Hosea 6:4 - Bible Ni Thothup

⁴ Be ga’ar SOMOL, “Israel nge Judah, be mang e nggu rin’ ngomew? Rogon ni gub t’uf romew e kem’ay ni bod e ath ni sum ko garbeb ni kadbul me m’ay ngabang nib machreg; bod e wa’angachal ni kab kadbul me m’ay ngabang.

Hosea 6:4 Iomraidhean Croise

Jeremiah 3:10

Ma tomuren e pin’ey ni gubin, ma Judah ni walagen Israel ni bpin, e i dake be’ nike sul ngog; ma gathi aram rogon u lanyan’. I Gag SOMOL e gu be non.”

Jeremiah 3:19

Be ga’ar SOMOL, “Israel, gu ba’adag ni nggu tem u lanin’ug ni fakag gur mu gu pi’ e binaw ngom nib manigil, ni aram e gin th’abi fel’ ya’an u ga’ngin yang u fayleng. Gu ba’adag ni ngam pining e matam ngog ma dab ku mu pi’ keru’um ngog bi’id.

Jeremiah 34:15

Dawri n’uw nap’an nim thilyeged lanin’med ngam rin’ed e n’en nib magan’ug ngay. Gimed gubin ni magan’med ngay ni ngam paged e girdi’ nu Israel nge puf matawrad, mi gimed ngongliy ba m’ag u p’eowcheg, u lan fare Tempel ni yima liyor ngog riy.

Jeremiah 5:23

Machane gimed e pi girdi’ nir! Gimed bogi gelan’ ni tatogopluw; ka mu chealgad nga bang ka mu paged gag.

Jeremiah 5:7

I SOMOL e fith ni ga’ar, “Gur mangfan ni nggu n’ag fan u wun’ug e denen rok e girdi’ rog? Yad e ka ra n’aged gag yad be tay fan boch e got nde riyul’. Ku gu durwi’iy e girdi’ rog karfos gad, machane yad be par e girdi’ ni gathi mabgol rorad ke ga’ forad ngak e ppin ni yad ma falchuway’ ngorad.

Jeremiah 5:9

Ere mang ni dab gu gechig nagrad ko pin’ey nggu togopluw nga ba nam ni aray rogon’?

Jeremiah 9:7

Bochan e ran’ey me ga’ar SOMOL ni Gubin ma Rayag Rok, “Bay gu machalbognag e girdi’ rog ni bod e wasay nggu sikeng nagrad. Girdi rog e ka ra ngongliyed e kireb — mang e kabay ni nggu rin’ ngorad?

Hosea 11:8

“Israel, uw rogon ni nggu pagem? Uw rogon ni nggu n’igem? Gur rayag ni gu thirifem u but’ ni bod ni gu rin’ nga Admah? Ara gu rin’ ngom e n’en ni gu rin’ nga Zeboyim? Dabiyag u ngorongreg ni nggu rin’! Ya ri gab t’uf rog!

Hosea 13:3

Ere pi girdi’ ney e bay ra m’aygad ngabang ni bod e garbeb ni kadbul, ma bod e wa’angchol nma m’ay ngabang nri kakadbul u reb e rran. Bay ra boded keru’ e grain nike fek e nifeng ke chuw ko gin yima chuweg keru’ e grain riy, ku bod e ath ni be chuw u tafen e ath.

Hosea 7:1

“Nap’an ni gu ra leamnag ni nggu golnag e girdi’ rog nu Israel mug fal’eg rograd bayay, ma tin gu be guy e kemus ni leam rorad nge pangirad ni kireb. Yad be dumpumrad ngorad, ma yad be mab naun ngu’ur mororo’gad, ma yad be og ko girdi’ u kanawo’.

Matthew 13:21

Machane ri de rich nga fithik’ i lanin’rad, ma aram me de par e thin rok Got u lanin’rad nib n’uw nap’an. Ma fa’ani yib e gafgow fa togopluw ni bochan e re thin rok Got nem, mra paged yad ni ka chingiyal’ nem.

Judges 3:12

Me denen bayay e girdi’ nu Israel nib togopluw ngak SOMOL. Ireram fan ni tay SOMOL Eglon ni Pilung nu Moab nge gel nga Israel.