Isaiah 1:6 - Bible Ni Thothup

⁶ Lolugmed nge mada’ ko rifrif u aymed e dariy bang riy ni kabfel’. Yungin ke bech u dowmed, nge malad, nge maad’ad e kayigi fanay dowmed ni polo’. Yungin ke maad’ad u dowmed e dawor ni klinnag ara ni m’ag e mad ngay. Dawor ntay e flay ngay.

Isaiah 1:6 Iomraidhean Croise

2 Samuel 14:25

Ga’ngin yu Israel ndariy ta’abe’ riy nib gilbuguwan nga feni pichoay ni bod rogon Absalom; ya dariy tharan u lolugen nge mada’ nga bugul i ay.

BABYOR NI JOB 5:18

Got e ma m’ag e mad ko gin ni ir e ke maad’ad ngay; pa’ e ma amith nigey ngay, ma ku pa’ e ma gol nigey ngay.

Psalms 77:2

Gu meybil ngak Somol ko ngiyal’ nike yib e gafgow ngog; polo’ e nep’ ni gu meybil ni kug tining pa’ag ngalang, machane, de fel’ lanin’ug.

Isaiah 30:26

Pul e ra ga’ ra’en nge bod e yal’, ma ra’en e yal’ e ra ga’ ni medlip yay nga ra’en ni immoy, ni bod ga’ngin e tamilang u medlip e rran ni kan puthuy nga ta’reb e rran. Ran’ey e ra yodroy ko ngiyal’ nra taflay nge golnag SOMOL e maad’ad ni tay ko girdi’ rok.

Jeremiah 17:9

“Mini’ e rayag ni nge nangfan lanyan’ e girdi’? Dakriy yug reb e ban’en ni aram feni sasaliyab; ke pag rogon feni m’ar ni dabki gol.

Jeremiah 30:12

I SOMOL e be ga’ar ko girdi’ rok, “Ma’ad’ad romed e dabi gol, ma dabi fos.

Jeremiah 30:15

Mu talgad ko gun’gun’ u murung’agen e maad’ad romed; ya dab mu golgad. Kug gechig nagmed ni ara’rogon ni bochan e bpire’ e denen romed ma ba ga’ e kireb romed.

Jeremiah 33:6

Machane bay gu golnag e re binaw ney nge girdi’ riy mu gu chuweg e m’ar rorad. Bay gu pi’ e gapas ngorad nge yan i mus nga rogon ma dabi buch ban’en rorad.

Jeremiah 6:14

Yad be ngongol ni gowa maad’ad nike tay e girdi’ rog e kemus ni magur u dowrad. Yad be ga’ar, ‘Gubin ban’en ni bfel’ rogon,’ ni yug aram rogon ni dariy ban’en ni kabfel’ rogon.

Jeremiah 6:7

Bod ba luwed nma par e ran riy nib machalbog, e aram rogon yu Jerusalem ni yad ma cha’riy e kireb ngi i par nib kak’ling u puluwrad. Cham nge gafgow e gu be rung’ag u lan binaw; ma liliy nge maad’ad e go’ ir e gu be guy.

Nahum 3:19

Dariy falayin e pi maad’ad rom, ma pi maad’ad rom e dabi fos. Gubin e pi’in yad ra rung’ag murung’agen e gafgow ni kam tay mar waywaygad ko fel’felan’. I mini’ e yag rok ni thay u tan pa’am ni dariy tungun e kireb ni um rin’ ngak?

Malaki 4:2

Machane gimed e pi’in gimed be fol rog e rayib gelngig nma ayuwegey nga dakenmed ni bod ram’en e yal’, me gol nagmed. Ra puf mat’awmed ma gimed ra felfelan’ ni bod rogon pifak e garbaw nni bing e chum rorad ngranod nga wuru’.

Matthew 9:12

Me rung’ag Jesus e n’en ni yad be yog me fulweg ni ga’ar, “Pi’in yad ba gol e dariyfan e togta ngorad, ya kemus ni pi’in yad bm’ar e bay fan e togta ngorad.

Luke 10:34

Me yan ko gin ni bay riy, nge pu’og e gapgep nge wayin ko yungi n’en nike maad’ad u downgin me m’ag e mad ngay; nge mu’ me fek fare mo’on nge tay nga daken fare gamanman rok me fek i yan nga ba naun ntafen e milekag mi i ayuweg.