Hosea 9:7 - Bible Ni Thothup

⁷ Ngilan’ e gechig e ke anog ngay, ni aram e ngiyal’ ni nge sul taban ngorad e tin ni ur rin’ed’. Nap’an nra yodrom, ma bay i nang yu Israel! Are gimed be ga’ar, “Re profet ney e bbalyang. Re mo’on ney ni be yog e thin e ba aliliy.” Gimed e kam dubyedgag ni bochan e ke pag rogon e denen romed.

Hosea 9:7 Iomraidhean Croise

2 Kings 9:11

Me sul Jehu ngak fa pi’in yad ni pi tolang ko salthaw, miyad fith ni lungurad, “Mog kabfel’ rogon urngin ban’en? Mang e ba’adag fare mo’on nib aliliy ni ngam rin’?” Me fulweg Jehu ni ga’ar, “Gimed manang ko mang e ba’adag.”

Isaiah 10:3

Mang e gimed ra rin’ ko ngiyal’ ni nge gechig nagmed Got? Ma ba mang e gimed ra rin’ ko ngiyal’ nra girengiy e riya’ u reb e nam nga dakenmed? U uw e gimed ra mil ngay ni ngam pir’egged e ayuw riy? Ma uw e gin gimed ra mithag talinmed ngay?

Isaiah 26:11

Pi to’ogor rom e dar nanged ni ga ra gechig nagrad. SOMOL, mu tamra’ nagrad ma ga pagrad ngar gafgowgad; mu pagrad ngar gafgowgad u tan e gechig ni ka mu fal’eg rogon kam tay. Mu dag ngorad feni t’uf rom e girdi’ rom.

Isaiah 34:8

Irera’ e ngiyal ni bay ayuweg SOMOL yu Zion nge falbeyen e pi to’ogor rok.

Isaiah 44:25

Gu be gagiyegnag e pi tamanbay yad be non non ngabang, ma gu be ngochngochan’nag e pi’in yad ma yaliy e t’uf. Thin ko pi llowan’ e gu be dalibnag, be m’ug ni gonop rorad e bbalyang.

Jeremiah 10:15

Yad bogi m’ay fan ni bay ni tharbegrad; bay ni gathayrad ko ngiyal’ ni ngeb SOMOL nike sap’ayrad.

Jeremiah 11:23

Ku gu duwgiliy e ngiyal’ ni nggu fek e riya’ i yib nga daken e girdi’ nu Anathoth, ma nap’an nra taw ko ngiyal’n’em, ma dariy ta’bagyad nra magay nib fos.”

Jeremiah 16:18

Bay gu ruw yay nag taban e denen rorad ni nge aw ngorad nge farad kireb, ni bochan e ka ra ta’ay niged e nam rog ko pi liyos ni dariy e yafos riy ni bod e yam’, ni ka ra sugyed ko pi got rorad ni go’ bogi ban’en.”

Jeremiah 23:13

Kug guy e kireb ni be ngongliy e pi profet nu Samaria: Yad be non u fithingan Baal ka ra waliyed e girdi’ rog nga wuru’ e kanawo’.

Jeremiah 25:14

Bay gu fulweg ngak yu Babylon puluwon e tin ka ra ngongliyed, bo’or e nam nge pilung nib gel lungun ni bay ra fekedrad ngu’ur manged sib.’”

Jeremiah 29:26

“I SOMOL e mang nagem prist ngam mun’ lon Jehoyada, ma chiney e gur e ka mu ga’ u Tempel. Ma maruwel rom ni ngam guy ko mini’ e be ngongol i aliliy be dake profet nag ir e ngan chennag min the’ bang i wasey nga bilel’gun.

Jeremiah 46:21

Ni mus ko pi salthaw ni yad ma maruwel rok nike m’ay gelingrad ni bod e garbaw ni kab bitir. De yag nra sak’iy gad ngar cham gad. Miyad cheal ni yad gubin ngar milgad. Ke taw nga t’olrad, ni aram e ngilan’ e riya’ ni nge aw ngorad.

Jeremiah 6:14

Yad be ngongol ni gowa maad’ad nike tay e girdi’ rog e kemus ni magur u dowrad. Yad be ga’ar, ‘Gubin ban’en ni bfel’ rogon,’ ni yug aram rogon ni dariy ban’en ni kabfel’ rogon.

Jeremiah 8:11

Yad be ngongol ni gowa maad’ad nike tay e girdi’ rog e kemus ni magur dowrad. Yad be ga’ar, ‘Gubin ban’en ni kabfel’ rogon’, ma bin riyul’ e dakriy ban’en ni kabfel’.

Lamentations 2:14

Pi profet rom e go’ thin ni malfith e yad be yog ngom; Yad be ban nigem ko machib ni yad be tay ni dariy e ngiyal’ ni ngam guy e kireb rom. Yad be gagiyeg nigem ngam leamnag nde t’uf ni ngam pi’ ker’um ko denen rom.

Ezekiel 13:10

“Pi profet e yad be ban nag e girdi’ rog ni yad be yog ni urngin ban’en mabfel’ rogon. Ya urngin ban’en ma de fel! Girdi’ rog e kar ubungyed ba rungrung ngalang ni de ayal e malang riy, ma pi profet e kar acheyed nib wech ni ngar mithaged thibngin.

Ezekiel 13:3

Irera’ e n’en be yog SOMOL ni Th’abi Tolang: “Ke gafgow e pi profet ney ni balyang, ni yad be dake go’ yad manang ma yad be tunguy bogi ban’en ngu u rogned ni kar guyed.

Ezekiel 25:17

Bay gu gechig nagrad nib almarin nge mus nga rogon e falbiy rog ngorad. Bay ra thamiyed e damumuw rog. Ma aram e bay ra nanged ni Gag fare SOMOL.”

Ezekiel 38:23

Irera’ rogon ni bay gu dag ngak urngin e nam ni gag e bgel gelngig ma gub thothup. Ma aram e bay ra nanged ni Gag fare SOMOL.”

Ezekiel 9:10

Machane dab kug runguyrad; nggu rin’ ngorad e n’en ni kar rin’ed ngak boch e girdi’.”

Hosea 14:1

Gimed e girdi’ nu Israel, mu sulod ngak SOMOL ni Got romed. Denen romed e be dol’ nagmed.

Hosea 5:9

Rran ko gechig e beyib, mra mogoth yu Israel. Girdi’ nu Israel, ren’ey e rib mudugil nra buch!

Hosea 8:13

Yad be pi’ e maligach ngog miyad be kay e ufin ko fapi maligach. Machane i Gag SOMOL e darir fel’gad u wun’ug, are chiney e bay yib ngan’ug e kireb rorad, mug gechig nagrad ni fan ko denen rorad; bay gu fulwegrad bayay nga Egypt!

Hosea 9:8

Got e ke l’ogeg ni gub profet ni nggu ginaeng e girdi’ rok nu Israel. Machane gubin yang ni gu ra yan ngay mi gimed guy rogon ni ngam thabey niged gag ni bod ba arche’. Mus ngalan e Tempel rok SOMOL ma girdi’ riy e to’ogor ko fare profet.

Amos 8:2

Me ga’ar SOMOL, “Amos, mang e ga be guy?” Mug ga’ar, “Ba dug i wom’ngin e gek’iy.” Me ga’ar SOMOL ngog, “Ke anog e tomur ni nge mus e girdi’ rog ni Israel. Dab kug thiliyeg lanin’ug bayay ni nge dab kug gechig nagrad.

Mikah 2:11

“Pi girdi’ ney e yad ba’adag e mit i profet ni nra i yan ma be lifith l’ugun ma be ban ni be ga’ar, ‘Gu be yi’iy nag ni bay yib e wayin nge rrum ngomed ni bod e lul’.’

Mikah 7:4

Mus ngak e pi’in nth’abi fel’ u fithik’rad nge pi’in ndarir sasaliyeb gad e yad bod e pan ni bay e rchangal riy ni dariy ban’en ni yad bfel’ ngay. Ke taw ko fare rran ni nge gechignag Got e girdi’ riy, ni bod ni ginangrad riy u l’ugun e pi’in u ra matanagiyedrad, ni fapi profet. Chiney e bay ra pired nike balyangan’rad.

Zefaniah 3:4

Fapi profet e dariy ban’en nma m’ag rorad ni yad bogi sasalap; ma fapi prist e kar ta’ay niged e n’en nib thothup, ma yad ma dalib nag e motochiyel rok Got nge mang yad e fel’ ngorad.

Mark 3:21

Ma fa’ani rung’ag pi taferad Jesus murung’agen e ren’ey miyad yan ni ngar feked Jesus, “Ya be yog e girdi’ nike sabalbalyang!”

Luke 21:22

Ya ireray e ‘Pi Rran ko Gechig,’ ya nge yib i dag nib riyul’ urngin e tin keyog e babyor nib thothup.

2 Korinth 5:13

Gur kari gu aliliygad? Fan ngak Got. Gur ba tamilang lanin’mad? Fan ngomed.

Revelation 16:19

Ma fare binaw nib gilbuguwan e pil nge dalip yang, ma urngin e pi binaw ni bay u daken urngin e nam e yigo’o kireb. Me yib e binaw nu Babylon nib gilbuguwan ngan’ Got, me pi’ Got e wayin nu kap rok ngak nge unum ni wayin ko damumuw rok nib gel.