Isaiah 2:16 - Bible Ni Thothup

¹⁶ Bayi ligilnag gubin e barkow ni mus ko tin th’abi ga’ nge tin th’abi fel’ ya’an.

Isaiah 2:16 Iomraidhean Croise

1 Kings 10:22

Ma bay boch e barkow rok nma cheag ko tirok Hiram e barkow ngu ur churgad. Ma ra gaman dalip e duw me sul fapi barkow rok nike fek e gol, nge silber, nge nguwelean e elefant, nge gorilla nge mongki.

Psalms 47:7

Got e ir e pilung ko fayleng nib polo’; mu pininged e magaer nge sorok ngak u fithik’ e tang!

Isaiah 2:17

Tolngan’ ko girdi’ e bayi tal, me thang mit e ufanthin ko girdi’. Ma pi liyos e gubin ni bayi m’ay nga bang, ma SOMOL ni go’ ir, e bayi gilbugwan e rofen nem.

Isaiah 23:1

Irera’ e thin ni murung’agen yu Tyre. Mu gogo’gad ko gafgowan’ gimed e sala u maday! Gin ma yan i gif e barkow romed ngay e ka ni gathay; naun riy nge gin yima yuluy e barkow riy e ke mogoth. Ra sul e barkow romed u Cyprus, mi gimed nang salpen.

Isaiah 23:14

Mu gogo’gad ko gafgowan’, gimed e pi sala u lan e pi regur! Ya fare binaw ni gimed ma ta’ ngay e ke mogoth.

Isaiah 60:9

Yad bogi barkow ni karbad ko pi nam nib orel, Ni yad be fulweg e girdi’ rok Got nga taferad. Ka ra feked e silber nge gol i yib, Ni ngar ted fan fithingan SOMOL ngay, Ni fare Got nib thothup nu Israel, Ni ir e ke gagiyegnag urngin e nam yad be tay fan e girdi’ rok.

Isaiah 66:19

mar nanged ni Gag e en ni gu be gechig nagrad. “Machane bay gu pag bochi yad nib fos mug l’oegrad i yan ko pi nam nge yungin nib palog ni dawor rrung’aged bugwag ma dawor raguyed feni gel gelngig: yu Spain, Libya, ngu Lydia, ni bay e girdi’ riy nib salap ko mun gat’ing, ngu Tubal ngu Greece. Yad ra garareg feni sorog u lan e pi nam ney.

Ezekiel 27:25

Barkow ni gagang’ e be fek e chugum rom ko yungi n’en nib t’uf ni nge yan ngay. “Kambod bbarkow u maday Nike sugnag e chugom nib tomal.

Numbers 33:52

ma thingar mu tulfed gubin e girdi’ ko fare binaw. Migimed gathay urngin e liyos ni malang nge liyos ni wasay nge urngin e yung i tagil’ e meybil rorad.

Revelation 18:11

Ma girdi’en e tafolchuway’ nu fayleng e ku ri yor niged miyad dololoy’nag, ni bochan e dakuriy be’ ni ka be chuw’iy e chugum rorad;

Revelation 8:9

ma ta’ab guruy ko dalip guruy u urngin ban’en nib fos u fithik’ e day e yim’, ma ta’ab guruy ko dalip guruy u urngin e barkow e pil.