Hosea 6:7 - Bible Ni Thothup

⁷ “Machane bod Adam yug nap’an e rabad ngalan fare nam, miyad th’ab fare m’ag u thilmad.

Hosea 6:7 Iomraidhean Croise

Genesis 3:11

Me fith Got ngak ni ga’ar, “Mini’ e keyog ngom ni ga bay u tamilang? Mog, kam koy wom’ngin fare ke gek’iy ni gog ngom ni dab mu koy?”

Genesis 3:6

Me guy fare pin feni fel’ ya’an fare ke gek’iy, nge feni manigil wom’ngin ni ngan kay, me finey feni manigil ni nge tamilangan’uy. Ma aram me t’ar boch i wom’ngin nge kay. Me pi’ boch ngak figirngin miki kay.

2 Kings 17:15

Miyad siyeg ni ngar folgad ko pi gafal rok, miyad pi’ keru’rad ko fare m’ag ni ngongliy SOMOL u thilrad e pi chitamangirad kakrom, miyad sabalbalyang ko pin’en ni be ginangrad riy. Mu ur tedfan e pi liyos nib m’ayfan ngki m’ayfarad, miyad un nga yalen e pi nam ni bay u to’obrad i yan, ni da ku ra folgad ko n’en ni yog SOMOL ngorad ni ngar folgad riy.

BABYOR NI JOB 31:33

Boch e girdi’ e yad ma guy rogon ni ngar mitheged e denen rorad, ma gag e da gur mithag e denen rog.

Isaiah 24:16

Gin tha’bi palog nga tungun e fayleng e bay da rung’aged ni be yin’ tangin e sorok ni fen piyu Israel, ni fare nam nib mat’aw. Machane gag e dakriy ban’en ni ka be lagan’ug ngay! Gu be m’ay nga bang! Pi’in nib ta dugdugthin u thilin e girdi’ e kuyad be elmirin i yan.

Isaiah 24:5

Girdi’ e ka ra alit niged e fayleng ni bochan e yad be th’ab e motochiyel rok Got miyad be kirebnag fare m’ag ni ngongliy ni nge par ni manemus.

Isaiah 48:8

Gu manang ni dabyag ni nge pagan’uy ngomed, ya go’ yi manangmed ni gimed ba tatogopluw. Aramfan ni dawor mu rung’aged murung’agen e ran’ey, aramfan ndariy bbug e thin riy ni thap nga telmed.

Jeremiah 3:7

Ug leamnag ni tomuren nike rin’ urngin e pin’ey, ma bayi sul ngog. Machane, de sul, ma walagen ni bpin ni Judah ni ku de yul’yul’ e guy urngin e pin’ey.

Jeremiah 31:32

Dabi bod fare m’ag ni gu ngongliy u thilmad pi chitamangirad ko fa ngiyal’nem ni gu kol pa’rad nggu fekrad nga wuru’ yu Egypt. Ni yug aram rogon ni bod ni gag figirngirad, ma dar ted fare m’ag u gil’.

Jeremiah 34:18

Pi tolang ko salthaw nu Judah ngu Jerusalem, nge pi’in ba ga’ lungrad u tafen e pilung, nge pi prist, nge gubin e tayugang’, ni nra ngongliyed ba m’ag u thilmad ni rseyed ba garbaw nge ruw raba’ ngranod u thilin. Miyad cheal ngar th’abed fare m’ag ni dar folgad ko tin bay riy. Ere bay gu rin’ ko pi girdi’ ney e n’en rin’ed ko fare garbaw.

Jeremiah 5:11

Girdi’ nu Israel ngu Judah e kar feked yathig. I Gag SOMOL e gu be non.”

Hosea 5:7

Da ur yul’yul’gad ngak SOMOL; ere pifakrad e daki mil farad ngak. Ere dabki n’uw nap’an min thirifrad u but’ min gathay e pi nam rorad.

Hosea 8:1

I SOMOL e ga’ar, “Mu thoyed e yabul ni ngan nang ni pi to’ogor e yad be ngolol i yib nga daken e nam rog ni bod e manuw! Girdi’ rog e kar th’abed fare m’ag ni gu ngongliy u thilmad yad be togopluw ko machib rog.

Roma 5:14

Machane nap’an Adam nge yib i mada’ ngak Moses e i gagiyegnag e yam’ urngin e girdi’, ni mus ngak e pi’in gathi ta’reb rogon e denen rorad ko denen ni rin’ Adam ni fa’an daki fol ko tin ni tay Got chiylen. Adam e par ni ir e be yip’ fan e cha’ ni bay fini yib.

Deuteronomy 31:20

Bay gu fekrad ngalan e re nam nem nib madnom ma ba yong’ol e but’ riy, ni bod ni gu micheg ngak pi chitamangirad kakrom. U rom e rayag ngorad riy urngin e ggan ni yad ba’adag, ma bay ur pired ni bfel’ rogorad. Machane bay ra pi’ed keru’rad ngog ngu’ur tedfan yugu boch e got. Bay ra dabuyedgag miyad th’ab fare m’ag ni kug ngongliy u thilmad,

Hebrews 8:9

Gathi bayi bod rogon e bin ba’aram e m’ag ni gu ngongliy u thilig nge pi chitamangirad ko fa rofen ni gu kol pa’rad nggu pow’iyrad nga wuru’ e nam nu Egypt. Dar pired ni yad ba yul’yul’ ko fare m’ag ni gu pi’ ngorad, ma aram e da kug tiyan’ug ngorad.