Isaiah 10:16 - Bible Ni Thothup

¹⁶ I SOMOL ni Gubin ma Rayag Rok e nge pi’ e m’ar ni nge gechignag e salthaw rok, ni gowalngin e gowal u dakenrad e be yik’.

Isaiah 10:16 Iomraidhean Croise

2 Kronicles 32:21

Me l’oeg SOMOL ba engel nge thang e fan rok e salthaw nge tolang ko fa raba’ i salthaw nu Assyria. Ma aram me sul fare pilung nga Assyria nike tamra’. Me yan i reb e rran ni bay u lan e tempel ko got rok, me yib boch i pifak ni pumo’on ni bay e saydon rorad ngar li’ed nge yim’.

Psalms 106:15

ma aram me pi’ ngorad e tin yad be ning, machane miki pag ba m’ar nib gel nge yib nga fithikrad.

Psalms 78:31

me damumuw Got ngorad nge thang e fan rok e pi’in nib gel u fithik’rad, ni tin th’abi cheag e pagel nu Israel.

Isaiah 10:18

Pi loway nib chap ko gek’iy nge yungi milay’ nib yong’ol e bayi mogothgoth, nib ta’reb rogon ko m’ar ni ubchiya’ nma thangey.

Isaiah 17:4

I ga’ar SOMOL, “Be yib reb e rran ni bayi t’aw ngay, ni aram e nge mus feni ga’ bugwan yu Israel, ma fel’ rogon riy e bayi chuw me par e gafgow nga luwan.

Isaiah 26:11

Pi to’ogor rom e dar nanged ni ga ra gechig nagrad. SOMOL, mu tamra’ nagrad ma ga pagrad ngar gafgowgad; mu pagrad ngar gafgowgad u tan e gechig ni ka mu fal’eg rogon kam tay. Mu dag ngorad feni t’uf rom e girdi’ rom.

Isaiah 31:9

Emperor rorad e bayi mil nike rus, ma pi tolang ko salthaw e bayi gel e marus ngorad ngar n’iged e yungi flak ni yad ma fek ko mael.” I SOMOL e be non, fare SOMOL ni yima liyor ngak u Jerusalem, ma nifiy rok e be gak’ u rom ni fan ko maligach.

Isaiah 37:29

Ke thap babyoren e damumuw nge tolngan’ rom ngog, ma chiney e bay gu the’ ba lam nga p’ethngum nge bochyang i wasey ni bay gufan ngalan langam nge fulwegem ko re pa’ i kanawo’ ni mub riy.”

Isaiah 37:36

Re nep’ i n’em e yan ba engel rok SOMOL ko gin be par e salthaw nu Assyria riy me thang e pogofan rok 185,000 e salthaw. Ma fa’ani puf e woch ma yad gubin ni yad bay u but’ ni karm’ad.

Isaiah 5:17

Pifak e saf e bay ur ked e pan ma kaming ni bitir e bay ra pir’eged e gin ngar abichgad riy u lan fapi binaw nike mogoth.

Isaiah 8:7

ma aram fan ni gag SOMOL e bay gu fek e emperor nu Assyria nge urngin e salthaw rok i yib ni ngar m’aged e mael nga Judah. Bay rabad ni bod e lul’ nu Eufrates ni sugbur nge tharey e binaw.

Isaiah 9:4

Ya ka mu t’ar fare mat’ ni ur gafgowgad u tanggin, nge fare ley i gul ni un tay nga daken porad. I gur e kamgel ngak fare nam ni i gafgownag ma be fek ban’en rok e tirom e girdi’, ni bod rogom ni mu gel ngak e salthaw nu Midian kakrom.

Isaiah 9:5

Sus rok e salthaw ni m’ag e mael ko nam nge mad rorad nike mak’ racha’ e bay ni urfiy!

Jeremiah 21:14

Me gag e bay gu gechig nagem ko n’en ni ka mu ngongliy. Bay gu urfiy e naun ntafen e pilung rom, ma re nifiy nem e ra urfiy urngin ban’en u to’oben i yan. I Gag SOMOL e gu be non.”

Jeremiah 48:14

“Gimed e pumo’on nu Moab, mang ni gimed be yog ni gimed bogi falu’, nike gagyel fanmed falu’ u fithik’ e mael?

Ezekiel 34:16

“Bay gu changarnag e pi arorad nike malboch, mu gu fulweg e tin be sor ngabang, mu gu taflaynag e tin ke maad’ad, mug golnag e tin ke m’ar; machane tin sugsug ma yad ba gel e bay gu thangrad, ni bochan e gag ba tagafal saf ni n’en ni ba yal’uw e gu ma rin’.

Nahum 1:12

Irera’ e n’en ni yog SOMOL ngak e girdi’ rok ni piyu Israel: “Yug aram rogon nu Assyria e yad ba yargal ma yad ba yo’or, ma yira thirifrad u but’ ngar m’aygad. Girdi’ rog, gu pagmed ngam gafgowgad, machane dabkug rin’ bayay.”

Zefaniah 2:13

I SOMOL e bayi maruwel nga gelngin nge gathay yu Assyria. Ir e bayi tay fare binaw nu Nineveh ni dakriy be’ riy nike mogothgoth, nike daken e ted ni dakriy e ran riy.

Zekariah 7:4

Irera’ fare thin rok SOMOL ni taw ngog.

Acts 12:23

Ka chingiyal’ nem me gad e engel rok Somol pa’ ngak Herod, ni bochan e yog e girdi’ ni ir ba got ma de talegrad nge mang Got e nog e sorok ngak. Me longuy e fakl’ud Herod nge yim’.