Hosea 7:16 - Bible Ni Thothup

¹⁶ Dakrir sulod ngog yad be lek ba got ni dariy gelngin. Dar muduwgil gad ni gowa ba gat’ing nib bug. Ni bochan e pi’in nma gagiyeg nagrad e ba tolang e thin rorad, yad ra yim’ nib ma’abwoch, ma ra minmin piyu Egypt.”

Hosea 7:16 Iomraidhean Croise

Psalms 12:3

SOMOL, mu taleg e pi balwoth nem ni sasalap! Mu ning e pi langef ni ufanthin nem nma ga’ar,

Psalms 12:4

“Thin romad e ma yagnag ngomad e n’en ni gamad ba’adag. Bay gogned e n’en ni gamad be finey, ma dariy be’ nrayag ni talegmad.”

Psalms 12:5

Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

Psalms 17:10

dariy e marunguy rorad, mab tolang e thin rorad.

Psalms 52:2

Ga be t’ar liben ni nge math owchen boch e girdi’; balowthem e bod bangi resa nib m’uth. Gubin ngiyal’ ni ga ma tunguy e thin.

Psalms 57:4

Ke liyegeg e pi to’ogor, ni yad bod e layon nib talonguy e girdi’. Nguwelrad e bod bogi sarey nge gan e gat’ing; ma bolowtherad e bod yungi saydon nib m’uth.

Psalms 73:9

Yad be yog murung’agen Got nu tharmiy nga dalib, ma yad be yog u fithik’ e ufanthin e tin ni nge rin’ e girdi’ nu fayleng,

Psalms 78:37

Dar yul’yul’gad ngak; ma ku dar yul’yul’gad ko fare m’ag ni bay u thilrad.

Psalms 78:57

ya ur togopluwgad ma kuyad bod e pi chitamangirad kakrom nde ryul’yul’gad, ni gowa ba gan e gat’ing nib bugbug ni dabyag i pagan’uy ngay.

Isaiah 3:8

Arogon, Jerusalem e ke riya’! Ma Judah e ke puth! Urngin e tin yad be yog ma yad be rin’ e ba togopluw ngak SOMOL; bgagyal ni yad be gernag Got!

Jeremiah 18:18

Ma aram me ga’ar e girdi’, “Marod ngad rin’ed ban’en ngak Jeremiah! Ya gubin ngiyal’ ni bay e pi prist ni yad ra fonow niged gadad, nge girdi’ nib gonop ni yad ra pow’iydad, nge pi profet ni yad ra weliy e thin rok Got ngodad. Ngad olobochgad ngak ma dab ku da motoyilgad ko tin be yog.”

Jeremiah 3:10

Ma tomuren e pin’ey ni gubin, ma Judah ni walagen Israel ni bpin, e i dake be’ nike sul ngog; ma gathi aram rogon u lanyan’. I Gag SOMOL e gu be non.”

Jeremiah 42:18

“SOMOL ni Got nu Israel e be ga’ar, ‘Ri bod rogon ni map’ e damumuw rog nib gel nga daken e girdi’ nu Jerusalem, e ku aram rogon ni yira pu’og nga dakenmed ni fa’an gimed ra yan nga Egypt. Bayi tamdag ya’amed; girdi’ e bay ur moning niged gimed ma bay ra ted fithingimed ni kemang ba yaba’. Ma dakriy bi’id ni kigimed ra guy e re gin’ey bayay.’”

Ezekiel 23:32

I SOMOL ni Th’abi Tolang e be ga’ar, “Bay mu unum e n’en ni bay ko kap rok walagem; nib ga’ ma ba to’ar. Gubin e girdi’ ni bay rogned e thin ni kireb ngom miyad be moning nagem; ya ba sug fare kap.

Ezekiel 36:20

Demuturug e yungin ni yad be yan riy, ma yad be girengiy e m’ayfan nga daken fithingag nib thothup, ni bochan e rayag ni yog e girdi’ ni ga’ar, ‘Pichaney e girdi’ rok SOMOL, machane dabisiy ni ngar chuwgad ko nam rok.’

Daniel 7:25

Bayi welthin nib togopluw ku Got ni Ir e Th’abi Tolang me gafgownag e girdi’ rok Got. Ya bayi guy rogon ni nge thiliyeg e pi motochiyel rorad nge pi madnom ni yad ma madnomnag, ma bayi par e girdi’ rok Got u tan gelngin ni dalip nge baley e duw.

Hosea 11:5

“Ra siyegned ni ngar sulod ngog, ere thingar rsulod nga Egypt, nge mang yu Assyria e ngar gagiyeg niged yad.

Hosea 11:7

Ri yad be guy rogon ni ngar pi’ed keru’rad ngog. Bay ra yorgad ngalang ni bochan fare mat’ ni bay u porad, ma dariy be’ nra chibiy nge chuweg rorad.

Hosea 6:4

Be ga’ar SOMOL, “Israel nge Judah, be mang e nggu rin’ ngomew? Rogon ni gub t’uf romew e kem’ay ni bod e ath ni sum ko garbeb ni kadbul me m’ay ngabang nib machreg; bod e wa’angachal ni kab kadbul me m’ay ngabang.

Hosea 7:13

“Kar riya’ gad! Kar pi’ed keru’rad ngog ma yad be togopluw ngog. Bay ni thangrad. Gu ba’adag ni nggu aywegrad, machane liyor rorad ngog e go’ ban.

Hosea 9:3

Girdi’ nu Israel e dabra magach gad u lan fare nam rok SOMOL, machane bay rsulod nga Egypt ma bay ra ked e ggan nib togopluw ko motochiyel u lan yu Assyria.

Hosea 9:4

U lan e pi nam nu bang nem e dabiyag ni ngar pi’ed e wayin ni maligach ngak SOMOL riy, ara rfeked e maligach rorad i yib ngak. Ggan rorad e ra ta’ay nag urngin e girdi’ nra kay, ya bod e ggan nni kay ko tayam’. Kemus ni yad be kay ni nge m’aynag e mak’iy rorad, dariy buchu’uw riy ni yibe pi’ ni maligach ngak SOMOL u Tempel.

Hosea 9:6

Nap’an nra yib e riya’ me wear e girdi’, me yib piyu Egypt ngar kunuyedrad — ngar k’eyagedrad u Memfis! Machaf rorad ni silber nge yungi n’en ni immoy taferad riy e bayi mogoth nge sug ko pan ni bay e rachangal riy.

Malaki 3:13

Be ga’ar SOMOL, “Kam thibthib niged gag, machane ke lungumed, ‘Mang e ku gogned ni murung’agem?’

Malaki 3:14

Ke lungumed, ‘Mm’ay fan e pigpig ni ngan tay ngak Got. Dakuriy fan ni ngad rin’ed e tin be yog, fa da guyed rogon ni ngad daged ngak SOMOL ni Gubin ma Rayag Rok nike kolngan’dad ko tin kad rin’ed.

Matthew 12:36

“Ya ba’aray ban’en ni nggog ngomed: Chirofen nra pufthinnag Got e girdi’ riy e gubin e girdi’ nra be’ ma urngin bugithin ni yog nthin ndariyfan ma thangri weliy tapgin ni yog.

Luke 8:13

Ma awoch ni wear nga daken bochi thal i but’ ni bay u daken e war e be yip’ fan e pi’in nrung’aged e re thin rok Got nem miyad fol riy ni kar felfelan’gad. Machane ri de rich nga fithik’ i lanin’rad; ma de n’uw nap’an ni ur pired nib mich u wun’rad e re thin nem, ma fa’ani yib ngorad e pin’en nma pingegey ngan denen ma dakur folgad ko fapi thin.

James 3:5

Ireray rogon bolowthey: aram feni achig, ma rayag ni nge weliy u fithik e ufanthin murung’agen bogi n’en ni ba ga’. Aygum tafinay niged bangi garger nib ga’ ni ba ga’ yang nrayag ni ngan urfiy nga bochi daramram nrib achig!

2 Peter 2:8

Ya re mo’on nem ni bfel’ ni i par u fithik’rad u reb e rran nge reb e i guy ma i rung’ag e pin’em, ma be kireban’ ko ngongol rorad nib kireb.

Revelation 13:5

Re gamanman nem e kan pag ni ngi i yog e thin nrib th’abi kireb, ni ba uf ngay ma ba togopluw ngak Got, ma ku errogon ni kan pag ni nge par nge yog e thin ni aningeg i ragag nge l’agruw e pul.