Isaiah 10:3 - Bible Ni Thothup

³ Mang e gimed ra rin’ ko ngiyal’ ni nge gechig nagmed Got? Ma ba mang e gimed ra rin’ ko ngiyal’ nra girengiy e riya’ u reb e nam nga dakenmed? U uw e gimed ra mil ngay ni ngam pir’egged e ayuw riy? Ma uw e gin gimed ra mithag talinmed ngay?

Isaiah 10:3 Iomraidhean Croise

Genesis 31:1

Jakob e rung’ag ni be yog fapi pagel ni fak Laban ni yad be ga’ar, “I Jakob e kefek urngin tin nib mil suwon ko chitamangidad. Kefel’ rogon ko tirok e chitamangidad.”

2 Kings 7:15

Miyad yan ngar mada’gad ko lul’ ni Jordan, ma nap’an ni yad be yan miyad guy e mad nge chugum ni n’ag e salthaw nu Syria ko ngiyal’ nra milgad. Miyad sul ngarbad ra weliyed ko en ni pilung.

BABYOR NI JOB 31:14

Fa’anra da ug rin’ ni aram rogon, ma uw rogon me yag ni sabol owchemow Got? Mang e gu ra yog ni fa’anra yib Got ni nge pufthin nigeg?

Proverbs 11:4

Fla’ab rom u fayleng e dariy angin ngom e rofen nra taw e yam’ ngom, machane yul’yul’ e rayag ni ayweg e yafos rom.

Isaiah 13:6

Mu gel’gel’ naged e amith! Ya rran rok SOMOL e ke chugur, rofen ni En ni Gubin ma Rayag Rok e nge girengiy e riya’ i yib.

Isaiah 17:4

I ga’ar SOMOL, “Be yib reb e rran ni bayi t’aw ngay, ni aram e nge mus feni ga’ bugwan yu Israel, ma fel’ rogon riy e bayi chuw me par e gafgow nga luwan.

Isaiah 20:6

Ra taw ko ngiyal’nem, ma girdi’ nma par u pel’ay u Filistia e bay ra ga’argad, ‘Mu changar ko nen ke buch ko girdi’ ni yad e pagan’ rodad ni ngar ayweged gadad u pa fare emperor nu Assyria! Are bu uw rogon ni dab dam’ad?’”

Isaiah 26:14

Chiney e karm’ad ma dab kur fosgad bayay; ya’al rorad e dab ku ra fosgad bayay, ni fan e gur e ka mu gechig nagrad ka mu thangrad. Dariy be’ ni ku yad ra yib ngan’ bi’id.

Isaiah 26:21

I SOMOL e be yib u tharmiy ko gin ma par riy ni nge gechignag e girdi’ nu fayleng ko pi denen rorad. Pi mthang pogofan ni un rin’ nib mith u roy u fayleng e ra m’ug, ma but’ e dabki mithag e pi’in nthang e pogofan rorad.

Isaiah 28:20

Gimed ra bod rogon fare mo’on ko proverb, ni i guy rogon ni nge k’iyag ir nga ba chob ni yugba ngoch, ma nge bachiy ir nga bangi blangkit ni yugub achig radan.

Isaiah 29:6

ma SOMOL ni Gubin ma Rayag Rok e bayi lagmed u fithik’ e yoko’ ni be chob e dirra’ riy nib almarin nge durru’. Bayi pi’ e yoko’ ni bay e nifeng riy nib gel nge nifiy ni be gabulbul e daramram riy;

Isaiah 30:16

Ya kam leam niged ni ngam afgad nga daken e pi os romed nib machreg ngam milgad rok e pi to’ogor romed. Ma soromed, ya rib mudugil ni bay mmilgad! Gimed be leamnag nib machreg e pi os romed, machane pi’in bay ra lol’iged gimed e ka yad ba machreg boch ngomed!

Isaiah 30:5

ma girdi’ nu Judah e bay ra kalgad ngan’rad ni bochan e pagan’rad ngak e re nam nem ndabiyag ni ngan toer ngorad, ni ba nam ndar ma yag ni ngar pi’ed e ayuw ko ngiyal’ nma t’uf e ayuw rorad.”

Isaiah 30:7

Ayuw nra pi’ yu Egypt e mm’ay fan. Ere kug turguy fithingan yu Egypt ni fare ‘Dragon ndabiyag ni nge rin’ ban’en ngak be’.’”

Isaiah 33:14

Girdi’ nu Zion ni yad ba sug ko denen e yad be t’on ko marus. Be lungurad, “Gechig rok Got e bod ba nifiy ni be yik ndariy n’umngin nap’an. Gur rayag rok bagadad ni nge dabi yim’ u ba nifiy ni aram rogon?”

Isaiah 39:3

Ma aram me yan fare profet i Isaiah ngak Hezekiah ni Pilung me fith ni ga’ar, “Ke yib e pi pumo’on ney u uw nge mang e krogned ngom? Me fulweg Hezekiah ni ga’ar, “Karbad u Babylon nib binaw nib palog.”

Isaiah 5:14

Fayleng ko yam’ e ke par ni be son nagrad, kefal langan nib ga’. Ni be ful’ e pi tayugang’ nu Jerusalem nib mu’un e yug girdi’ ngay ni yad be mayngar.

Isaiah 5:26

I SOMOL e be pi’ e pow ni be pining ba nam nib palog nga orel. Ni be felger nagrad ni ngarbad u tungun e fayleng. Ma yad e ray ni karbad ni papay ni kemus payngirad.

Jeremiah 22:7

Arme nggu pi’ e pi pumo’on ngar gathayed. Bay ra feked gubin e tow rorad ngar th’abed e pi duga’ ni ren e cedar ni fafalel’, nga ron’ed nga mit e nifiy.

Jeremiah 4:30

Jerusalem, gafgow gur! Mang ni ngamon’ e mad ni row nga dakenam? Mang ni ka mu nunuw ko churwo’ ma ka mu achay owchem? Ka mu ngongliy rogom ka mu pidorang ni dariy fan! Pi ilingem e ka ra furuyed gur ma yad be finey ni gomang e ni thang e fan rom.

Jeremiah 5:31

Pi profet e go’ ban e yad ma tay, ma prist e yad be gagiyeg u rogon nike yog e profet, ma girdi’ e dariy ban’en niyad be yog riy. Machane mang e yad ra rin’ ko ngiyal’ nike taw gubin ban’en ko tungun?”

Jeremiah 9:9

Gur dab gu gechig nagrad ni fan e pin’ey? Gur dab gu falbayen ba nam ni aray rogon? I Gag SOMOL e gu be non.”

Hosea 5:13

“Fa’ani guy Israel feni gel e m’ar nike yib ngak, me guy yu Judah e maad’ad nike tay, ma aram me yan Israel nga Assyria ni nge wenig ngak fare pilung ni nge ning e ayuw, machane de yag rok ni nge gol nagrad ara faseg e maad’ad rorad.

Hosea 9:5

Ma fa’an bayi taw ko madnom ni kan turguy ni ngan tayfan SOMOL, ma mang e yad ra rin’?

Hosea 9:7

Ngilan’ e gechig e ke anog ngay, ni aram e ngiyal’ ni nge sul taban ngorad e tin ni ur rin’ed’. Nap’an nra yodrom, ma bay i nang yu Israel! Are gimed be ga’ar, “Re profet ney e bbalyang. Re mo’on ney ni be yog e thin e ba aliliy.” Gimed e kam dubyedgag ni bochan e ke pag rogon e denen romed.

Amos 5:19

Ra yan i par ni bod be’ ni mil rok ba layon me mada’ nag ba bear! Ara bod be’ ni yib nga tabinaw rok me gif nga pa’ nga downgin e rungrung me k’ad ba porchoyog pa’!

Mikah 7:4

Mus ngak e pi’in nth’abi fel’ u fithik’rad nge pi’in ndarir sasaliyeb gad e yad bod e pan ni bay e rchangal riy ni dariy ban’en ni yad bfel’ ngay. Ke taw ko fare rran ni nge gechignag Got e girdi’ riy, ni bod ni ginangrad riy u l’ugun e pi’in u ra matanagiyedrad, ni fapi profet. Chiney e bay ra pired nike balyangan’rad.

Zefaniah 1:18

Rofen nem e rra dag SOMOL gelngin e damumuw rok, ni mada’ nga urngin e silber nge gol rorad e dabyag ni nge aywegrad. Ga’ngin e fayleng ni bayi mogothgoth nga nifiyen e damumuw ni talyag rok. Ma bayi museg e yafos rok urngin e girdi’ nu fayleng nrib tomgin.

Luke 19:44

Ma bay ra kireb niged gur nge girdi’ ni bay u lan e yoror rom; ma dariy ta’reb e malang ni yad ra pag u tagil’, ni bochan e de pow rom e ngiyal’ ni yib Got riy ni nge thapegem ngak!”

Deuteronomy 28:49

Bayi pag SOMOL ba nam nrib palog nga taban e fayleng nge togopluw ngomed, ba nam ndam nanged fan lungurad. Bay rab ra garpowgad nga dakenmed ni bod e manuw.

1 Peter 2:12

Ma susun e ngar um pired u fithik’ e pi’in ndar nanged Got ni bfel’ pangimed, ya ngrogned nib kireb e ngongol romed, me Chirofen ni sul Kristus riy miyad nang ni bfel’ e ngongol romed, ma aram miyad yog e sorok ngak Got.