Isaiah 24:4 - Bible Ni Thothup

⁴ Fayleng bayi mlik’ nge mororay; ga’ngin e fayleng nra m’ing kawon me me’waer; fayleng nge lanelang e l’agruw nra wod.

Isaiah 24:4 Iomraidhean Croise

Isaiah 24:21

Bay bingyal’ ni be yib ni bayi gechignag SOMOL e pi’in nib gel gelingrad u lang nge pi’in ma tagagiyeg u fayleng.

Isaiah 24:3

Fayleng e bayi par ndakriy e fel’ riy nike kireb. I SOMOL e ke non ma tin keyog e ra yodrom.

Isaiah 28:1

Nam nu Israel e kan turguy e gechig ni nge aw ngak! Fla’ab rok e be chuw ni bod yu kiy i te’eliyaw ni floras ni bay u lolugen e pi’in yad be yog e thin riy ni karm’ad ko rrum. Lolugrad nib uf e ka ni floridanag ni bfel’ rogon, machane kar thiggad nga but’ ni kar balyanggad ko rrum.

Isaiah 3:26

Pi garog ko binaw e ra kireban’rad ngar yorgad, ma fare binaw e ra bod be’ ni bpin ni kan th’ab e mad u daken nike par nga but’.

Isaiah 33:9

But’ ko re nam ney e dakunir muruwliy ma kann’ag. Geargear nu Lebanon e ke mororoy, fare loway nu Sharon nib yong’ol e but’ riy e ke bod bangi ted ni desert, mu lan yu Bashan ngu daken e Burey ni Karmel e be mulmul yuwan e gek’iy riy nga but’.

Isaiah 64:6

Gamad gubin ni gamad ba tadenen, ni mus ko tin th’abi fel’ e ngongol romad nrib alit. Bochan e denen romad, ma gamad bod yuwan e gek’iy nike mororoy ke yib e nifeng i changegnag.

Jeremiah 12:4

Uw n’umngin nap’an ni nge par e but’ romad nike fengfeng, nge pan nike maroroy u gubin yang e flang romad? Gamanman nge arche’ e be yim’ ni bochan e kireb ko girdi’ romad, ni pi girdi’ ni be ga’ar, ‘Got e darguy ko mang e gadad be rin’.’”

Jeremiah 4:28

Bayi yor e fayleng; ma lanelang e bayi lumor. I SOMOL e be non ni dabi thilyeg lanyan’. Ke turguy e tin nge rin’ ni dabi sulsul riy nga tomur.

Lamentations 1:4

Dakriy be’ ni mayib nga Tempel e chiney ko meybil ko pi rran nib thothup. Pi’in rrugod ni ur tanggad u rom e yad be gafgow, ma fapi prist e kemus ni go’ moen e yad be tay. Ke par langan e pi garog ni dariy be’ riy, ma yu Zion e ke mochuch ko amith.

Hosea 4:3

Ere bayi m’ay e ran u daken e nam, ma urngin ban’en nib fos e bay yim’, ni urngin e pi gamanman nge pi arche’, mus ko nig ni bayi yim’.”

Joel 1:10

Dakuriy ban’en u daken e yung i milay’; kari kireban’ e but’, ya ke kireb e grain, ma ke l’ud e grape, ma ke mororoy e yu ke gek’iy ni olive.