Hosea 9:12 - Bible Ni Thothup

¹² Machane fa’an yad ra fakay e bitir, ma bay gu chuweg rorad ni dariy baygad nra fos. Nap’an ni gu ra n’ag e pi girdi’ ney, ma bayi buch bogi ban’en rorad nrib kireb.”

Hosea 9:12 Iomraidhean Croise

2 Kings 17:18

Me damumuw SOMOL ngak piyu Israel me chuwegrad u p’eowchen, me par ni kemus ni go’ yu Judah e digey.

2 Kings 17:23

nge mada’ ko ngiyal’ ni chuwegrad SOMOL u p’eowchen, ni bod nike yog u daken fapi tapigpig rok ni pi profet nra rin’. Ma aram min fek e girdi’ nu Israel ni kalbus nga Assyria ni ka aram e gin ni yad bay riy.

BABYOR NI JOB 27:14

Ra mange ba yo’or pifakrad ni pumo’on, machane yad gubin ni yad ra yim’ ko mael; pifakrad e darir gamangad ko ggan.

Jeremiah 15:7

Lan gubin e binaw u lan e re nam ney e ku gon’med riy nga fithik’ e nifeng ni bod kenggin e grain. Ku gu thirifmed e girdi’ rog u but’, ku gu thang e pogofan rok pifakmed ya da’an mu taleged e kireb ni gimed be ngongliy.

Jeremiah 6:8

Gimed e girdi’ nu Jerusalem, mu paged e pi oloboch ney nge mang ba ginaeng ngomed ya ra dangay mu gu ra n’agmed; bay gu pilyeg lan binaw romed nge ngal’ ni bang i ted ni desert, ni bang i n’en ndariy be’ nra par riy.

Lamentations 2:20

SOMOL mu changar! Mangfan ni ga be gechig nagmad ni arayrogon? Pi’in ni ppin e yad be longuy pi fakrad nrib t’uf rorad! Prist nge profet e yi be thang e pogogan rorad u lan e Tempel!

Lamentations 2:22

Mu pining e to’ogor rog nga ba madnom ko k’ar marus u to’obeg i yan, Ma dariy be’ nrayag ni nge thay nge mil u fithik’ e damumuw rom e rofen nem. Kar thanged e pogofan rok pifakag, ni ug chugliyrad ni yad ba t’uf rog.

Hosea 7:13

“Kar riya’ gad! Kar pi’ed keru’rad ngog ma yad be togopluw ngog. Bay ni thangrad. Gu ba’adag ni nggu aywegrad, machane liyor rorad ngog e go’ ban.

Hosea 9:13

SOMOL, kug guy pifakrad ni yibe lol’oegrad yibe thang e fan rorad.

Hosea 9:16

Girdi’ nu Israel e yad bod bake gek’iy nike mroray lik’ngin ni dakir k’uf. Dab ku ra fakyed e bitir, machane fa’an yad ra fakay, ma gu ra thang e pogofan rok pifakrad nrib t’uf rorad.”

Malaki 2:12

Manga yigi chuweg SOMOL u fithik’ e girdi’ rok nu Israel e en ni be rin’ e pin’ey, ma dabki pagrad ngar’uned ko maligach nma pi e re nam nem ngak SOMOL ni Gubin ma Rayag Rok.

Numbers 14:34

Aningeg i ragag e duw ni bay i aw e gechig ngomed ni bochan e denen romed, ra reb e duw ma puluwon reb fa aningeg i ragag i rran ni um lekged e re nam nem. Ma aram e bay mu nanged e tin nra yib ngak e en nra pi’ keru’ ngog!

Numbers 26:65

I yog SOMOL ni yad gubin ni yad ra yim’ u daken e ted, kemus ni Kaleb ni be’ nib pagel ni fak Jefunneh nge Joshua ni be’ nib pagel ni fak Nun e yow ra magey.

Deuteronomy 28:18

“Ra bucheg SOMOL wa’athamed nge dabki yo’or pifakmed, me kireb e woldug romed, me lich e garbaw nge saf romed.

Deuteronomy 28:32

Ra ki gimed be sap min pi’ pifakmed ni pumo’on nge ppin ngak e girdi’ nu boch e nam ngar manged sib. Urngin e rran ma bayi magaf owchamed ko changar, ni gimed be sapnag pifakmed ni ngar sulod ni m’ayliyab.

Deuteronomy 31:17

Nap’an nra yodorom, ma bay gu damumuw ngorad; mu gu n’agrad ngan thirifrad u but’. Pire’ e gafgow nib gel ni bay yib ngorad, ma aram e bay ra nanged nike yib e pin’em ngorad, ya gag ni Got rorad e da kug moy rorad.

Deuteronomy 32:25

Mael e bayi li’ e girdi’ ngarm’ad u lan e yupa’ i kanawo’; marus ni tinowey e bayi aw ngalan e pi tabnaw. Pagel nge rugod e bay ram’ad; mus ko bitir ni kabran nge pilibthir ni dariy bagyad nra magach.

Judges 4:16

Me lol’oeg Barak fapi chariot nge fapi salthaw ngar mada’gad nga Harosheth nma par e pi Gentile riy. Miyad li’ e salthaw rok Sisera ni gubin, ni de magey be’.

1 Samuel 16:14

Fare gelngin SOMOL e chuw rok Saul, me pi’ SOMOL ba kan nib kireb nge yib i ying ngak Saul ngi i gafgownag.