Hosea 8:14 - Bible Ni Thothup

¹⁴ “Girdi’ nu Israel e kar toyed bogi tafen e pilung, machane kar paged talin e en ni sunmiyrad. Ma girdi’ nu Judah e kar toyed bogi binaw ni kan yaroriy ni fan ko mael, machane bay gu pi’ e nifiy nge urfiy fapi tafen e pilung nge fapi binaw rorad nga but’.”

Hosea 8:14 Iomraidhean Croise

1 Kings 12:31

Miki ngongliy Jeroboam yungi ban’en ni tagil’ e meybil u daken e burey i yan, me mel’eg e girdi’ u lan boch e tabinaw ni ngar manged prist, ni gathi yad girdi’en e ganong ko Levi.

1 Kings 16:31

Gathi kemus ni i rin’ e kireb ni i rin’ Jeroboam ni Pilung; ya ki leay Jezebel, ni fak Ethbaal ni Pilung nu Sidon, me un i tay fan Baal.

2 Kings 18:13

U lan e bin ragag nge aningeg e duw nike pilung Hezekiah, me m’ag Sennakerib ni Pilung nu Assyria e mael ko fapi binaw nu Judah, ni ka ni yororiy ni fan ko mael, nge kol.

2 Kronicles 26:10

Miki ubung e pi tagil’ e damit ni kan yororiy ni fan ko mael u daken e ted me fu’og e luwed nib yo’or, ni bochan e bay yu ran’ i gamanman rok u enggin e purey’ nge yungi tafelfel’ u ba’ ni ngal. Ri ba’adag e milay’, ma aram me tay ir ko girdi’ ni ngar yunged e milay’ ni grape ko gin ni go’ burey mi ni wolduguy e gin nib yung’ol e but’ riy.

2 Kronicles 27:4

Mu daken yungi ted nu Judah e sunmiy bogi binaw riy, mu lan e loway e toy bogi yoror riy ni fan ko mael nge pi tagil’ e damit.

Psalms 106:21

Ra paged talin Got ni ir e ayuwegrad ko pi maang’ang ni i rin’ u Egypt.

Psalms 95:6

Mired, ngad siro’gad ngak ngad ted fan; marod ngad ragbuggad u p’eowchen SOMOL, ni ir e sunumegdad!

Isaiah 17:10

Israel, kampag talin fare Got ni ir e lagnem me yoror rom ni bod ba war nib gel. Ka mu cheal ga be yung yungi milay’ nib taliw ni ngu’um tayfan e got nu bang riy.

Isaiah 29:23

Nap’an ni gimed ra guy e pi bitir ni bay gu pi’ ngomed, ma aram e bayi paluw u wan’med ni Gag fare Got rok yu Israel nthothup. Bay um pired ni gimed be liyor ngog ni kugmang ba manigil u wan’med.

Isaiah 42:13

SOMOL e ke yan ni nge mael nrogon be’ nib falu’ ma ba sorok; ke fal’eg rogon ni fan ko mael. Bayi tolulnag ni ngan mael; me dag gelngin nib togopluw ngak e pi to’ogor rok.

Isaiah 42:25

Ere gagiyeg nagdad ngad thamiyed gelngin e damumuw rok, ngad gafgowgad u fithik’ e mael. Damumuw rok e bod ba nifiy ni yan u lan yu Israel ni ga’ngin, machane da ud nanged fan; dariy ban’en ni mit ngodad riy.

Isaiah 43:21

Yad fapi girdi’ ni gu sunumiyrad ni ngar pired ni girdi’ rog, ma bay ur tanggad ni yad be pining e sorok ngog!”

Isaiah 9:10

“Naun ni rengga e ke puth nga but’, machane bay gu toyed bayay e pi naun nem ko malang. Ren ko sycamore e ka ni th’ab nga but’, machane bay gon’ed luwan ni tin th’abi fel’ e gek’iy ni cedar.”

Isaiah 9:9

Urngin e girdi’ nu Israel, ni gubin e pi’in ma par u Samaria, ni bay ra nanged nike rin’ ni aray rogon. Machane riyad ba tolngan’ ma yad ba ufanthin. Ra ga’argad,

Jeremiah 17:27

Machane thingar ra folgad rog ngar tedfan e Sabbath ni bod borran nib thothup. Thangri dabra feked ban’en nib tomal ngalan e pi garog nu Jerusalem e rofen nem, ma fa’an yad ra rin’, ma bay gu urfiy e pi garog nu Jerusalem nem. Bayi urfiy e nifiy e pi tafen e pilung u Jerusalem nga but’, ni dariy be’ nrayag ni nge thang.”

Jeremiah 2:32

Gur rayag rok be’ ni bpin ni kab rugod ni nge pag talin e churwa’ rok nib tolang puluwon, ara pag be’ ni bpin ni nge mabgol talin e mad rok ko m’agpa’? Machane girdi’ rog e ka ra paged talig nike yo’or i yo’or e rran ndabiyag i the’eg.

Jeremiah 23:27

Yad be leamnag ni pi lik’ay ni yad be weliy e ra gagiyegnag e tirog e girdi’ ngar paged talig, ni bod rogon pi chitamangirad nra paged talig ngar toer gad ngak Baal.

Jeremiah 3:21

Ba lam ni yibe rung’ag nga daken p’ebugul e burey: ni laman e girdi’ nu Israel ni yad be yor ma yad be wenig ni bochan e ku’ur pired u fithik’ e denen ni ka ra paged talin SOMOL ni Got rorad.

Jeremiah 5:17

Bay ra ful’ed wom’ngin e woldug romed nge ganmed; bay ra thanged e pogofan rok e pagel nge rugod ni pifakmed. Bay ra li’ed e yu ran’ nge yu ulung i gamanman romed miyad gathay fi’imed ni grape nge gek’iy ni fig. Yungi binaw ni ka ni yororiy ni fan ko mael ni pagan’ romed e bayi buthug e salthaw rorad nga but’.

Ezekiel 23:35

Irera’ e n’en ni be yog SOMOL ni Th’abi Tolang: “Bochan e kampag talig kam pi’ ker’um ngog, ere thingar mu fek wenegan e darngal nge falchuway’ ni um tay ngom.”

Hosea 13:6

Machane fa’an mmarod ngalan fare nam ni bfel’, mi gimed abich ngam fosgad, mi gimed ufanthin ngam paged talig.

Hosea 2:13

Bay gu gechignag ni bochan fa yu ngiyal’ i n’em ni i par nike pag talig, ni fa yu ngiyal’nem ni fa’an i urfiy e incense ngak Baal me nunuw nge lol’oeg pi ilingen. I SOMOL e keyog e pi thin ney.

Hosea 4:6

Girdi’ rog e kan thirifrad u but’ ya dakriy madgug u wun’rad. Gimed e pi prist e kam pi’ed keru’med ngog, are nggu n’agmed ni dabkum manged prist rog. Ma bochan e kam paged talin e motochiyel ko Got romed, ma aram e bay kug pag talin pifakmed ni pumo’on.

Amos 1:10

Ere bay gu pag e nifiy nga daken e pi yoror nu Tyre nge urfiy e pi naun ni bay riy ni ka ni ngongliy rogon ni fan ko mael.”

Amos 1:12

Ere bay gu pag e nifiy nga daken yu Teman, nge urfiy e pi naun ni bay u Bozrah, ni kan ngongliy rogon ni fan ko mael.”

Amos 1:14

Ere bay gu tay e nifiy ko pi yoror nu Rabbah nge mo’oruf e pi naun ni bay riy ni ka ni ngongliy rogon ni fan ko mael. Bay un tolul ko rofen ni yibe mael, me achangiy fare cham ni gowa bang i yoko’.

Amos 1:4

Bay gu pi’ e nifiy nge urfiy e naun rok Hazael ni Pilung, me urfiy e pi naun rok Benhadad ni Pilung ni ka ni ngongliy rogon ni fan ko mael.

Amos 2:5

Ere bay gu pi’ e nifiy nga daken e nam nu Judah nge urfiy e pi naun ni bay u Jerusalem ni kan ngongliy rogon ni fan ko mael.”

Efesus 2:10

I Got e sunumiydad, mu daken e ta’ab girdi’ ni kad ted Kristus Jesus e ir e ngongliydad riy ni fan ko maruwel ni bfel’ ni kem’ay i ngongliy rok ke tay ni ngad muruwliyed ko biney e tamilang.

Deuteronomy 32:18

Ra paged talin e Got rorad, nib gel gelngin ni i ayuwegrad u pa’ e pi to’ogor rorad, ni en ni pi’ e yafos ngorad.