Isaiah 16:2 - Bible Ni Thothup

² Yad be son u mirichren e lul’ nu Arnon ni yad be chelchel ni bod e arche’ ni kan langrad u taferad.

Isaiah 16:2 Iomraidhean Croise

2 Kings 3:4

Mesha ni Pilung nu Moab e ma chugliy e saf, ma gubin e duw nma pi’ e mokun rok ngak e pilung nu Israel, ni 100,000 e fak e saf nge bunu’en 100,000 e saf.

Proverbs 26:2

Buch wa’athan e dabi yib nga dakenam ni fa’anra dariy tapgin ni nge aw ngom. Ni bod rogon e arche’ ni be changag i yan ma der tal nga but’.

Proverbs 27:8

Be’ nike chuw u tabnaw rok e bod ba arche nike chuw u tafen.

Isaiah 13:14

“Ma pi’in yad ma par u Babylon ni gathi yad girdi’en e bay ra milgad ngranod ko pi nam nrabad riy, yad ra wear ni bod e gamanman ni deer ni yad be mil ko pi takol gamanman, ni bod rogon e pi saf ni dariy be’ ni be gafaliyrad.

Jeremiah 48:20

Bay ra fulweged nra ga’ar gad, ‘Moab e kethay pa’, ngan yornag ya ke m’ay fan. Ngan weliy u charen fare lul’ ni Arnon i yan ni yu Moab e kan gothgathay!’

Jeremiah 48:46

Ke gafgow e girdi’ nu Moab! Ni girdi’ ni yad ma tay fan Kemosh e kan thang owcharad, ma pumo’on ni pifakrad nge ppin e kan fekrad ni kalbus.

Jeremiah 48:9

Ngan fal’eg rogon e malangen e yam’ ni fan ngak yu Moab; ya dab kin’uw nap’an min thirif u but’. Nge par e yochi binaw riy ni dakriy e wulgo’ riy, ni dakriy be’ ni ku ra par riy bingyal’.”

Numbers 21:29

Gafgow gimed e girdi’ nu Moab; gimed e pi’in gimed be tayfan Kemosh e kam awgad nga fithik’ e kireb! Fare got romed e ke pag e pumo’on kar malethaygad, ma pi’in ni ppin e kar manged kalbus ko pilung nu Amor.

Deuteronomy 2:36

I SOMOL ni Got rodad e pi’ urngin fapi binaw ngalan pa’dad, ni mus u Aroer ni bay u thathren fare loway ni Arnon, nge fare binaw ni bay u lukngun e re loway nem, me yan nge mada’ nga Gilead. Dariy reb e binaw ni dad buthuged e yoror riy.

Deuteronomy 3:12

“Nap’an nda feked fare nam ni ngad tafned, mu gu pi’ ngak e pi ganong rok Ruben nge Gad fare binaw ni bay nga lel’och ko fachi binaw nu Aroer, u charen fare lul’ ni Arnon, nge bang ko fare gi binaw ni go’ burey u Gilead nib mu’un e pi nochi binaw riy ngay.

Deuteronomy 3:8

“Ere ngiyal’nem e da feked rok fa gali pilung nu Amor fare nam ni bay nga ba’ ni ngek fare lul’ ni Jordan, ni tabab ko lul’ ni Arnon me yan i mada’ ko burey ni Hermon. (

Joshua 13:16

Gin ni taferad e yan nge mada’ nga Aroer (ni bay u thathren fare Loway ni Arnon) nib mu’un fare binaw u lulukngun e re loway nem ngay ma ku arita’ gubin yang e yungi flang nib liyeg yu Medeba.

Judges 11:18

Ma aram mranod u rom u daken e ted ngar liyegged fare nam nu Edom nge fare nam nu Moab ngar tawgad nga ba’ ni ngek yu Moab, ni bay nga ba’ nem fare Lul’ ni Arnon. Miyad par u rom, machane dar th’abed e Arnon ni bochan e ireram e mathil nu Moab.