Isaiah 23:1 - Bible Ni Thothup

¹ Irera’ e thin ni murung’agen yu Tyre. Mu gogo’gad ko gafgowan’ gimed e sala u maday! Gin ma yan i gif e barkow romed ngay e ka ni gathay; naun riy nge gin yima yuluy e barkow riy e ke mogoth. Ra sul e barkow romed u Cyprus, mi gimed nang salpen.

Isaiah 23:1 Iomraidhean Croise

Genesis 10:4

Ma pi pumo’on ni pifak Javan e yad e girdi’ ni owchen fa yuke girdi’ nu Elishah, Spain, Syprus ngu Rhodes;

1 Kings 10:22

Ma bay boch e barkow rok nma cheag ko tirok Hiram e barkow ngu ur churgad. Ma ra gaman dalip e duw me sul fapi barkow rok nike fek e gol, nge silber, nge nguwelean e elefant, nge gorilla nge mongki.

1 Kings 22:48

Me Jehoshafat ni Pilung e toy bogi barkow ni ngi i yan ko fare nam nu Ofir ni fan ko gol; machane pil e pi barkow nem u Eziongeber ni dan taregnag bayay.

1 Kings 5:1

Hiram ni Pilung nu Tyre e i par ni yow fager David, ma fa’ani rung’ag nike yan Solomon nga luwan David ni chitamngin ke pilung, me l’oeg owchen e nam rok ngranod ra guyed.

2 Kronicles 9:21

Ma immoy bogi barkow rok nma tareg u maday ni be un ko tirok Hiram ni Pilung e barkow. Yu dalip e duw me sul e pi barkow rok bayay nike fek e gol, nge silber, nge ivory, nge gamanman ni ape, nge mongki.

Psalms 48:7

ni bod e pi barkow ni be yin’rad e day ko yoko’.

Isaiah 15:8

Urngin e pi mathil nu Moab ma yibe rung’ag laman e meyor ngay. Ku ni rung’ag nga Eglaim ngu Beerelim.

Isaiah 2:16

Bayi ligilnag gubin e barkow ni mus ko tin th’abi ga’ nge tin th’abi fel’ ya’an.

Isaiah 23:12

Binaw nu Sidon, felfelan’ romed e kemus, ma girdi’ romed e nge gafgow. Ni dariy fan ni yad ra mil nga Cyprus, ya ku dariy ba ayuw nra yib ngorad.

Isaiah 23:6

Mu gogo’gad ko gafowan’, gimed e girdi’ nu Foenicia! Mu guyed rogon e mil nga Spain!

Isaiah 24:10

Lan fare binaw e dakuriy yaramen gubin ban’en riy, ma girdi’ riy e ka ra man’ niged e mab ngorad u naun ni fan e nge dabki buch ban’en rorad.

Isaiah 60:9

Yad bogi barkow ni karbad ko pi nam nib orel, Ni yad be fulweg e girdi’ rok Got nga taferad. Ka ra feked e silber nge gol i yib, Ni ngar ted fan fithingan SOMOL ngay, Ni fare Got nib thothup nu Israel, Ni ir e ke gagiyegnag urngin e nam yad be tay fan e girdi’ rok.

Jeremiah 2:10

Mmarod ko ngal ko fare donguch nu Cyprus ngam guyed; mpi’ed e girdi’ ngranod ko ngek nga Kedar ngar fal’eged i yaliy: gur bay ban’en ni ara’ rogon ni ka’a yib i m’ug kafaram?

Jeremiah 25:15

I SOMOL ni Got rok yu Israel e ga’ar ngog, “Irera’ fare kap nib sug e wayin riy ni damumuw rog. Mu fek i yan ngak urngin e nam ni ku gu l’oegem ngorad, mag guy rogon ngar unumed e n’en ni bay riy.

Jeremiah 47:4

Ke taw ko ngiyal’ ni nge mogothgoth yu Filistia, min thirifrad ngar chuwgad u Tyre ngu Sidon ni dariy bagyad nra magay ni ngki pi’ e ayuw. I Gag SOMOL, e bay gu thang owchen piyu Filistia ni aram gubin e pi’in rabad u dap’el’ay u Krete.

Ezekiel 26:1

Rofen ni som’on ko pul, ko bin ragag nge ta’reb e duw ni gamad ba kalbus, me non SOMOL ngog.

Ezekiel 26:2

Ni ga’ar, “Fak e girdi’, irera’ e n’en ni be felfelan’ e girdi’ nu lan e binaw nu Tyre ngay. Yad be tolul ni be lungrad, ‘Ke puth yu Jerusalem! Dakuriy gelngin ko siyobay! Dakriy e ngiyal’ nra magawon nagdad.’

Ezekiel 27:30

Ur yor niged gur nib gel, Miyad be yon’ e fiyath nga daken lolugrad ngu’ur leplepgad u fithik’ e awat.

Ezekiel 27:6

Ra feked e gek’iy ni oak u Bashan ngar ngongliyed ni yap’; Miyad ngongliy e faraf rom ko gek’iy ni pine nu Cyprus Min nunuw nagem ko ivory.

Daniel 11:30

Ma bay yib piyu Roma u barkow ngar maelgad ngak, ma bay i rus ngorad. “Ma aram e bayi sul ni kari damumuw me guy rogon ni nge kirebnag fare m’ag nib thothup ni bay u thilin Got nge tirok Got e girdi’. Ma bayi fol ko thin rok e pi’in ni kar pi’ed keru’rad ko re m’ag nem.

Jonah 1:3

Machane me mil Jonah rok SOMOL nge yan nga Tarshish. I yan nga Joppa, me pir’eg ba barkow u rom ni be n’en ni nge yan nga Tarshish; me pi’ puluwon nge un nga daken me cheag ngak e sala ko re barkow nem ngranod nga Tarshish, nike mal’af rok SOMOL.

Numbers 24:24

Salthaw e bay ra afgad nga barkow u Cyprus ngarbad ni mael; bay ra koled yu Assyria nge yu Eber, machane bay nthang owcherad.”

Luke 10:13

“Rib ga’ ba gafgow ni bay mu ted yu Korazin! Rib ga’ ba gafgow ni bay kum ted yu Bethsaida! Ya fapi maang’ang ni kan ngongliy u wur e fa’an mang e ni ngongliy u lan yu Tyre nge yu Sidon, ma girdi’ riy e kafram e kar pired nga but’ ka ron’ed e tutuw ni mad ma kar thiygad ko awat ni nge mang pow riy ni kar pi’ed keru’rad ko denen ni yad be ngongliy!

Joshua 19:29

Me cheal fare mathil nge sor nga Ramah, nge yan i taw ko fare binaw ni Tyre ni kan yororiy nib tolang ni fan ko mael; ma aram me chiygog nga Hosah me yan i mus ko fare gi Day ni Mediterranean fithingan. Nib mu’un ngay yu Mahalab, Akzib,