Isaiah 18:2 - Bible Ni Thothup

² Pi owchen reb e nam nga reb e nam ko fare binaw e rabad u lan e lul’ ni Nile ni yad be yan u fofot ni kan ngongliy ko ro’uy. Mu suled nga tabnaw ni papay, gimed e pi tafek thin! Mu feked e malwol i yan ko but’ romed ni nike th’eth’ab e pi lul’, ko nam romed nib gel ma ba ga’ lungun, nge girdi’ romed ni n’un’uw mab pachpach dowrad, ni yima rus ngorad u ga’ngin e fayleng.

Isaiah 18:2 Iomraidhean Croise

2 Kronicles 14:9

Zerah nu Ethiopia e gafaliy barba’ i salthaw ni reb e million girdi’en nge dalip mir’aye bbiyu’ e chariot riy ngranod ko fachi binaw nu Mareshah u lan yu Judah.

2 Kronicles 16:8

Gathi piyu Sudan nge piyu Libya e immoy yu raba’ i salthaw nib ga’ ni bo’or e chariot rorad nge girdi’en e yan u os? Machane bochan e mu gif ngak SOMOL, me tem ngam gel ngorad.

BABYOR NI JOB 9:26

Par rog e be thumur ni bod rogon e bin th’abi machrag e bawoch, ni bod payngin ba eagle nike ngalol i yib nga daken ba usangi.

Exodus 2:3

Ma nap’an ndabkiyag ni nge mithag, me fek ba dug nni ngongliy ko ro’uy, nge liyef e pich ngay. Me tay fare tir nga langgin, me tay nga fithik’ e pan nib n’uw ni bay u marichlen e lul’.

Isaiah 18:7

Ra taw nga bangiyal’ ma bay un pi’ e maligach ngak SOMOL ni Gubin ma Rayag Rok ko re nam ney nike th’eth’ab e pi lul’, ni re nam ney nib maduwgil ma ba gel gelngin, ni girdi’ riy e ba n’un’uw ma ba pachpach downgin, ni yima rus ngorad u ga’ngin e fayleng. Bay rabad ko Burey ni Zion, ni aram e gin yima liyor riy ngak SOMOL ni Gubin ma Rayag Rok.

Jeremiah 49:14

Mug ga’ar, “Edom, ke taw e thin rok SOMOL ngog. Ke pi’ e mol’og ni nge yog ko pi nam ni ngar kunuyed e salthaw rorad ngar fal’egned rogorad ni ngar cham gad ngom.

Ezekiel 30:9

Nap’an nra taw ko re rran nem ni kan kirebnag yu Egypt, ma bay gu pi’ e mal’og u barkow ngranod ra puged e girdi’ nu Ethiopia ni darir na’abgad, ma aram e ri bay rrusgad. Ni re rran nem e be yib!”

Obadiah 1:1

Irera’ e tin ni yi’iynag Obadiah — ni aram e n’en ni yog SOMOL ni Th’abi Tolang u murung’agen e nam nu Edom. I SOMOL e l’oeg e mal’og rok nge yan ko pi nam, ma kad rung’aged e thin rok: “Da fal’egned rogdad! Ngad m’aged e mael nga Edom!”

Habakkuk 1:7

Bay un rus ngorad, ma yad e bay ur sunmiyed e tirorad e motochiyel.

Luke 10:19

Mu telmed! Kug pi’ mat’awmed nge gelngimed, ni fan e nge yag ni umot’ed e porchoyog nge skorpion mi gimed gel nga gelngin fa’anem ni ir e To’ogor, ma dariy ban’en nra maad’ad ngomed.