Hosea 8:11 - Bible Ni Thothup

¹¹ “Ra be yo’or e altar ni be ngongliy yu Israel ni fan ko denen ni nge chuw e denen, ma aram tagil’ e denen ni fin be yo’or.

Hosea 8:11 Iomraidhean Croise

Jeremiah 16:13

Ere aram e bay gon’med nga wuru’ ere binaw ney nga daken reb e but’ ndariy bigmed ara pi chitamangimed ni manang murung’agen. Nu rom e bay um tedfan boch e got riy ni rran nge nnep, me gag dab ku gu dag e runguy rog ngomed.’”

Jeremiah 17:1

SOMOL e ga’ar, “Girdi’ nu Judah, denen romed e kan yoloy ko pen ni wasay; ma kan ker ngab p’ebgul e diamond nga lanin’med nge nga daken e pi tabthung ko pi altar romed.

Hosea 10:8

P’ebgul fapi burey nu Aven ni aram e gin ma meybil e girdi’ nu Israel riy ko liyos, e bay i mogoth. Rachangal nge pan e bay i ilal nge tharay e pi altar rorad. Girdi’ e bay ra tolulgad ko pi burey ni yad be ga’ar, “Mmithagmad!” miyad ga’ar ko yochi burey, “Mu upnguyed gamad!”

Hosea 12:11

Ma yug aram rogon ma yibe meybil ngak e pi liyos u Gilead, ma pi’in yad ma meybil ngak e liyos e bay ni thang owcharad. Pi garbaw ni pumo’on e yibe maligach ngay u Gilgal, ma pi altar u rom e bayi par ni yu ulung i malang u daken e ted.”

Hosea 5:4

Kireb nike ngongliy e girdi’ e ke tayrad ndarir sulod ngak e Got rorad. Pigpig ni yad be tay ngak yug boch e got e ke michigiyrad, dakuriy madgun SOMOL u wun’rad.

Deuteronomy 4:28

Ni aram e yungi n’en ni bay um pigpiggad ko pi got ni girdi’ e ngongliy nga pa’, ni bogi got nni ngongliy ko ren fa malang, ndabiyag ni nge guy fa rung’ag fa kay ban’en ara faray bon ban’en.