Isaiah 13:7 - Bible Ni Thothup

⁷ Ra m’ay gelngin pa’ gubin e girdi’ me lul’ laniyan’rad.

Isaiah 13:7 Iomraidhean Croise

Psalms 58:7

Mang e yugu ra m’aygad ngabang ni bod e ran ni lul’ nge m’ay; mang e yugu notrad nga but’ ni bod e pan u kanawo’.

Exodus 15:15

Pi’in yad ma yog e thin u Edom e rrusgad; ma pi pumo’on ni falu’ u Moab e ra t’on gad ko marus; ma fapi girdi’ nu Kanaan e mulan’rad.

Isaiah 19:1

Irera’ e thin u murung’agen yu Egypt. I SOMOL e ke yib ni nge yib nga Egypt, ni be yib u daken bang i manileng nib papey. Ma fapi liyos nu Egypt e be duru’ u puluwon, ma ke mulan’ e girdi’ nu Egypt.

Isaiah 37:27

Girdi’ ni i par u rom e dariy gelingrad; ni u ra pired nike balyangan’rad ko marus. Yad bod e pan nike tugul u daken bang i flang ara garger nike tugul u daken e chigiy ko ngiyal’ nike yib nifengin e ngek nib gawel.

Isaiah 51:20

Urngin e bug ko kanawo’ ma ke aw e girdi’ rom riy nga but’ nike m’ay gelingrad; yad bod e gamanman ni deer nike aw ko nug ni kanpag. Kar thamiyed gelngin e damumuw rok Got.

Jeremiah 50:43

I rung’ag fare pilung nu Babylon murung’agrad, me m’ay yilen pa’ ko marus. Me k’ad e amith, ni bod be’ ni bpin ni nge gargel.

Jeremiah 51:30

Salthaw nu Babylon e kar talgad ko mael kar pired u lan e yoror. Ke me’waer lanin’rad kem’ay farad. Kan buthug e pi garog ko binaw nga but’, ma kanip’ e nifiy ko naun.

Ezekiel 21:12

Fak e girdi’, mu go’go’ u fithik’ e gafgowan’; re gi saydon ney e ri fan ko girdi’ rog nge gubin e tayugang’ nu Israel. Bay ni unegrad ko girdi’ rog ngan li’rad. Mu pirdi’iyed pa’med nga daken ngarngorenmed u fithik’ e mathliyab!

Ezekiel 21:7

Nap’an ni yad ra fithem ko mangfan ni ga be gel’gel’, ma gog ngorad ni bochan e thin nib be’ech ni bayi taw. Nap’an nra taw, me suguy e marus lanin’rad, me ul pa’rad, ni mathliyab, me dada’ bugrad. Re ngiyal’ i n’em e ketaw ngay; ketaw ngaray e chiney.” I SOMOL ni Th’abi Tolang e be non.

Ezekiel 7:17

Yad gubin ni bayi ma’ gelngin pa’rad, ma bugunrad e bayi da’da’.

Nahum 1:6

Nap’an e ra damumuw, me mini’ e rayag ni fas? Mini e rayag ni fas u gelngin e damumuw rok? I pu’og e damumuw rok ni be daramram; me pilpil e war nge par ni bod e fiyath u p’eowchen.

Nahum 2:10

Nineveh e ke mogothgoth, dakuriy be’ riy, kann’ag! Ke ranran e pi gum’ircha’ ni marus; ke dada’ e bug u ey, dakriy gelingiy; ke ol owchey.

Nahum 2:11

Ere bu uw fare binaw e chiney ni fa’an gowa tafen e layon, ni aram e gin un durwi’iy pifak e layon riy, ni ku aram e gin ma yan e layon ni pumo’on nge ppin ngay ngu’ur ayweged pifakrad riy ni dabi buch ban’en rorad?

Joshua 2:11

Nap’an ni gu rung’aged magmad rus; ra be’ ma ke mulan’ ni bochmed. I SOMOL ni Got romed e ir e Got nu tharmiy ngu roy u but’.