Isaiah 15:2 - Bible Ni Thothup

² Me yan e girdi’ nu Dibon ngalang ko burey ngu’ur yorgad u tagil’ e meybil. Girdi’ nu Moab e ur gogo’ naged e gafgowan’ rorad ni bochan yu Nebo ngu Medeba; ra pupuyed lolugenrad nge soroberad u fithik’ e gafgowan’.

Isaiah 15:2 Iomraidhean Croise

2 Samuel 10:4

Me kol Hanun fapi tamal’og rok David, nge puy barba’ e rob rorad, me th’ab ngemul e mad u chagiyrad, me l’ograd ngranod.

1 Kronicles 19:4

Me kol Hanun fapi tamol’og rok David nge puy e rob rorad, me th’ab e mad u chigiyenrad, me pagrad ngranod.

BABYOR NI JOB 1:20

Me sak’iy Job nge guchthuy e mad rok ni kari kireban’. Me suruy e piy u chugen nge m’ay me paraw nga but’.

Isaiah 14:31

Gimed gubin e binaw nu Filistia ni bay um gawolgad ngalang ma gimed be yornag e ayuw! Mu rusgad ni gimed gubin! Be yib byil’ i ath ko lel’och ni barba’ i salthaw ndariy buchu’uw i marus rorad.

Isaiah 15:3

Ma girdi’ u lan yupa’ i kanawo’ e ron’ed e mad ni tutuw; ma lan binaw ko pi madardar ko kanawo’ ngu daken e chigiy ko naun e be duloloy’ e girdi’ riy miyad be yor.

Isaiah 16:12

Girdi’ nu Moab e thay porowrad ko yan nga daken e burey nga tagil’ e meybil nge lan e pi tempel rorad ko meybil, machane dariy ban’en riy ni bfel’ ngorad.

Isaiah 16:7

Girdi’ nu Moab e bay ur yorgad ni bochan e pi oloboch ni bay ur gafgowgad riy. Yad gubin ni bay ur yorgad u nap’an nra yib wuran ngan’rad e ggan ni falel’ ni ur ked u lan fare binaw nu Kir Heres. Bay ra pired nike math e liyab rorad.

Isaiah 22:12

I SOMOL ni Th’abi Tolang ma Gubin ma Rayag Rok e i piningmed ni ngam yorgad mi gimed dololoy’, migmed puy piyan lolugmed ngam chuwgad ko mad ni tutuw.

Isaiah 3:24

Florida ni yad ma thiy ngay e thil nge kirebnag bon dowrad, pi le’ed rorad ni fafalel’ e thil nge mang yuyal’ i tal, piyan lolugrad ni bfel’ e thil ngar pired ni kar madro’gad, mad rorad ni fafalel’ e bayi thil nge par ni mad ni mogmogchoth e yad be yin’; tamra’ e bayi yin’ luwan e ufan pidorang rorad.

Jeremiah 3:21

Ba lam ni yibe rung’ag nga daken p’ebugul e burey: ni laman e girdi’ nu Israel ni yad be yor ma yad be wenig ni bochan e ku’ur pired u fithik’ e denen ni ka ra paged talin SOMOL ni Got rorad.

Jeremiah 47:2

I ga’ar: “Mu changargad! Ke puw ngalang u lane lel’och nib machrag ni bayi sugbur ni bod e lul’. Bayi tharay e binaw nge gubin ban’en u daken, nge pi binaw nge girdi’ nma par riy. Girdi’ e bay ra tolul niged e ayuw; me yor nib gel gubin e girdi’ u daken e fayleng.

Jeremiah 47:5

Gafgow ni ga’ e keyib nga daken e girdi’ nu Gaza, ma girdi’ nu Ashkelon e ka ra th’abed gulungrad. Uw n’umngin nap’an ni nge par yu Filistia ni be mowaw?

Jeremiah 48:1

Irera’ e n’en ni yog SOMOL ni Gubin ma Rayag Rok u murung’agen yu Moab: “Nge kireban’uy ngak e girdi’ nu Nebo — ya yochi binaw rorad e ke mogothgoth! Yu Kiriathaim e kan kol, yoror riy nib gel ni fan ko mael e kan buthug nga but’, ma girdi’ riy e kan tamra’nag;

Jeremiah 48:18

Gimed e pi’in ni gimed ma par u Dibon, e ngambad nga but’ u gil’med nib gilbugwan ngam pired nga but’ nga fithik’ e ab; ke taw e girdi’ ni nge gothothay yu Moab kar ted yung i tagil’ e ayuw ni dakriy e wulgo’ riy.

Jeremiah 48:31

Ere aram e bay gu yornag gubin e girdi’ u lan yu Moab nge girdi’ nu Kir Heres.

Jeremiah 48:35

Bay gu taleg e girdi’ nu Moab ndab kur ngongliyed e maligach ni mo’oruf ko yung i tagil e meybil rorad nge maligach ni yad ma pi’ ko pi got rorad. I Gag SOMOL e kugog e pi thin ney.

Jeremiah 49:3

Girdi’ nu Heshbon, mu yorgad ngalang! Ai e kan buthug! Pi’in ni ppin nu Rabbah, mu mowawgad! Moned e mad ni tutuw ko mowaw ni ngam ted. Mmilgad i yan nike wagagey lanin’med. Fare got romed i Molek e bay ni fek nib kalbus nga wuru’ e nam, nib chagil e pi prist rok ngak nge fapi pumo’on ni fak e pilung.

Jeremiah 7:29

“Gimed e girdi’ nu Jerusalem, mu yor gad mi gimed th’ab piyan lolugmed ngam n’iged. Mon’ed tangin e gum’eyag u daken p’ebgul e yochi burey, ya gag SOMOL, e ku gu damumuw ma ku gu n’ag e girdi’ rog.

Ezekiel 27:31

Ra puyed piyen lolugrad ni fan ngom Miyad yon’ e mad ni tutuw. Ma yad be yor ni kari taganan’rad.

Ezekiel 30:2

Ni ga’ar, “Fak e girdi’, mu yi’iy ngamog e n’en ni gu be yog i Gag SOMOL ni Th’abi Tolang. Ni ngam tolulnag e pi thin ney. Rran ko marus nib ga’ e be yib!

Ezekiel 7:18

Bay ron’ed e mad ni tutuw nga dakenrad miyad t’on nreb. Bay ni puy piyan lolugrad, ma bayi ma’ farad ni yad gubin.

Levitikus 13:40

Fa’anra be’ ni pumo’on nike mulmul e piy u lolgen ke modro’, ma dabi ta’ay.

Levitikus 21:5

“Dariy ba prist nra midro’nag bang u lolgen fa th’ab bang u roben ara th’ab yu yang u downgin ni nge dag ni be mowaw.

Amos 8:10

Bay gu pingeg e pi madnom romed nge ngal’ ni tayam’, mu gu pingeg e tang ni gimed ma yin’ u fithik’ e felfelan’ nge ngal’ ni meyor nge gafgowan’. Bay gu gagiyeg nagmed ngam puyed lolugmed u daken e lo’ mi gimed yin’ e mad ni tutuw. Bay mboded e gallibthir ni yow be mowaw nag fakrow ni kari ma’agrag rorow. Rofen nem ni polo’ e ra par nib mo’oy.

Numbers 21:28

Immoy bingyal’ ni re binaw nem nu Heshbon e yan e salthaw rok Sihon riy nga m’on ni gowa ba nifiy; I gathay fare binaw nu Ar u lan yu Moab Me ful’ e yochi burey ni bay nga talang u Arnon.

Numbers 21:30

Ma chiney e kan thang mit e pi’in owcharad, Ni mus u Heshbon nge yan nga Dibon, me yan u rom nga Nashim nge yan nga Nofah, u charen yu Medeba.”

Numbers 32:3

“Re gin’ney nike ayweg SOMOL yu Israel kar pired ngay — ni pi binaw nu Ataroth, Dibon, Jazer, Nimrah, Heshbon, Elealeh, Sibmah, Nebo, ngu Beon — e bfel’ ko chugol gamanman, ma gamad e bo’or e gamanman romad.

Numbers 32:38

Nebo, Baal Meon (ni biney e fithingan e kan thilyeg), ngu Sibmah. Miyad tunguy fithingan e pi binaw nem ni kar fal’eged.

Deuteronomy 14:1

“Gimed e girdi’ rok SOMOL ni ir e Got romed. Ngiyal’ ni gimed ra mowawnag ba yam’, ma dab ku mu raseyed dowmed fa mu puyed piyan lolugmed u m’on, ni bod nma rin’ boch e girdi’.

Deuteronomy 34:1

Me chuw Moses ko tafel’fel’ u Moab nge farthag ko Burey ni Nebo, me yan u rom nge p’ebgul e Burey ni Pisgah ko ngek u Jeriko, ni aram e gin ni dag SOMOL ngak riy ga’ngin yang fare nam ni tabab ko nug nu Gilead nge mada’ ko fachi binaw nu Dan ko lel’och;