Hosea 6:6 - Bible Ni Thothup

⁶ T’ufeg ni gubin ngiyal’ e aram e n’en ni gu ba’adag, ma gathi gamanman romed ni maligach. Ku gu ba’adag ni nge nangeg e girdi’ rog ko bin ngu’un urfiy e maligach ngu’un pi’ ngog.

Hosea 6:6 Iomraidhean Croise

1 Kronicles 28:9

Me ga’ar ngak Solomon, “Fakag, gu be yog ngom ni ngam nang e Got rok e chitamam mag pigpig ngak u polo’ i gumircha’em ngu lanin’um, ni bod ni ug rin’. Manang gubin e tafnay rom nge tin ga be ar arnag, ma fa’an ga ra sul ngak ma ra rung’ag e meybil rom. Machane fa’anra mu fek yathin, ma ra n’agem ni manemus.

Psalms 50:8

Dagur puwan’ ngomed ni bochan e pi maligach romed nge pi maligach ni mo’oruf ni gimed be fek i yib ngog ni gubin ngiyal’.

Proverbs 21:3

Mu rin’ e tin bmat’aw mab yal’uw, ma kabfel’ u wan’ SOMOL ko bin ngam fek e maligach i yib ngak.

Eklesiastes 5:1

Mukol ayuw u rogon e yan rom nga Tempel. Kabfel’ ni ngam mman ngaram ni ngam fil ban’en ko bin ni ngam pi’ e maligach ni bod e girdi’ ni balyang ni der puf u lanyan’ e n’en nib mat’aw ko tin nib kireb.

Isaiah 1:11

Be ga’ar, “Gimed be finey ma gu ba’adag urngin e pi maligach ni gimed be pi’ ngog? Ka ni chichingeg nga owcheg e pi saf ni gimed be urfiy ngu’um pi’ed ngog ni maligach, nge mam ko tin th’abi fel’ e gamanman romed. Ku gu dabuy e racha’ ko garbaw nge saf nge kaming.

Isaiah 58:6

“Mit i pag abich ni gu ba’adag e ba’aray: Mu chuweged e chen ni gafgow ni gimed be tay ko girdi’, mu lufed e mat’ nib tomal ni ka mu ted nga porad ni er e ngongol nde yal’uw ni gimed be rin’ ngorad, mi gimed pag e girdi’ ni gimed be gafgow nagrad nga ranod nike puf rogorad.

Jeremiah 22:16

Ba yal’uw rogon ni i pithig e oloboch rok e pi’in gafgow, me par gubin ban’en u puluwon ni bfel’ rogon. Aramrogon ma aram e kannang SOMOL.

Jeremiah 7:22

Nap’an ni gu fek pi chitamangimed nga wuru’ yu Egypt ma da gog ngorad ban’en ni murung’agen e tin ngan urfiy ngan pi’ ngog ara yugu boch e maligach.

Daniel 4:27

Pilung rog, ngam fol ko tin ni nggog ngom ngam tal ndab ku um ngongliy e denen, ma ga rin’ e tin nib mat’aw; ma ngam runguy e pi’in gafgow. Ga ra rin’ ni aray rogon me yan nga luwan e kireb ni um rin’ mu’um par ni bfel’ rogom i yan.”

Hosea 14:2

Mu sulod ngak SOMOL, mi gimed meybil ngak ni nge lungumed, “Mu n’ag fan urngin e denen romad, me fel’ u wun’um e meybil romad, ma gamad pining e sorok ngom ni bod ni ku gogned ngom ni gamad ra rin’.

Hosea 2:20

Bay gu tay nga tagil’ e thin ni kug micheg ngom mu gu tem nike mil suwom ngog; ma bay mu nang ni gag e SOMOL.

Hosea 4:1

I SOMOL e bay e n’en ni nge yog ni ba togopluw ko girdi’ nu Israel ni be par ko re nam ney. Israel, mu telim ko n’en ni be yog ni be ga’ar, “Dariy e yul’yul’ nge t’ufeg u daken e re nam ney, ma dakriy e girdi’ ni be yog ni Gag Got.

Hosea 8:13

Yad be pi’ e maligach ngog miyad be kay e ufin ko fapi maligach. Machane i Gag SOMOL e darir fel’gad u wun’ug, are chiney e bay yib ngan’ug e kireb rorad, mug gechig nagrad ni fan ko denen rorad; bay gu fulwegrad bayay nga Egypt!

Amos 5:21

Be ga’ar SOMOL, “Gu be fanenikay e pi madnom ko taliw romed; dabkiyag ni nggu kadan’ug riy.

Mikah 6:6

Mang e nggu fek i yib ngak SOMOL ni Got nu tharmiy ko ngiyal’ ni gu ra yib ni nggu liyor ngak? Gur nggu fek i yib e tin th’abi fel’ pifak e garbaw ngan urfiy ni maligach ngak?

Mikah 6:8

Dangay, I SOMOL e keyog ngodad e n’en ni bfel’. Ba’aray e n’en ni be yog ni ngan rin’: mu rin’ed e n’en nib yal’uw, um pired nib t’uf Got romed nge girdi’, mu um folgad rok Got u fithik’ e sobut’an’.

Matthew 12:7

Fa’an mang e ri gimed manang fan e re gin’en ni ba’aray ni bay u lan e babyor nib thothup ni ga’ar, ‘Dabug e gamanman ni maligach, ma wurengan’ e gub adag,’ ma dabiyag ni ngam turguyed e kireb nga daken bogni’ ndar kirebgad.

Matthew 5:7

“Nge felan’ e pi’in yad ma runguy e girdi’, ya ra runguyrad Got!

Matthew 9:13

Marod ngam guyed fan e re bugithin ni ba’aray u lan e babyor nib thothup ni ga’ar, ‘Dabug ni ngan pi’ e gamanman ni maligach ngog, ya t’ufeg e gub adag. Ya gathi ku gub ni nggu pining e pi’in yad ba yal’uw, ya ku gub ni nggu pining e pi’in ba thiyar ndabun e girdi’ nu lan binaw dakenrad.”

Mark 12:33

Ere girdi’ e thangri t’uf Got rok u polo’ i gum’irchaen, ngu polo’ i laniyan’, ngu polo’ i gelngin; ma thingari t’uf rok e en nib migid ngak ko gin’en ni bay riy ni gowe ir. Kabfel’ ni ngan fol ko gali motochiyel ney ko bin ni ngan fek e gamanman i yib ni maligach ngan urfiy u daken e altar mu kun pi’ yugu boch e maligach.”

Joshua 5:5

Yugu aram rogon ni urngin e pumo’on ni chuw u Egypt e kan maad’ad nagrad ni bod ni yog e motochiyel rok Moses, ma pi’in nni gargelegrad ko ngiyal’ ni ba’aram nni milekag u daken fa gi ted ngan th’ab nga baraba’ e dariy bagayad ni kan maad’adnag.

1 John 2:3

Fa’an gadad ra fol ko tin ke yog Got ngodad ni ngad rin’ed, ma aram e ke muduwgil u wun’dad ni kadnanged ir.

1 John 3:6

Aram fan ni gubin e girdi’ ni be par u fithik’ Kristus e dakurir denengad i yan; machane en nra i denen i yan e ri dawori guy ma dawori nang Kristus.

1 Samuel 15:22

Me ga’ar Samuel, “Mang e ba’adag SOMOL? Fol fa tin ni ngan pi’ ngak ara maligach? Kabfel’ ni ngan fol rok ko bin ni nga ni pi’ e bin th’abi fel’ e saf ngak ni maligach.