib piyu Assyria ra m’aged e mael ko nam rodad miyad kuruf e yoror ni kad ted ni fan ko mael, ma gadad pi’ e pi’in nth’abi gel ni yad be yog e thin rodad ngar chamgad ngorad.

John 14:27

“Nggu tay e gapas nge par romed; nggu pi’ e gapas rog ngomed. Dab gu pi’ ngomed ni bod rogon nma rin’ e girdi’ nu fayleng. Dabi magafan’med ma dabi wagagey lanin’med; ma dab mu tamdaggad.

John 16:33

Kugog e re bugithin ney ngomed ni bochan e nge pagan’med ni fan e kad ta’ab girdi’gad. Bayi gafgow nagmed e fayleng. Machane dab mu rusgad! Ya kug gel ko fayleng!”

Roma 5:1

Ere chiney e ke mat’aw nagdad Got ngak u daken e michan’ rodad ngak Jesus Kristus, ere ke aw e gapas u thildad Got nike yag u daken e Somol rodad i Jesus Kristus.

Filippi 4:7

Ma gapas rok Got ni dabi chuchugur ni nge nang e girdi’ fan e ra yororiy gum’ircha’med nge tafinay romed ngi i par rok Kristus Jesus.