Isaiah 2:11 - Bible Ni Thothup

¹¹ Bay i taw nga reb e rran ni bayi tal e tolngan’ ko girdi’ me math mit e ufanthin. Ma aram e SOMOL e go’ ir e bayi gilbugwan.

Isaiah 2:11 Iomraidhean Croise

2 Samuel 22:28

Pi’in ba sobut’an’rad e ga ma chuwegrad u fithik’ e gafgow, ma ga ma sobut’nag e pi’in nib tolangan’rad.

Psalms 18:27

Ga ma ayuweg e pi’in yad ba sobut’an’, machane ga ma sobut’nag e pi’in ba tolangan’rad.

Psalms 18:28

A SOMOL, ga ma pi’ e tamilang ngog; ma ga ma chuweg e lumor rog.

Psalms 20:8

Mit i girdi’ nem e bayi tun ayrad ngar awgad nga but’, ma gadad e bay da puwgad ngalang ngad sak’iygad ni gadad bmudowgil.

Psalms 46:10

Be ga’ar, “Mu paged e cham, mi gimed nang ni gag Got, ni gag e th’abi tolang u fithik’ e pi nam, mi gag e th’abi tolang u fayleng!”

Psalms 46:11

SOMOL ni Gubin ma Rayag Rok e bay rodad; fare Got rok Jakob e ir e yoror rodad!

Psalms 94:2

Gur e tapufthin romad ni gamad gubin; mu sak’iy ngam pi ngak e pi’in tolngan’ e n’en ni bay tapgin ni nge aw ngorad!

Proverbs 16:5

I SOMOL e dabun gubin e pi’in tolngan’; ma dariy liben me pagrad ngar thaygad ko gechig.

Proverbs 30:13

Bay boch e girdi’ ni yad ma leamnag nriyad bmanigil — rib sororad u wan’rad!

Isaiah 10:12

Machane Somol e ga’ar, “Nap’an ni gu ra mu’nag e n’en gu be rin’ ko Burey ni Zion ngu lan yu Jerusalem, ma bay gu gechignag e emperor nu Assyria ni bochan e ufanthin nge tolngan’ rok.”

Isaiah 12:1

Bayib reb e rran ni bayi tang e girdi’ ni yad be ga’ar, “Gu be pining e sorok ngom, SOMOL! Um damumuw ngog, ma chiney e kam fal’eg lanin’ug ma ke chuw e damumuw rom.

Isaiah 12:4

Bay reb e rran ni bayib ni bayi tang e girdi’ ni yad be ga’ar, “Moged e magaer ngak SOMOL! Mu pininged ni nge ayuwegmed! Mogned ko urngin e nam e tin ke rin’! Moged ngorad feni sorok!

Isaiah 13:11

I SOMOL e ga’ar, “Bay ggirngiy e riya’ nga daken e fayleng nggu gechignag gubin e pi’in kireb ni bochan e denen rorad. Bay gu sobut’nag e pi’in yad ba tolngan’ mu gu gechignag e pi’in nib ufanthin ma yad buchan’.

Isaiah 14:15

Machane gur e yer, ni ka ni girngiyem nga but’ ko gin th’abi to’ar ko fayleng ko yam’.

Isaiah 2:17

Tolngan’ ko girdi’ e bayi tal, me thang mit e ufanthin ko girdi’. Ma pi liyos e gubin ni bayi m’ay nga bang, ma SOMOL ni go’ ir, e bayi gilbugwan e rofen nem.

Isaiah 23:9

I SOMOL ni Gubin ma Rayag Rok e tanomnag. I tanomnag ni fan e nge museg e tolngan’ rorad ko n’en ni kar rin’ed me sobut’nag e pi’in yad ma tayfan.

Isaiah 24:21

Bay bingyal’ ni be yib ni bayi gechignag SOMOL e pi’in nib gel gelingrad u lang nge pi’in ma tagagiyeg u fayleng.

Isaiah 25:9

Nap’an nra yodrom, ma gubin e girdi’ ni bayi ga’ar, “Ir e Got rodad! Kad ted e pagan’ rodad nga daken, ma ke aywegdad ni de buch ban’en rodad. I ir e SOMOL! Kad ted e pagan’ rodad nga daken, ma chiney e kad felfelan’gad ma kad ufgad ni bochan e ke ayuwegdad.”

Isaiah 26:1

Bayi taw nga reb e rran nra yin’ e girdi’ e re tang ni ba’aray u lan yu Judah: Binaw romad e ba gel! Got e ir e ma n’uf e pi rungrung riy.

Isaiah 28:5

Bay reb e rran ni be yib ni SOMOL ni Gubin ma Rayag Rok e ra yan i par ni bod ba kiy i floras ni te’eliyaw nrib fel’ ya’an ni fen e tin ni magey e girdi’ rok nde yim’.

Isaiah 29:18

Ra taw ko rofen nem, ma pi’in yad bbiling e yad ra rung’ag e tin yibe be’eg u babyor nib ga’ lunguy, ma pi’in ma’ew ni ur pired u fithik’ e lumor e ra mab owcharad ngar guyed ban’en.

Isaiah 30:18

Machane SOMOL e be son nagmed ni ngam sulod ngak me ayuwegmed. Ba’adag ni nge runguymed, ya gubin ngiyal’ nma rin’ e tin nib mat’aw. Ba felfelan’ e pi’in nike pagan’rad ngak SOMOL.

Isaiah 30:23

Demturug e ngiyal’ ni gimed ra yung e woldug romed, ma Somol e ra pi’ e n’uw ni nge tugulnag e pi woldug romed me yo’ornag wom’ngin, ma gamanman romed e bayi pire’ e yungi n’en ni ngu’ur abichgad riy.

Isaiah 37:23

Mini’ e ga be leamnag ni ga be togopluwnag e welthin ngak ma ga be moningnag? Ga be dariy fan nigeg, i Gag fare Got nib thothup nu Israel.

Isaiah 4:1

Ra taw ko ngiyal’n’em, ma medlip e ppin niyad ra malle’ nga ta’reb e pumo’on miyad ga’ar, “Rayag ni nggu durwi’iyed gamad magmad yagnag e mad romad machane wenig mu pagmad ngogned ni figirngimad gur, ya nge dab gu tamra’gad ni gamad bogi muchugbil.”

Isaiah 40:23

Ma sobut’nag e pi’in nma gagiyeg nib gel gelingrad, me m’aynag farad.

Isaiah 52:6

Machane bayi taw nga bangiyal’ ma bay mogned ni Gag e Got, ma kug welthin ngomed.”

Jeremiah 12:9

Girdi’ ni ku gu mel’eg e yad bod ba arche’ nike liyeg e hawk yad be k’ad. Mu pining e gamanman ni tmacham ngarbad ngar uned ko mur!

Jeremiah 9:24

Fa’anra ba’adag be’ ni nge uf ma nge uf ni bochan e manangeg ni bfel’ rogog, nge bochan e t’ufeg rog ni dabimus, ma gu ma rin’ e tin nib yal’uw nge tin nib mat’aw. Irera’ e pin’en ni bfel’ u wun’ug. I Gag SOMOL e kugog e pi thin ney.”

Ezekiel 38:14

Ere SOMOL ni Th’abi Tolang e ke l’ogeg ni nggog ngak Gog e n’en nike yog nib sor ngak: “Chiney ni be par e girdi’ rog nu Israel ndariy ban’en ni be buch rorad, e bay mu fal’eg rogom

Ezekiel 38:19

Gu ra gagyelnag u fithik’ guwalngin e damumuw rog ni rofen nem e bay e durru’ nib gel u daken e but’ nu Israel.

Ezekiel 39:11

I SOMOL e ga’ar, “Nap’an nra buch urngin e pin’ey, ma bay gu pi’ ngak Gog bang ntagil’ e gum’eyag u Israel, u lan e Loway ko Milekag nib loway ni bay ko ngek ko fare Dead Sea. Gog nge urngin e salthaw rok e bay ni k’eyagrad u rom, ma fare loway e bay un pining fithingan ni ‘Fare Loway Ko Salthaw Rok Gog.’

Ezekiel 39:22

Piyu Israel e bay ra nanged i yan ngaram ni Gag fare SOMOL ni Got rorad.

Daniel 4:34

“Fa’ani taw nga nap’an mu gu changar ngalang, i gag Nebukadnezzar, me sul lanin’ug ngog. Mu gu pining e sorok ngak Got ni Ir e Th’abi Tolang, ni bay i par nib fos ndariy n’umngin nap’an, mu gu tay fan, mu gog ni ir e ba gilbuguwan, me lungug, “I ir e bayi gagiyeg ni dariy n’umngin nap’an, ma gagiyeg rok e gubin ngiyal’ ni bay i par.

Hosea 2:16

Ma aram e bayi piningeg ni gag figirngin, ma dabki piningeg ni gag e Baal.

Hosea 2:18

Re ngiyal’ i n’em e bay gu ngongliy ba m’ag u thilmad urngin e gamanman ni malboch nge arche’, nge dab ra gafgow niged e girdi’ rog. Bay gu chuweg urngin talin e cham ni fan ko mael u daken e nam, ni urngin e saydon nge gat’ing, mu gu tay e girdi’ rog ngu’ur pired u fithik’ e gapas ndakuriy ban’en nra buch rorad.

Hosea 2:21

Ra yan i taw ko ngiyal’nem ma bay ug fulweg taban e meybil rok yu Israel ni girdi’ rog. Bay gu l’oeg e n’uw nge aw nga daken e but’ me k’uf e woldug ni grain, nge grape nge olive.

Joel 3:18

Yungi milay’ ni grapes e bayi peth u daken e pi burey e re ngiyal’ i n’em; ma gubin yang e flang ni bay ni pir’eg e garbaw riy; ma re ngiyal’ i n’em e bay e ran ni pire’ nra gaman yu Judah riy ni polo’. Ra yib ba lul’ u Tempel rok SOMOL, nge taren nag e Loway ni Akacia.

Amos 9:11

Be ga’ar SOMOL, “Girdi’en e tabinaw rok David ni yad be par ni bod ba naun nike puth e bay gu fulwegrad nga rogorad e rofen nem. Bay gu fal’eg rogon e rungrung riy, mu gu fulweg nga rogon. Bay gu toy bayay nge yan i par ni bod kakrom.

Obadiah 1:8

“Rofen nem ni nggu gechignag yu Edom, e bay gu thang mit e pi pumo’on riy nib llowan’, mug chuweg gubin e gonop rorad.

Mikah 2:3

Ere SOMOL e ke ga’ar, “Kug finey ni ngug girngiy e gafgow nrib gel nga dakenmed, ma dabiyag ni gimed ra mil riy. Ma dabkiyag ni ngu’um marod ni gimed ba uf, ya bay mpired ni kar mu gafgowgad.

Mikah 4:6

Be ga’ar SOMOL, “Bayi taw nga bangyal’ ni bay gu kunuy fapi girdi’ nug gechignag nra gafgow gad ko kalbus u wuru’ e nam.

Mikah 5:10

Be ga’ar SOMOL, “Ngiyal’ nem e bay gu fek e pi os rom mu gu kirebnag e pi chariot rom.

Zefaniah 3:11

Gimed e girdi’ rog, re ngiyal’ i n’em e bayi dab kum tamra’gad ni um togopluwgad ngog. Bay gu chuweg e pi’in yad ba tolngan’ nge pi’in yab ba fenuwan’, ma gimed e dakriy e ngiyal’ ni gimed ra togopluw ngog u daken fare burey rog nib thothup.

Zefaniah 3:16

Arme nge taw ko fa ngiyal’ ni bay ra ga’ar gad ngak yu Jerusalem, “Binaw nu Zion, dab mu rus! Dab mu pag pa’am nge ul nga but’!

Zekariah 9:16

Ra taw ko rofen nem mi SOMOL e bayi yoror rok e tirok e girdi’, ni bod rogon ba tagafaliy e saf ni yoror rok e pi saf rok nge dabi buch ban’en rorad. Ma bayi gal rama’enrad u lan e nam rok ni bod rogon e malang nib tolang puluwon ni be gal ram’en ni bay ko te’eliyaw ko pilung.

Malaki 4:1

I SOMOL ni Gubin ma Rayag Rok e be ga’ar, “Nap’an ni bayi taw ko fare rran ma bayi mo’oruf e pi’in tolngan’ nge girdi’ ni kireb e leam rorad ni bod e pan nike mlik’. Rofen nem e yad ra mo’oruf ni dariy bochyang rorad nra magay.

Luke 18:14

Me ga’ar Jesus, “Nggog ngomed, nre tamukun tax nem ma gathi fare Farise e sul nga tafen nike mat’aw ngak Got. Ya en nra tolangnag ir e yira sobut’nag, ma en nra sobut’nag ir e yira tolangnag.”

2 Korinth 10:17

Machane ba’aray rogon nike yog e babyor nib thothup, “En ni ba’adag ni nge weliy ban’en nike uf ngay e thangri uf ko n’en ni Somol e ke muruwliy ke yag.”

2 Korinth 10:5

ma kug buthuged urngin e leam nib tolang ni yibe togopluwnag ko tin ni kan nang ni murung’agen Got; gamad be fek urngin e leam ni bod ni yima kol e girdi’ ko mael nggu pingeged nge fol rok Kristus.

2 Thessalonika 1:10

ya re Rran ni ba’aram nra yib ni nge yog urngin e girdi’ rok e sorok ngak, me liyor urngin e girdi’ ngak nike michan’rad ngak, e ku errogon gimed ni gimed ra un nga fithik’rad, ni bochan e ke mich u wun’med e thin ni yib rok Got ni kug weliyed ngomed.

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”