Hosea 9:8 - Bible Ni Thothup

⁸ Got e ke l’ogeg ni gub profet ni nggu ginaeng e girdi’ rok nu Israel. Machane gubin yang ni gu ra yan ngay mi gimed guy rogon ni ngam thabey niged gag ni bod ba arche’. Mus ngalan e Tempel rok SOMOL ma girdi’ riy e to’ogor ko fare profet.

Hosea 9:8 Iomraidhean Croise

1 Kings 17:1

Elijah ni fare profet ni be’ u Tishbe u lan yu Gilead e ga’ar ngak Ahab ni Pilung nu Israel, “U fithingan SOMOL ni fare Got nu Israel ni be par nib fos, ni gag e tapigpig rok, e nggog ngom ni bayi par ndakuriy e wa’angachal nge n’uw u lan l’agruw fa dalip e duw, nge mada’ ko ngiyal’ ni bay fin gog.”

1 Kings 18:1

Me yan i bingyal’ u lan e bin dalip e duw ni daki aw e n’uw, me ga’ar SOMOL ngak Elijah, “Mman ngam m’ug ngak Ahab ni Pilung, ya bay gu pi’ e n’uw nge yib.”

1 Kings 18:19

Chiney e ngamog ngak urngin e girdi’ nu Israel ni nggu mada’gad ko burey ni Karmel. Ngam pining fare 450 i profet rok Baal nge fare 400 i profet rok Asherah, ni Jezebel ni le’engim e be pi’ garad.”

1 Kings 22:11

Ma reb fapi profet, ni aram Zedekiah ni fak Kenaanah e ngongliy e wasey ni bod ya’an e gagey ko gamanman, me ga’ar ngak Ahab, “Ba’aray e n’en nike yog SOMOL: Pin’ey e bayi mang talin e cham rom ngam cham ngak yu Syria nge mada’ ko ngiyal’ ni kam thirifrad u but’.”

1 Kings 22:22

Me ga’ar SOMOL ngak, ‘Uw rogon ni ngam bannag?’ Me fulweg fare kan ni ga’ar, ‘Bay gu wan gu lifith l’ugunag u l’ugun urngin e pi profet rok Ahab.’ Me ga’ar SOMOL ngak, ‘Mman ngam bannag Ahab, ya rayag rom.’”

1 Kings 22:28

Me ga’ar Mikayah ngak Ahab, “Fa’an ga ra sul nde buch ban’en rom, me ere gathi SOMOL e ke non u l’ugunag!” Me ul ul ngay ni ga’ar, “Gimed gubin ni ngam rung’aged fapi thin ni kugog!”

1 Kings 22:6

Me pi’ Ahab e thin nge yan ngak e pi profet ngarbad ni gonap’an yad 400 u gubin, me fith ngorad ni ga’ar, “Nga mogned ngog ko nggu m’ag e mael nga Ramoth fa danga’.” Me lungurad ngak, “Mm’ag e mael ngay, ya ra gel nigem SOMOL ngorad.”

2 Kings 13:21

Me bangiyal’ ni ka ni yan ni ngan k’eyag ba yam’ min guy boch fapi girdi’ ni yad ma yib ko cham nga Israel, min garpey fare yam’ ngalan e low ko yam’ ni ginni chubgiliy Elisa ngay, min mil. Ma nap’an ni yigi math fare yam’ ko yil rok Elisa, me fos nge sak’iy ngalang.

2 Kings 2:14

Me toy fare wuru’ e mad rok Elijah nga daken e ran me ga’ar, “Bu uw SOMOL ni fare Got rok Elijah?” Ma nap’an ni yodorom nge mu’ me ki’ bayay e ran, me yan nga barba’.

2 Kings 2:21

me yan ko fare alublub nge yan i yin’ fapi sol nga maran me ga’ar, “Ba’aray e tin keyog SOMOL: ‘Kug machalbognag e re ran ney, ere dabki yim’ e girdi’ ngay ma dabki maraggilnag e ppin.’”

2 Kings 4:41

Me ning Elisa boche grain ni kani bilbilig ni ngan pi’ ngak, me yin’ ngalan fare th’ib, me ga’ar, “Ngani ngal’weg boch e stew nga pilet ko fapi pumo’on.” Ma dakriy ban’en ni kab buch riy.

2 Kings 4:43

machane me fulweg fare tapigpig ni ga’ar, “Ga be leamnag mra gaman e re ra’ay i pumo’on ney riy?” Me fulweg Elisa ni ga’ar, “Mpi’ ngorad ngar ked, ya SOMOL e yog ni bay ra ked ma ku ra aw boch riy.”

2 Kings 5:14

Me yan Naaman ko lul’ ni Jordan me lith ni medlip yay ni bod rogon ni yog Elisa ngak, me chuw e daraw rok nge par downgin ni gowa downgin bochi tir.

2 Kings 5:27

Ma daraw rok Naaman e bay yib ngom nge pi’in ni owchem ni dariy n’umngin nap’an.” Me chuw Gehazi u p’eowchen Elisa nike daraw, nge yan ni kari wechwech downgin ni bod ra’en e ayis nma mul u lang nga but’.

2 Kings 7:19

me ga’ar fare salthaw nma un ngak e pilung, “Ri dabiyag ni nge ydor, mus ni nge pi’ SOMOL e n’uw e chiney ma dabiyag!” Me ga’ar Elisa, “Bay mu guy ni bod ni kugog, machane dab mu koy boch e pi ggan nem.”

2 Kings 7:2

Ma fare salthaw nib tolang ni un ngak fare pilung e ga’ar ngak Elisa, “Ri dabiyag ni nge ydor, mus ni nge pi’ SOMOL e n’uw e chiney ma dabiyag!” Me ga’ar Elisa, “Bay mu guy ni bod ni kugog, machane dab mu koy boch e pi ggan nem.”

Psalms 124:7

Kad thaygad ni bod ba arche’ ni thay ko wup ni tay be’ nma kol e arche’; ke kireb fare wup ka da chuwgad riy!

Eklesiastes 9:12

Dariy be’ nra nang e ngiyal’ nike taw nga tol’. Ni bod e arche’ nra gin ma ke aw ko wup, bod e nig nma aw ko nug, e re gadad nra ngalol e riya’ ni yug gadad ra dada’ ma kad awgad nga tafich.

Tang Ko Pitang 3:3

Pi pumo’on ni matanagin e binaw e ra guyed gag. Mu gu fithrad, “Ka mu piri’egged e en ni gamareg?”

Isaiah 62:6

Jerusalem, daken e pi rungrung rom e kug tay e pi matanag riy; ndab ra th’abed gulungurad nnep’ nge rran. Thingar ra puged wuran ngak SOMOL e tin i micheg dab ra paged nge pag talin.

Jeremiah 11:19

Gu bod rogon ba saf nib sumnguy nni pow’iy i yan ni ngan li’ nge yim’, dagnang ni gag e yad be tanomnag e kireb ni nge togopluw ngog. Ra ga’argad, “Ngad thab’ed e re ke gek’iy ney nga but’ ni kabay wom’ngin; ngad thanged owchen nge par ni dakriy be’ ni ku ra yib wuran ngan’ bi’id.”

Jeremiah 14:13

Ma aram me lungug, “SOMOL ni Th’abi Tolang, ga manang ni be weliy e pi profet ngak e girdi’ ni dabki yib e mael ara uyongol, ya ke lungurad kamog ni kemus ni gapas e bayi par u daken e nam romad.”

Jeremiah 23:13

Kug guy e kireb ni be ngongliy e pi profet nu Samaria: Yad be non u fithingan Baal ka ra waliyed e girdi’ rog nga wuru’ e kanawo’.

Jeremiah 31:6

Er rogon, bay ba ngiyal’ ni bayi taw ngay me pong e damit u daken e flang u Efraim ni be lungurad, ‘Mired! Ngdarod nga talang nga Zion, ngak SOMOL ni ir e Got rodad.’”

Jeremiah 6:14

Yad be ngongol ni gowa maad’ad nike tay e girdi’ rog e kemus ni magur u dowrad. Yad be ga’ar, ‘Gubin ban’en ni bfel’ rogon,’ ni yug aram rogon ni dariy ban’en ni kabfel’ rogon.

Jeremiah 6:17

I SOMOL e ke duwgiliy girdi’en e matanag ni ngar motoyilgad ko yabul ni nge non ni be yog e mael. Machane ke lungurad, “Dab gu motoyilgad.”

Lamentations 2:14

Pi profet rom e go’ thin ni malfith e yad be yog ngom; Yad be ban nigem ko machib ni yad be tay ni dariy e ngiyal’ ni ngam guy e kireb rom. Yad be gagiyeg nigem ngam leamnag nde t’uf ni ngam pi’ ker’um ko denen rom.

Lamentations 4:13

Machane me buch ni aram rogon, ni bochan e i denen e pi profet nge pi prist ni aram tapgin e yam’ ngak bokun e girdi’ ni dariy ban’en nra bucheged.

Ezekiel 3:17

I ga’ar, “Fak e girdi’, nggu tem ni gur e ngam mang damit ni fan ko girdi’ nu Israel, ni gur e bay u mog ngorad e pin’en ni bay ug ginaengrad riy.

Ezekiel 33:7

“Fak e girdi’, nggu tem ni gur e ngam mang damit ni fan ko girdi’ nu Israel, ni gur e bay u mog ngorad e pin’en ni bay ug gineangrad riy.

Hosea 5:1

“Gimed e pi prist, mu telmed ko pi thin ni ba’aray! Gimed piyu Israel, e ngar mu telmed! Gimed e pi’in ni girdi’en e tabinaw rok e en pilung, mu telmed! Susun e gimed e ngu’um turguyed e gechig nib mat’aw, machane bay yib e gechig ngomed! Kam manged ba wup u Mizpah, ni bangi nug ni kan k’iyag u daken e burey ni Tabor,

Hosea 9:7

Ngilan’ e gechig e ke anog ngay, ni aram e ngiyal’ ni nge sul taban ngorad e tin ni ur rin’ed’. Nap’an nra yodrom, ma bay i nang yu Israel! Are gimed be ga’ar, “Re profet ney e bbalyang. Re mo’on ney ni be yog e thin e ba aliliy.” Gimed e kam dubyedgag ni bochan e ke pag rogon e denen romed.

Hosea 9:9

Dakriy gam’ingrad nga bang nga farad kireb ko n’en ni yad be rin’, ni bod ni ur rin’ed u Gibeah. Bayib e denen rorad ngan’ Got me gechig nagrad ni bochan.

Mikah 7:4

Mus ngak e pi’in nth’abi fel’ u fithik’rad nge pi’in ndarir sasaliyeb gad e yad bod e pan ni bay e rchangal riy ni dariy ban’en ni yad bfel’ ngay. Ke taw ko fare rran ni nge gechignag Got e girdi’ riy, ni bod ni ginangrad riy u l’ugun e pi’in u ra matanagiyedrad, ni fapi profet. Chiney e bay ra pired nike balyangan’rad.

John 15:24

Fa’an mang e da gu ngongliy e pin’en u fithik’rad ndariy ta’abe’ ni ka’a rin’ ma dabi yan i aw nib kireb e rorad ko denen ni kar ngongliyed; machane rogon nike yan i aw e chiney e kar guyed e n’en ni kug ngongliy ma kar fanenikayed gag nge Chitamag.

Roma 3:7

Fa’anra sasalap l’ugun rog e be gagiyelnag feni sorok Got ngarogon feni yul’yul’ ko tin nma yog, me ere mangfan ni ku yira gechig nigeg nrogon be’ nib tadenen?

Hebrews 13:17

Mu folgad ko thin rok e pi’in yad be yog e thin romed. Ya yad be matanagiy lanin’med ndarir talgad, ni bochan e riyad ra weliy ngak Got rogon ni ur ngongliyed e marwel rorad. Ya fa’an gimed ra fol rorad ma ra ur ngongliyed e maruwel rorad nib felan’rad ngay; ya fa’anra dangay ma bay ur ngongliyed nib taganan’rad, ma aram e dabi fel’ rogomed riy.