Isaiah 10:12 - Bible Ni Thothup

¹² Machane Somol e ga’ar, “Nap’an ni gu ra mu’nag e n’en gu be rin’ ko Burey ni Zion ngu lan yu Jerusalem, ma bay gu gechignag e emperor nu Assyria ni bochan e ufanthin nge tolngan’ rok.”

Isaiah 10:12 Iomraidhean Croise

2 Kings 19:31

Ma bay e girdi’ u lan yu Jerusalem ngu daken e burey ni Zion ni dab ram’ad, ya ke turguy SOMOL ni nge yan i aw ni aray rogon.

Psalms 18:27

Ga ma ayuweg e pi’in yad ba sobut’an’, machane ga ma sobut’nag e pi’in ba tolangan’rad.

Psalms 21:10

Dariy ta’reb e pi’in owcharad nra fos, fare pilung e ra li’rad ni yad gubin.

Psalms 76:10

Damumuw ko girdi’ e kemus ni be gelnag feni sorom; ma pi’in de yim’ ko mael e bay ur madnom niged gur.

Psalms 76:5

Pi salthaw rorad nib m’uthan’rad e kan fek urngin e tin immoy rorad ma chiney e kar molod ni yam’; ni gelngirad nge urngin e pi salap rorad e yi go’ ke m’ayfan.

Proverbs 21:4

Girdi’ nib kireb e be gagiyeg nagrad e ufanthin nge tolngan’, ni irera’ e denen.

Proverbs 30:13

Bay boch e girdi’ ni yad ma leamnag nriyad bmanigil — rib sororad u wan’rad!

Isaiah 2:11

Bay i taw nga reb e rran ni bayi tal e tolngan’ ko girdi’ me math mit e ufanthin. Ma aram e SOMOL e go’ ir e bayi gilbugwan.

Isaiah 2:12

Rofen nem e SOMOL ni Gubin ma Rayag Rok e bayi sobut’nag e pi’in ba gel gelngirad, nge gubin e pi’in tolngan’ nge ufanthin.

Isaiah 24:21

Bay bingyal’ ni be yib ni bayi gechignag SOMOL e pi’in nib gel gelingrad u lang nge pi’in ma tagagiyeg u fayleng.

Isaiah 27:7

Yu Israel e dawri gechignag SOMOL ni bod feni gel ni gechignag e pi to’ogor rorad, ma ku dawor nli’ e girdi’ rorad ni bod feni yo’or e pi to’ogor rorad ni kan li’.

Isaiah 27:9

Kemus ni ta’reb e kanawo’ nrayag ni ngan n’agfan e kireb nge denen rok yu Israel riy: Thingar ra buthuged e pi altar ni malang rok yug boch e kan ngar bilbilged nge yochyang ni bod e chalk, nge dabki par reb e altar ko incense ara reb e pow rok Asherah ni fare got ni bpin.

Isaiah 29:14

Ere bay gu gineangrad ko dumow rog bayay nge bayay. Pi’in yad ba gonop e ra yan i par ni yad bbalyang, me m’ay fan urngin e llowan’ rorad.”

Isaiah 33:1

Pi to’ogor rodad e kar riya’ gad! Kar moro’ro’gad u fithik’ e yargel ma yad be yagnag e girdi’, ni yug aram rogon ni dariy be’ nike mororo’ ngorad ara yag nagrad nga pa’ e pi to’ogor. Machane re ngiyal’ ni yad be rin’ e pin’em riy e bayi mus, ma aram yad e bay un rin’ e pin’em ngorad.

Isaiah 37:23

Mini’ e ga be leamnag ni ga be togopluwnag e welthin ngak ma ga be moningnag? Ga be dariy fan nigeg, i Gag fare Got nib thothup nu Israel.

Isaiah 37:29

Ke thap babyoren e damumuw nge tolngan’ rom ngog, ma chiney e bay gu the’ ba lam nga p’ethngum nge bochyang i wasey ni bay gufan ngalan langam nge fulwegem ko re pa’ i kanawo’ ni mub riy.”

Isaiah 5:15

Urngin e girdi’ ni bayi m’ayfarad, ma gubin e pi’in yad ba tolngan’ e ra sobutan’rad.

Isaiah 50:11

Gimed gubin e pi’in gimed ma makathnag ni ngam kireb niged boch e girdi’ e gimed e gimed ra gafgow ko pi makath romed. I SOMOL e ir e ra gagiyegnag nge yodro’; gimed ra gafgow ngarim bilged t’ay e gafgow.

Isaiah 65:7

puluwon e denen rorad nge denen ko pi chitamangirad ni kakrom. U ra urfiyed e incense u tagil’ e meybil u daken e burey ngak boch e got ma u rogned gag nga kireb. Ere bay gu gechig nagrad nib m’ag ko pi ngongol rorad ni kakrom.”

Isaiah 9:9

Urngin e girdi’ nu Israel, ni gubin e pi’in ma par u Samaria, ni bay ra nanged nike rin’ ni aray rogon. Machane riyad ba tolngan’ ma yad ba ufanthin. Ra ga’argad,

Jeremiah 25:29

Bay gu tababnag e maruwel rog u lan e birog e binaw ni nge gafgow. Yad be leamnag ma yad ra thay ko gechig? Danga’, yira gechig nagrad, ya aram e nggu pi’ e mael ngak gubin e girdi’ nu fayleng. I Gag SOMOL ni Gubin ma Rayag Rok e gu be non.

Jeremiah 50:18

Bochan e ran’ey, ma aram fan ni Gag SOMOL ni Gubin ma Rayag Rok, ni fare Got nu Israel, e bay gu gechignag Nebukadnezzar ni Pilung nge nam rok, nri bod rogon ni gu gechignag e pilung nu Assyria.

Jeremiah 50:32

Fare binaw romed nib ufanthin e bayi tun’ ay nge dol’, ma dariy be’ nra sak’iynag. Bay gup’ e nifiy ko pi binaw romed, ma gubin e tin bay u charen i yan e go’ ra mogothgoth.”

Ezekiel 31:10

“Aram e ba’aray e n’en ni be yog SOMOL ni Th’abi Tolang, nganog ngom e n’en ni bayi buch ko fare ke gek’iy nike ga’ ke tun ko manileng. I tugul nge n’uw me ilal e ufanthin rok;

Ezekiel 31:14

Are chiney i yan ngaram e dakriy ba kaen e gek’iy, ni demturug fani yo’or e ran riy, nrayag ni n’uw nge ta’reb n’umngin ngay bayay ara yan tamal’ingin nge tun ko manileng ni aram fani tolang. Urngin kaen e gek’iy nike riya’ ni nge yim’ ni bod e girdi’, kar riya’gad ni ngar uned ko pi’in ni nge yan nga’ar ko fayleng ko yam’.”

Daniel 11:45

Ma bayi n’uf fapi tent rok ni ba ga’ ni tafen nga bangi n’en ni bay u thilin e day nge fare burey ni bay e Tempel riy. Ma bayi yim’ ndariy be’ u charen ni nge ayuweg.”

Daniel 4:37

“I gag Nebukadnezzar e chiney e gu be pining e sorok ngak e en ni Pilung nu Tharmiy, ma gu be tay fan, ma gu be yog ni ir e ba gilbuguwan. Urngin ban’en nma rin’ e bmat’aw. Gubin ngiyal’ nib yal’uw e ngongol rok, mrayag rok ni nge sobut’nag e en nma ngongol u fithik’ e tolngan’ nge ufanthin.”

Numbers 24:24

Salthaw e bay ra afgad nga barkow u Cyprus ngarbad ni mael; bay ra koled yu Assyria nge yu Eber, machane bay nthang owcherad.”

Matthew 12:33

“Fa’anra nge yag e wom’ngin ngom ni bfel’ ma thangri yag ba ke gek’iy ni bfel’ rogon ngom, ma fa’anra yag ba ke gek’iy ngom nde fel’ rogon ma wom’ngin e gek’iy nib kireb e rayag ngom. Ya ra ba kaen e gek’iy ma yima poy u wom’ngin nma k’uf riy.

Matthew 15:19

Ya laniyan’ be’ e ma yib e leam nib kireb riy ni ir e ma pingeg fa’anem nge li’ be’ ngem’, fa ra pirew be’ ni gathi mabgol rok, ma be rin’ yugu boch ban’en ni aram e ngongol ko darngal; me moro’ro’ u fithik’ e yargel, me lifith l’ugun, me t’ar e thin nga daken e girdi’.

Deuteronomy 32:27

machane dabiyag ni gu pag e pi to’ogor rorad ngar ufgad ni bochan e kar gelgad ngak e girdi’ rog ko mael, ni fa’an gowa gathi gag e kug pag e gafgow ngorad.’

1 Peter 4:17

Ya ke taw nga nap’an ni nge tabab e pufthin, ma pi’in girdi’en Got e yad e som’on ni ngan pufthin nagrad. Ere fa’anra gadad e nge tabab rodad, ma uw rogon nra yan i mus ngak e pi’in nder pagan’rad ko fare Thin Ni Bfel’?