Isaiah 17:2 - Bible Ni Thothup

² Pi binaw nu Syria e bay nn’ag ni manemus. Me mang tagil’ e abich ko saf nge garbaw, ni dariy be’ nra langrad u rom.

Isaiah 17:2 Iomraidhean Croise

BABYOR NI JOB 11:19

Ma dab kumrus ngak e pi to’ogor rom; ma bo’or e girdi’ ni bay ur ninged e ayuw ngom.

Isaiah 27:10

Fare binaw ni kan yororiy ni fan ko mael e ke magoth ke par ni go bang i ted ni dakriy ban’en riy. Bayi par ni bang i tagil’ e garbaw nrayag ni ngu’ur toffangad riy miyad be kay e pan.

Isaiah 5:17

Pifak e saf e bay ur ked e pan ma kaming ni bitir e bay ra pir’eged e gin ngar abichgad riy u lan fapi binaw nike mogoth.

Isaiah 7:21

“Ra taw ko ngiyal’nem, ma fa’anra kemus ni ta’reb e garbaw nge l’agruw e kaming ni bay rok be’,

Isaiah 7:22

ma ra yib logowen e thuthrad ni pire’ nge yag ngak fa’anem urngin e milik nib t’uf rok. Errogon, urngin e pi’in bay ra mageygad u daken e nam ndar m’ad e bayi yag ngorad e milik nge honey ni ngar ked.

Jeremiah 48:19

Gimed e pi’in ni gimed ma par u Aroer, mu sak’iy gad u charen e kanawo ngam son gad; mi gimed fith e pi’in yad be mil ni ngar chuwgad, ngam nanged rorad e n’en nike buch.

Jeremiah 7:33

Girdi’ nike yim’ e bayi mang ggan ngak e arche’ nge gamanman ni malboch, ma dakriy be’ ni nge tulufrad.

Ezekiel 25:5

Fare binaw romed nu Rabbah e bay gu tay ni tafen e kamel, ma ga’ngin fare binaw nu Ammon e bay i tafnay e saf, ma aram e bay mu nanged ni Gag fare SOMOL.

Ezekiel 39:26

Nap’an ni yad ra par bayay ni dakriy ban’en ni be buch rorad u lan taferad, ma dariy be’ ni ku be togopluw ngorad, ma rayag ni ngar paged talin rogon ni un dariyfan nagrad ni fan e ra pagedgag.

Mikah 4:4

Gubin e girdi’ ni bay ra pired u fithik’ e gapas u fithik’ fi’irad grape nge yu ke gek’iy rorad ni fig, ma dakuriy be’ nra k’aring e marus ngorad. I SOMOL ni Gubin ma Rayag Rok e ke micheg e pin’ey.

Zefaniah 2:6

Binaw romed u charen e day e bayi par ni yuchuwo’ i pan me sug nag e chumol ko saf nge yochi naun ko pi tagafaliy e saf.

Numbers 32:34

Fare ganong rok Gad e ku ra fal’eged fapi binaw min ngongliy e yoror riy ni fan ko mael. Ni binaw nu Dibon, Ataroth, Aroer,

Deuteronomy 2:36

I SOMOL ni Got rodad e pi’ urngin fapi binaw ngalan pa’dad, ni mus u Aroer ni bay u thathren fare loway ni Arnon, nge fare binaw ni bay u lukngun e re loway nem, me yan nge mada’ nga Gilead. Dariy reb e binaw ni dad buthuged e yoror riy.

Deuteronomy 3:12

“Nap’an nda feked fare nam ni ngad tafned, mu gu pi’ ngak e pi ganong rok Ruben nge Gad fare binaw ni bay nga lel’och ko fachi binaw nu Aroer, u charen fare lul’ ni Arnon, nge bang ko fare gi binaw ni go’ burey u Gilead nib mu’un e pi nochi binaw riy ngay.

Joshua 13:16

Gin ni taferad e yan nge mada’ nga Aroer (ni bay u thathren fare Loway ni Arnon) nib mu’un fare binaw u lulukngun e re loway nem ngay ma ku arita’ gubin yang e yungi flang nib liyeg yu Medeba.

Joshua 13:25

Gin ni taferad e ba mu’un yu Jazer ngay nge urngin e pi binaw nu Gilead, nge baley ko fare but’ nu Ammon ni yan nge mada’ nga Aroer, ni bay ko ngek u Rabbah;