Isaiah 2:9 - Bible Ni Thothup

⁹ Gubin e girdi’ ni bay ni tamra’ nagrad me ma’ farad. SOMOL, dab mu n’ag machan rorad!

Isaiah 2:9 Iomraidhean Croise

Nehemiah 4:5

Dab mu n’ag fan u wun’um e kireb rorad, ma dab mu pag talin e denen rorad, ya ka rogned e thin nib kireb ngomad e pi’in ni gamad be muruwliy e re maruwel ney.”

Psalms 49:2

pi tolang nge pi sobut’, nge pi fel’ rogon nge pi gafgow.

Psalms 59:5

SOMOL, ni Got ni Gubin ma Rayag Rom, mu sak’iy ngamub mu ayuwegneg; Got rok yu Israel, mu guy nga owchem! Mu od ngam gechignag urngin e pi nam, dab mu pag bagayad e pi’in yad be t’ar liyben e kireb!

Psalms 62:9

Girdi’ ni gubin e yad bod ba wuchuth i nifeng pi tolang nge pi sobut’ e ta’reb feni dariy rogorad ngabang. Yira thabthabel nagrad, ma dariy malngirad; yad bba’ud nga ba wuchuth i nifeng.

Isaiah 27:11

Papa’ngin e gek’iy e ke l’ud be m’ingm’ing, be kunuy e pi’in ppin ni nge mang l’ud. Bochan e dar nang e girdi’ fan ban’en, me’ere Got ni En ni Sunumiyrad e bay dabki kirban’ ngorad ara dag bochu’uw i marunguy ngorad.

Isaiah 5:15

Urngin e girdi’ ni bayi m’ayfarad, ma gubin e pi’in yad ba tolngan’ e ra sobutan’rad.

Isaiah 5:16

Machane SOMOL ni Gubin ma Rayag Rok e be dag feni sorok ko n’en ni be rin’ nib mat’aw, ma be gagyalnag feni thothup ko pufthin ni be tay ko girdi’ rok.

Isaiah 57:9

Ma gimed be thiy ko florida nge gapgep romed ni ngu’um marod meybilgad ngak Molek. Mi gimed be l’oeg e pi tama’log romed nga orel nib palog, ni ngar gaweged boch e got ni ngu’um tedfan, ni mus ko fayleng ko yam’ ni ka ra tawgad ngay.

Jeremiah 18:23

Machane, SOMOL, gur e ga manang ni yad be makath nigeg ni ngar li’edgag nggum’. Dab mu n’ag fan u wun’um e kireb rorad; dab mu n’ag fan u wun’um e denen rorad. Mun’rad nga but’ mag gechig nagrad e ngiyal’ ni ga ba damumuw.”

Mark 3:29

Machane en nra yog e tin nib kireb nib togopluw ko fare Kan Nthothup e ri dabi n’ag Got fan e denen rok, ya ke rin’ reb e denen ni dabi m’ay machan bi’id.”

Roma 3:23

ya ke denen urngin e girdi’, kar pired ni yad bmal’af rok Got ke mul e fla’ab rok u pa’rad.

Kolose 2:18

Dab mpaged be’ nge mang ir e turguy ni gimed ba kireb ni be yog ni ir e ba ga’ ni bochan e kan piliyeg e changar rok ke guy bogi ban’en, ma be yog nthingar ni sobut’ nigey ni gathi bin riyul’ e sobut’an’, ma yad be yog ni ngan tayfan min meybil ngak e pi engel. Ya ra aram rogon be’ ma ke ufanthin ndariy rogon, ya leam ni be tay e rogon e leam nma tay e girdi’,

Kolose 2:23

Er rogon, bmuduwgil ni be m’ug e pi motochiyel nem ni gowa bay e gonop u fithik’ ni be ga’ar e thingar nta’ fan min meybil ngak e pi engel, nge bin ni gathi ba riyul’ e sobut’an’, nge gafgow ni yibe tay nga dowey; machane dabiyag rok e pin’ey ni nge talegdad i rin’ e tin ni be ar’arnag e dowef rodad.

Joshua 24:19

Me ga’ar Joshua ngorad, “Dabiyag ni ngam pigpiggad ngak SOMOL, ya ir ba Got nib thothup ma ba taliyeg. Dabi n’ag fan u wan’ e denen romed nge kireb;